2 Corintios 3:7 - Manityanati Tupax

⁷ Naukiche atusianka axɨmanu bakɨpukux uiche uɨrotɨ ɨmo konkox axɨmanu ananka korobo iku kanx uxiante aɨbu taruku nanentakax, sane naukiche axɨmanuma auki Israel chastaipɨma nisuxti Moisés, ui axɨmanu tarukapae nanentakax axɨna chɨsɨsiopɨ ñana,

Manitanati Tuparrü

⁷ Arrümanu nüriacarrü torrio tücañe ümoti Moisés uiti Tuparrü, corobo icu canrrü. Nauquiche torrio ümoti, tusio nanentacarrti Tuparrü isuti Moisés. Arrümanu nanentacarrü isuti masamuña aenso tatito, nauquiche iñataiti tato esa genterrü onüqui manu yiriturrü. Pero ta cuaraiqui nurria. Sane nauquiche chüpuerurrüpü asaramatü isuti bama israelitarrü. Arrümanu nüriacarrü cuatü aübu tarucu nanentacarrü, abu ui manu nüriacarrü oconca ñana.

2 Corintios 3:7 교차 참조

Hechos 6:15

Auki axɨmanuma mayɨriabuka ichepe namanaiña axɨmanuma amonkoma akamanu tɨmonsoma, asaramatɨ ɨmoti Esteban, astaimia nisuxti takana nisuxti taman ángel.

Romanos 10:4

Tyopiki axɨmanu bakɨpukux uiti Moisés iñatai nityakɨrux aɨbuti Cristo, nauki namanaiña axɨbama ikokoromati uiti uxia nisɨborikixhimia.

Romanos 4:15

Axɨmanu bakɨpukux uiti Moisés kuatɨ uixh chɨrɨri, tapɨ axɨna kauta champɨ bakɨpukux uiti Moisés, chɨtusiupɨ axtɨ ane nuipɨnate.

Romanos 5:20

Axɨmanu bakɨpukux uiti Moisés toxio nauki aisumainkianɨ axɨmanu nomɨnantɨ. Naukiche axɨmanu nomɨnantɨ tɨsɨrɨmanax, axti Tupax ityusiankatati axɨna taruku nipukɨruxti.

Romanos 7:10

uixh isonka. Sane axɨmanu bakɨpukux axɨna uichepɨ ane isiborikiboñɨ, ikianañɨ ɨmo nisonko,

Romanos 7:22

Au niyausasɨ uxia iñemo bakɨpukux uiti Tupax,

Romanos 7:5

Naukiche osɨborikiaiki yupu axɨba nomɨnantɨ, axɨmanu bakɨpukux uiti Moisés uixh aistopɨna nokɨtɨpɨ nauki uisamunio axɨba chomixhampɨ, axɨna iyebo osoi ityobo tyone nokonko.

1 Corintios 13:10

Iñatai ñana au nityakɨrux axtɨ kuatɨ axɨna besɨro mapanaunkux ñana.

2 Corintios 3:3

Tusiu nuxia axaño tyone axɨmanu kichonimiakax korobo uiti Cristo axɨna soboi sopityoximia. Axɨna chɨkorobopɨ ui kiatax ta ui nesaxti Espíritu naki Tupax sɨborikoti. Axɨna chɨkorobopɨ iku kanx, ta korobo au nausasɨ mañoñɨnka.

2 Corintios 3:6

uiti aiñununekanati somɨ nauki supaserebi ɨmo axɨmanu aɨbo tratox, chɨtɨpɨ isiuki axɨmanu bakɨpukux, ta ui noñemaxti Espíritu Santo, axɨmanu bakɨpukux otoxikia uixh ɨmo nokonko tapɨti nesaxti Espíritu Tupax osɨborikia uixh.

2 Corintios 3:8

¡taruku niyarusɨrɨkɨx axɨmanu aɨbo tratox axɨna noñemaxti Espíritu Santo!

Gálatas 3:10

Axɨbama onkomatɨ ɨmo axɨmanu bakɨpukux uiti Moisés tyonema axɨbama pauxamanama, tyopiki axɨmanu Nikorox nantɨ: “Pauxamanati ñana naki chisamutentipɨ nanaiña axɨna ane korobo iku axɨmanu kichonimiakax nesa bakɨpukux.”

Gálatas 3:21

¿Ensapɨ axɨna nantɨ axɨmanu bakɨpukux ta chomixhampɨ axɨmanio ɨriotɨ tɨkañe uiti Tupax? ¡Chɨsanempɨ! Tyopiki axtɨ axɨmanu bakɨpukux uixh ane sɨborikixh, tyopikipɨ numakokonaunku ɨmoti Tupax uxia uiti oemo.

Hebreos 12:18

Axaño chabakapɨtɨ takana axɨmanuma auki Israel, esa axɨmanu yirityux axɨmanu chebo oemo uiñe kauta omo pes, kauta tomikianene tɨkañe, ane taruku kuchasɨx.

Hebreos 3:3

Tapɨti Jesús taruku nɨriakaxti uiti Tupax pɨnanakiti Moisés, sane takanati naki masamunuti pox taruku nɨriakaxti pɨnanaki axɨmanu pox.

Hebreos 9:4

Akamanu ane taman altar uxiante ui oro axɨna ikuche oomo incienso, chepe axɨmanu baurixh ane oro kɨtɨpɨ. Au ananka taman bausɨma uxiante ui oro aɨbu maná au anankaityo akamanu nompɨtaxti Aarón, axɨmanu takɨbaɨro tɨkañe, yochepe axɨmanio kanka korobo yuku axɨba diez bakɨpukuka.