2 Corintios 13:5 - Manityanati Tupax

⁵ Amasasai nausɨborikiatoe, nauki atusi axtɨ apikokota nuxia axɨna manunekatax aume. Apiña makokotox aumeampatoe. ¿Chɨtusiupɨ aume ta anati Jesucristo aukɨtɨpɨ? ¡Sane atusi aume axtɨ chuxiampɨ nausɨboriki au nastaxti Tupax!

Manitanati Tuparrü

⁵ Apapensasio nurria ümo nausüboriqui, na atusi aume, arrtü ñemanauncurratoe apicococati Jesús. Tiene que atusi ta anati Cristo au nabausasü. Si no apapancatai apicocoroti.

2 Corintios 13:5 교차 참조

San Juan 14:23

Aiñumuti Jesús nuraxti: –Axti naki isuasɨrɨka ɨmoti, ikokotati nixhakɨpuku. Kuasɨrɨtityo ɨmoti Iyaɨ, axti Iyaɨ ichepeñɨ sobekatɨ nauki sɨsio somɨ ichepeti.

San Juan 15:4

Abasikia ichepeñɨ takana axɨñɨ yasikia auchepe. Tɨtusiu aume axtɨ ane taman nipiama chɨtakɨbaɨropɨ kɨtɨpɨki nityakɨx tyone axɨna chɨtaupɨ. Saneityo axaño, champɨ nanenekiche año axtɨ chabasikiapɨ ichepeñɨ.

San Juan 17:23

Axɨñɨ yaka au nisɨborikixhimia axɨkɨ aka au nisɨboriki, nauki aiñanaimia ñemanauntu tamantai nakaxɨma, nauki sane axɨbama ikuki axɨna kɨx atusi ɨmoma ta obi aikɨpuruñɨ, taruku nikuasɨrɨkɨxɨma aemo takana nisuasɨrɨkɨ aemo.

San Juan 17:26

Tɨsurapoi sukarɨma kausane nɨriaka, surapoikityo ñana, nauki axɨna nisuasɨrɨkɨ aemo sɨsio aɨbuma, nauki axɨñɨ yasikia chepema.”

San Juan 6:56

Axti naki iñatenti nisɨtɨpɨ chabotityo niñoto, sɨborikoti ichepeñɨ, tapɨ axɨñɨ po'osoñɨ kɨtɨpɨti.

San Juan 6:6

Nanti sane nauki asaraiti urati sane Felipe, ityopiki tɨtusiu ɨmoti Jesús isane axɨna uxiantamoebo uiti.

Romanos 1:28

Ui axɨna chixhanxɨpɨma aikokoromati Tupax, chebo uiti ɨmoma nauki aisamunema axɨmanio chomixhampɨ ñakionkoxɨma, nauki aisamunema axɨna chuxiampɨ.

Romanos 8:10

Axtɨ po'osoti Cristo aukɨtɨpɨ, axti Espíritu Santo uiti ausɨborikia tyopiki uiti Tupax uxia nausɨboriki, saneityo axtɨ naukɨtɨpɨ toxio ɨmo konkox tyopiki nomɨnantɨ.

1 Corintios 11:28

Ui axɨna sane, amasasai axtɨ ñemanauntu uxia nausɨboriki axtɨ aubaka axɨmanu pan axtɨ auchakaityo auki axɨmanu taropes.

1 Corintios 11:31

Axtɨ bastaipɨ nuxia nosɨborikiatoe, axti yɨriabux Jesús champɨ tyakuchepɨ utakisɨrɨ uiti,

1 Corintios 3:16

¿Unkamo tusiu aume axɨna naukɨtɨpɨ ta tyone nipoxti Tupax, sane naukiche axti Espíritu Santo po'osoti aukɨtɨpɨ?

1 Corintios 6:15

¿Unka tɨtusiu aume axɨna naukɨtɨpɨ ta tyoneintyo nikɨtɨpɨxti Cristo? ¿Ensapɨ ikiaɨbuta axɨmanu nikɨtɨpɨxti Cristo nauki iña chepe nikɨtɨpɨ taman paɨx axɨna chuxiampɨ nisɨborikixh? ¡Chɨsanempɨ!

1 Corintios 6:19

¿Unka tusiu aume axɨna naukɨtɨpɨ tyone nipoxti Espíritu Santo axɨna toxio aume uiti Tupax, sane naukiche axti Espíritu Santo po'osoti aukɨtɨpɨ? Axɨna naukɨtɨpɨ chɨtɨpɨ naubesatoe,

1 Corintios 6:2

¿Chɨtusiupɨ aume ta axɨbama ikokoromati Tupax tyonema ñana axɨbama uiche asaraimia nisɨborikixhimia axɨbama ikuki axɨna kɨx? Axtɨ aboi ñana amasarai nanaiña nisɨborikixhimia iku axɨna kɨx, ¿kausane chapipiakapɨ amasario axɨba mosiomankatai chɨrɨri?

1 Corintios 9:24

Axaño tusiu aume axtɨ aboma axɨbama ipiakɨnomakɨ namanaiña ipiakɨnomakɨ, au nityakɨrux tamantiatai naki kusɨrɨboti aiñanainti tyakɨru. Sane naukiche apipiakɨsaño nuxia nauki ane toxiobo aume ityobo.

1 Corintios 9:27

Tapɨ axɨñɨ takisɨrɨ sobi nisɨtɨpɨ iñununekata nauki aisamune isiu nixhanka, chuxiampɨ axtɨ xhanuneka ɨmo makiataka tapɨ axɨñɨ chisamutempɨ.

2 Corintios 6:16

Chichepepityo nubakax nipoxti Tupax aɨbu axɨbama matupaka uxiankama ui mañoñɨnka. Tyopiki axoñɨ ta nipoxti Tupax axti naki sɨboriko, sane takana axɨna nanti: “Po'osoñɨ axɨpekuma ñamenkaityo chepema. Axɨñɨ Tupaxɨñɨ ɨmoma tapɨ axɨma tyonema Isaɨtaikimia.”

Gálatas 2:20

chauki chaxɨpɨñɨnki isɨborikia, ta tyonenti Cristo naki sɨborikoti sɨtɨpɨñɨ. Tapɨ axɨna nisɨboriki kaɨma ane sɨtɨpɨñɨ, isɨborikia ui axɨna ikokokati naki Aɨtoxti Tupax, tyopiki isuasɨrɨka ɨmoti ityoximiatatityo nisɨborikixhti chopikiñɨ.

Gálatas 4:19

Masaɨtaiki, ichakisɨrɨka tatityo takana axɨna xhanx ane meku, chepe axtɨ sɨroti Cristo ñana aukɨtɨpɨ.

Gálatas 6:4

Taikianati taman tari uitiatoe asaraiti nisɨborikixhti, axtɨ onkisioti taruku nipukɨnunkuxti, tari pukɨnuñati aɨbutiatoe tapɨ pukɨnuñati isiuki makiataka.

Efesios 3:17

tari sɨsioti Cristo au nabausasɨ auki axɨna napakokonaunku, tari axɨna napakumananaunku tyone nityɨmo nausɨboriki.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Colosenses 1:27

Ɨmoma xhanxti Tupax aityusiankati sukarɨma axɨna taruku niyarusɨrɨkɨ nenaxixhti axɨmanu nixhantɨmoti aisamunenti ɨmo namanaiña. Axɨmanu ananka anekana uiti ta tyonenti Cristo naki anati abaxɨpeku, tyonenti naki uiche ñana aye aboi au nanentakax esati Tupax.

Colosenses 2:19

Axɨma chabomampɨ chepeti Cristo, tyonenti naki Yɨriabux ɨmo namanaiña axɨbama ikokoromati Cristo tyonentityo naki uiche aruku ɨmoma naneneka. Torio uiti Cristo nanaiña ɨmoma axɨbama ikokoromati nanaiña axɨna nixhantɨmoma, oberabaramaintyo uiti takana axɨna nixhankaxti Tupax.

Colosenses 2:7

sane takana axɨmanu manunekatax aume, apikokosoti nuxia, taikiana apikoko ñanunekasaxti nauki naneneka apikoñokota nuxia nausɨboriki, taikianaintyo apachampienka ɨmoti Tupax.

1 Timoteo 2:15

Axɨba paɨka ane maximiakatax ñome axtɨ ane niñupaɨmakax, axtɨ omonkotɨ ɨmoti Jesucristo, axtɨ pakumananaunx ɨmo makiataka axtɨ besɨro niyosɨborikixh.

2 Timoteo 3:8

Sane takanati Janes chepeti Jambrés chuxiampɨ ɨmoma nɨriakaxti Moisés, saneityo axɨma chuxiampɨ ɨmoma axɨna ñemanauntu. Axɨbama mañoñɨnka champɨ uxia au nityanuxɨma, champɨ nanenekiche ñakokokoxɨma.

Tito 1:13

Ñemanauntu axɨmanu nuraxti. Sane naukiche, aikuansomokosoma nuxia, nauki uxia axɨna ñakokonaunkuxɨma

Tito 1:16

Namatɨ ta isuputaramati Tupax, tapɨ axɨna nisɨborikixhimia uixh atusi oemo ta chɨsanempɨ. Champɨti uxia uiti ɨmoma, chuxiampɨ nisɨborikixhimia, champɨ nanenekichema aisamunema axɨna uxia.

Tito 2:2

Axɨbama mayɨriabuka, ukanɨ ɨmoma tari taikiana uxia ñapanaunkuxɨma. Tapɨ ikokotama ausɨratai, uɨbo ñakumananaunkuxɨma uiche aruku ɨmoma ñome ñityakisɨrɨkɨxɨma ñana.

Hebreos 12:15

Apapache nikiubu año tapɨ anati naki iñanatiyɨ pese pɨnanaki nikuasɨrɨkɨxti ɨmoti Tupax. Tapɨ chebo aboi anati naki chuxiampɨ nisɨborikixhti abaxɨpeku takana axone soes pichananene nixhanakax tyone takana picharax ɨmo namanaiña.

Hebreos 4:1

Sane naukiche, axɨna ɨriotɨki atoxi oemo uiti Tupax axɨmanu nikɨxti, tari basarira nuxia tapɨ anati naki uyaxɨpekuki chiyebopɨ ñana uiti.

Hebreos 6:8

Tapɨ axtɨ musunau kɨmekatai, champɨ nanenekiche, pauxamana uiti Tupax, au nityakɨrux pekuru ui pes.

Santiago 4:4

Axaño chɨkuasɨrɨtipɨ Tupax aume champɨityo axtɨ apakokonaunka ɨmoti. Unka tusiu aume axti naki nityurapataxti axɨna kɨx tyonenti naki tɨborikotiatai ɨmoti Tupax. ¡Ñemanauntu ta sane! Axtɨ axaño uxia aume axɨba nomɨnantɨ ikuki axɨna kɨx, sane naukiche autɨborikiatai kuatati Tupax.

1 Pedro 5:9

Apiñasaño kɨmenuti au nɨrixhti Tupax, tyopiki tɨtusiu aume aunanaiña iku axɨna kɨx axɨbama abarukityaiki takisɨrɨma takana axaño.

Apocalipsis 2:5

Akionsɨ, kausane nasɨboriki tɨkañe, ariaku tato esati Tupax aisamuse tatityo takana aisamute auki maɨbo tɨkañe. Axtɨ chaisamutempɨ sane, axɨñɨ yɨkatɨ ityakisɨnɨmakanɨ ikiaɨbuta naesa kantrerux auki axɨmanu kauta ane.