2 Corintios 3:18 - Manityanati Tupax

¹⁸ Sane naukiche nanaiña oñɨ, tɨkarɨbu nusubuxi axɨna uiche tɨkañe chubasakapɨtɨ, sane kaɨma bastai niyarusɨrɨkɨxti Tupax, uixh masamuña tusiu au nosɨboriki axɨna niyarusɨrɨkɨxtti Tupax, ui noñema nesaxti Espíritu Yɨriabux Jesús.

Manitanati Tuparrü

¹⁸ Así que usaca tacanarrtü chürruburriopü nusu, tacanarrtü cuara nanentacarrti Tuparrü usu. Ui arrüna sane masamuña campiabo nusaca tacana nacarrti, y tusio ito au nosüboriqui arrüna nanentacarrti Tuparrü. Nanaiña arrüna sane pasabo uiti Espíritu Santo, naqui esaquiti Cristo.

2 Corintios 3:18 교차 참조

San Juan 1:14

Axti maniki Manityakax oñɨnkati po'osoti auna uyaxɨpeku. Axoñɨ bastai niyarusɨrɨkɨxti, axɨna toxio ɨmoti uiti Yaɨtoti, ityopiki tyonenti kunauntañati Aɨtoxti, ityusiankatati usukarɨ axɨna nipukɨruxti takanaintyo axɨna ñemanauntu.

San Juan 12:41

Axti Isaías urapoiti tɨkañe axɨna sane, ityopiki astaiti niyarusɨrɨkɨxti Jesús, sane nuraxti kɨtɨpɨti.

San Juan 17:22

Toxio sobi ɨmoma axɨbama aboma isiuñɨ ɨriakaboma takana axɨmanu toxio obi iñemo, ui nixhanka nauki sɨsioma chepe nakaxɨma takana axɨñɨ achepekɨ tamantai nusaka.

San Juan 17:24

“Iyaɨ, axɨbama aboma isiuñɨ obi aityoximianama iñemo, ixhanka nauki aboma ichepeñɨ kauta niyaka, nauki asaraimia niyarusɨrɨkɨ nisɨriaka axɨna toxio iñemo obi, ityopiki isuasɨrɨka aemo aukiapae naukiche chuxiantenkipɨ axɨna kɨx.

Romanos 12:2

Tapɨ abasikia sane aɨbu axɨna nausɨboriki kaɨma, ta apikoñoko napakionko sane nauki apikoñoko nausɨboriki saneityo apisuputarai noñemaxti Tupax, tyone axɨna uxia axɨnaintyo besɨro nausɨboriki.

Romanos 13:14

Chɨsanempɨ, apikoñoko nausɨboriki apisamuse axɨba omixhia takanati Yɨriabux Jesucristo, tapɨ chebo aboi ɨmo naukɨtɨpɨ nauki apisamune axɨba nomɨnantɨ.

Romanos 8:29

Axɨbama tɨsamamekanama uiti Tupax aukiapae tɨkañe, nauki aisamunema takanati Aɨtoxti, nauki axti Aɨtoxti tyonenti naki kusɨrɨboti aɨbuma namanaiña axɨbama yarukityoxti.

Romanos 8:4

Isamutenti sane nauki uisamune axɨna besɨro yakɨpukux axɨna nɨriakax, chosɨborikiaikipɨ isiuki axɨba nuxiantɨmo ta osɨborikia ui noñemaxti Espíritu Santo.

Romanos 8:7

Axɨbama isamutema isiuki nixhantɨmo nikɨtɨpɨxɨma tyonema axɨbama chuxiampɨ uimia ɨmoti Tupax, tyopiki chixhanxɨpɨma aisamunema yakɨpukuxti Tupax.

1 Corintios 13:12

Kaɨma chɨkontopɨ basarai chɨtusiupityo nuxia oemo. Ta uiñatai ñana esati basarati. Axɨna ipiaka kaɨma ta chɨbesɨropɨ nuxia, iñatai ñana axɨmanu nanenes auche isuputarati Tupax takanati isuputaratiñɨ nantax.

1 Corintios 15:49

Sane takana isiu nusaka axti maniki uxiankati ui kɨx, saneityo isiu nusaka takanati maniki ñoñɨnx auki napes.

2 Corintios 3:17

Tyopiki axti Yɨriabux Jesús tyonenti naki Espíritu Santo. Axɨna kauta naka nesaxti Espíritu Yɨriabux Jesús, akamanu uxia uimia ɨmomantoe.

2 Corintios 4:4

Tyopiki axɨma chikokotapɨma, axti naki tupax ikuki axɨna kɨx (axti chobores) uiti tabuxio ñapanaunkuxɨma, nauki tapɨ astaimia nanentakax axɨba omixhia manityakax uiti Yɨriabux Jesús, tyone axɨna sɨboriko nausɨpɨtuxti Tupax.

2 Corintios 4:6

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.

2 Corintios 5:17

Saneityo axtɨ anati naki anati aɨbuti Cristo tyonenti naki aɨbo nisunaunxti. Axɨba tɨnanankax chauki tomenotɨ. Nanaiña opisamunaño iyebo tato.

Gálatas 6:15

Champɨ nɨmoche axtɨ circuncidabo oñɨ o champɨ. Axɨna ñemanauntu uxia tyone axɨna iyebo tato nosɨboriki aɨbuti Cristo.

Colosenses 3:10

tapɨ kaɨma kiatax tato nausɨboriki ñemanauntu axaño tyonema axɨbama aɨbo mañoñɨnka, axɨbama masamuña kiatax nausɨboriki takanati Tupax naki uiche aisamunenti naukɨtɨpɨ, masamuñaintyo apisuputakati nuxia.

1 Timoteo 1:11

oboi axɨba omixhia manityakax uiti naki Tupax oemo yakɨpukuxti iñemo xhanuneka.

Tito 3:5

axoñɨ champɨ uisamute axɨba omixha, ui taruku nipukɨruxti xhimiakana uiti axɨna nomɨnantɨ osoi iyaxɨbiroti oñɨ kiatax nosɨboriki uiti ui noñemaxti Espíritu Santo.

Santiago 1:23

Axti naki onkoiti nuraxti Tupax, chisamutentipɨ nisɨborikixhti isiuki, tyonenti takanati naki ñoñɨnx asaratitɨ ɨmo nisuxti au nixhpekux:

1 Juan 3:2

Masarukityaiki, chauki tɨaɨtoxti Tupax oñɨ. Chɨtusiupɨ nuxia oemo kausaneampae ñana, axɨna tusiu oemo axtɨ tɨkuatati tato Jesucristo axɨna nusaka ta tyoneantoe nakaxti, tyopiki basakati ñana axɨna ñemanaunkuxatoe nakaxti.