2 Corintios 2:14 - Manityanati Tupax

¹⁴ Chapie ɨmoti Tupax uiti aikianati oñɨ nantax yopɨrɨkɨ nanaiña aɨbuti Cristo, auki osoi usuraboi nuraxti, tyone axɨna sɨrotɨ au nanaiña takana axɨna koñoxatai norimia.

Manitanati Tuparrü

¹⁴ ¡Chapie ümoti Tuparrü! Itopiqui uiti macananati Cristo ümoti choborese. Arrüsomü supacanaca ito ichepeti Cristo. Sane nauquiche caüma arrti Cristo icüpuruti somü au nanaiñantai icu na cürrü. Soboi caüma bama macrirrtianuca isuputaramati Cristo.

2 Corintios 2:14 교차 참조

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

Romanos 1:8

Kusɨrɨbo ñachampienka ɨmoti Tupax, au nɨrixhti Yɨriabux Jesucristo autaku, tyopiki au nanaiña ipiatema axɨna apikokokati Tupax.

Romanos 15:19

oboi axɨba champɨ tastaimia omixhante, uityo nikusɨu nesaxti Espíritu axti Tupax. Sane naukiche aukiapae Jerusalén xhanunekaka axɨba nuraxti Cristo au nanaiña axɨba poka tyupeku iñatai au Ilírico au nanaiña xhanunekaka axɨba omixhia nuraxti Cristo.

Romanos 6:17

Chapie ɨmoti Tupax, tɨkañe axaño kumanakax año ɨmo nomɨnantɨ, kaɨma chauki tapikokota axɨmanu uxia manunekatax aume.

Romanos 8:37

Au nanaiña axɨba sane, champɨ kausane oemo asaratitɨ utaku naki taruku nukuasɨrɨkɨ ɨmoti.

1 Corintios 12:8

Ui noñemaxti Espíritu Santo, aboma axɨbama toxio ɨmoma taruku nipiakaxɨma anityama. Makiataka toxio ɨmoma uiti Espíritu Santo taruku ñapanaunkuxɨma axtɨ manityanama.

1 Corintios 15:37

Axɨna sɨro kɨtu chityonempɨ axɨmanu ubaɨrobo ñana, ta axɨmanuantai niyoma, sane axtɨ trigo axtɨ kiataxtyo.

1 Corintios 15:57

¡Chapie ɨmoti Tupax, iyebo osoi osɨborikibo auki nakaxti Yɨriabux Jesucristo!

2 Corintios 1:11

axtɨ axaño ameanka suichaku. Axtɨ sɨrɨmanama axɨbama meaboma suichaku, sɨrɨmanamaintyo axɨbama machampienkanama ɨmoti Tupax yotopiki axɨba botoxio suiñemo uiti.

2 Corintios 8:16

Chapie ɨmoti Tupax, tyopiki iñatati au nausasɨxti Tito nauki asaratitɨ autaku takana axɨñɨ.

2 Corintios 9:15

¡Chapie ɨmoti Tupax, tyopiki axɨna yarusɨrɨx ñakumanataxti oemo axɨna chɨtabɨkopɨ osoi usurapoboibo nauki machampienka ɨmoti!

Efesios 5:2

Apakumananau ɨmo namanaiña, sane takana nukuasɨrɨkɨ tɨkañe ɨmoti Cristo ta koiñotityo otopiki. Axɨmanu nikonkoxti tyone takana axɨmanu koñoxtai nori makumanatax ɨmoti Tupax.

Efesios 5:20

Taikiana apachampienka ɨmoti Tupax naki Uyaɨ ityobo nanaiña axɨna toxio oemo au nɨrixhti Yɨriabux Jesucristo.

Filipenses 4:18

Axti Epafrodito ityoximiatati nanaiña axɨmanu apakɨpuka iñemo, ta iñatai ɨmo nanaiña nixhantɨmo. Axɨmanu napakumanata tyone takana axɨmanu makumanatax koñoxtai norixh yasutiuti Tupax aɨbu nipukɨnunkuxti.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Colosenses 1:6

Axɨba omixhia manityakax urapoimia au nanaiña kɨx nesa Roma, aboma sɨrɨmanama axɨbama ikokotama. Sane uxiante tanu abaxɨpeku auki axɨmanu nanenes tɨkañe naukiche apipiate ta ñemanauntu taruku naukuasɨrɨkɨ ɨmoti Tupax.

Colosenses 2:15

Kaɨburu uiti Tupax nɨriakaxɨma axɨbama machoboreka ane nɨriakaxɨma iku axɨna kɨx, uiti Cristo champɨ nɨriakaxɨma sukarɨ namanaiña, naukiche sɨromatɨ uiti tomoenoma kauta tusiankana nikusɨuxti.

1 Tesalonicenses 1:8

Axaño aburapoi axɨba omixhia manityakax au nanaiña ta'aiki yopɨrɨkɨ Macedonia chepe Acaya. Axɨmanuma po'oso au axɨmanio poka kauta abakatɨ tɨtusiu ɨmoma ta axaño apikokokati nuxia Tupax, champɨki nɨmoche axɨsomɨ subasikia suburaboi sukarɨma.

1 Tesalonicenses 3:9

¿Kausane machampienka nuxia ɨmoti Tupax tyopiki axɨna yarusɨrɨx suipukɨnunku aboi sukarɨti Tupax?

1 Timoteo 2:8

Sane naukiche ixhanka nauki au nanaiña mañoñɨnka tapɨ uratokiomantai ɨmomantoe, tapɨ tɨborikomantai, ityobo axɨna sane tari uxia nisɨborikixhimia taikianaintyo eama.

2 Timoteo 2:2

Axɨna onkoi nisura sukarɨ sɨrɨmanama makiataka, nanaiña axɨba aityoximiasio mekuma axɨbama uxia nisɨborikixhimia axɨbamaintyo ipiakama anunekama ɨmo makiataka.

Apocalipsis 7:12

namatɨ: “¡Amén! Masonikixh, nɨriakax, mapanaunkux, machampienkakax, manaunkux, nɨriakax kusɨukux tari autoxi ɨmoti naki Tupax oemo ñome nanaiña naskɨbeka. ¡Amén!”