2 Corintios 13:8 - Manityanati Tupax

⁸ Tyopiki champɨ isane uxiantamoebo soboi kutakikibo axɨna ñemanauntu, ta nanaiña aɨbu axɨna ñemanauntu.

Manitanati Tuparrü

⁸ Itopiqui chüpuerurrüpü suraboi arrüna chüñemanauntupü. Tiene que suraboi arrüna ñemanauntu manitacarrü.

2 Corintios 13:8 교차 참조

San Marcos 9:39

Aiñumuti Jesús: –Tapɨ abasikia kuatati, ityopiki champɨti naki isamutenti axɨna champɨ tamastai au nisɨri nauki ta'aiki chuxiampɨ nuraxti sɨtɨpɨñɨ.

2 Corintios 10:8

Aninki kiatax axɨna ixhanka suraboi kɨtɨpɨ axɨna suisɨriaka, champɨ tyopikiche isɨso. Tyopiki axti Yɨriabux ityoximiatati sobɨriakabo nauki uxia nisɨborikixhimia namanaiña axɨbama ikokoromati Jesús chɨtɨpɨ nauki sopiñamesoko.

2 Corintios 13:10

Kusɨrɨbo xhakonomo tanu aume axɨna kichonimiakax, taunainki yɨkatanu tatityo yasaraño, axtɨ iñatai tanu abaxɨpeku tapɨ bapatayo aume axɨna nisɨriaka, axɨna toxio iñemo uiti Yɨriabux Jesús, axɨna uiche uxia nausɨboriki, chɨtɨpɨ nauki iñamesoko.

2 Corintios 13:7

Someankaityo ɨmoti Tupax autaku nauki tapɨ apisamute axɨba chomixhampɨ. Axɨsomɨ chisopityusiankatapɨ ta uxia suisɨboriki au nastaxti Tupax, ta nauki axaño apisamunio axɨba omixhia, champɨ nɨmoche takana axtɨ chuxiampɨ suisɨboriki.

2 Corintios 13:9

Sane naukiche suipɨkɨnunka axtɨ chɨkusɨurupɨ suisɨtɨpɨ, axɨsomɨ suixanka nauki axaño tari kusɨuru nuxia naukɨtɨpɨ. Axɨsomɨ supankikia nauki taikiana besɨro nausɨboriki.

1 Timoteo 1:20

Aboma axɨbama, takanati Himeneo chepeti Alejandro, chonkopɨmatɨki ɨmoti Tupax. Sane naukiche chichebopɨ sobi sɨsioma axɨpekuma axɨbama ikokoromati Jesús, ityoximiakama ɨmoti chobores nauki aisamunenti aɨbuma nixhantɨmoti, sane kaɨma tochenko ñanityakaxɨma chuxiampɨ ɨmoti Tupax.