2 Corintios 4:12 - Manityanati Tupax

¹² Sane naukiche axɨna konkox ane suisɨtɨpɨ, tapɨ aukɨtɨpɨ ane sɨborikixh.

Manitanati Tuparrü

¹² Sane te tüsaipü suisonca, pero uirri torrio aume ausüboriquibo uiti Tuparrü.

2 Corintios 4:12 교차 참조

Hechos 20:24

Tapɨ axɨñɨ champɨapae nɨmoche sobi axtɨ ikiaɨbutama xhopɨnanakiñɨ nisɨboriki, axɨna nixhantɨmo ta iñanai tyakɨru niyachɨkoi aɨbu nipukɨnunku nauki sane isamune yakɨpukuxti Yɨriabux Jesús iñemo xhanuneka axɨba omixhia manityakax nukuasɨrɨkɨ ɨmoti Tupax.

1 Corintios 4:10

Axɨsomɨ, tyopikiti Cristo, namatɨ suiñemo champɨ sopipiatɨmo. Tapɨ axaño chapie ɨmoti Cristo, amukanaño taruku napapanaunku. Axɨsomɨ chɨkusɨurupɨ suisɨtɨpɨ, tapɨ axaño taruku nikusɨu naukɨtɨpɨ. Iñanama pese somɨ, tapɨ aume taruku ñanaunkuxɨma.

2 Corintios 12:15

Tapɨ axɨñɨ ityoximiata aɨbu nipukɨnunku nanaiña axɨna ane sobi, axɨnaintyo nisɨboriki iñata autaku nauki uxia nabaka.

2 Corintios 13:9

Sane naukiche suipɨkɨnunka axtɨ chɨkusɨurupɨ suisɨtɨpɨ, axɨsomɨ suixanka nauki axaño tari kusɨuru nuxia naukɨtɨpɨ. Axɨsomɨ supankikia nauki taikiana besɨro nausɨboriki.

2 Corintios 4:11

Tyopiki axɨsomɨ axɨna suisɨborikiaiki aneantai suisonko suisiu auki nakaxti Cristo, nauki axɨna nisɨborikixhti atusianka kɨtɨpɨ suisɨtɨpɨ axɨna koiñobo.

2 Corintios 4:13

Nantɨ iku Nikorox sane: “Ikokokati Tupax, sane naukiche xhanityaka.” Saneityo axɨsomɨ, ui axɨna sopikokota, uixhtyo supanityaka.

Filipenses 2:17

Axaño apaserebikia amonkatɨtyo ɨmoti Tupax, tyone takana axtɨ napakumanata. Axtɨ ityabairomañɨ, tyoneintyo aruki axɨmanu makumanatax ɨmoti Tupax. Axtɨ sane ñana, taruku nipukɨnunku, ixhanka aupukɨnunka chepeñɨ.

Filipenses 2:30

tyopiki niyachɨkoiti ɨmoti Cristo tisaipɨ akonti. Añekana nisɨborikixhti, tɨsaimiampɨ akonti, ui axɨna anankati asaratitɨ chakuñɨ tyopiki axaño chamonkañopɨ amasarañɨ.

1 Juan 3:16

Axoñɨ tusiu oemo axɨna makumananaunkux tyopiki axti Jesucristo ityoximiatati nisɨborikixhti utaku saneityo axoñɨ, uityoximiana nosɨboriki tyakuma axɨbama usarukityaiki.