2 Corintios 13:10 - Manityanati Tupax

¹⁰ Kusɨrɨbo xhakonomo tanu aume axɨna kichonimiakax, taunainki yɨkatanu tatityo yasaraño, axtɨ iñatai tanu abaxɨpeku tapɨ bapatayo aume axɨna nisɨriaka, axɨna toxio iñemo uiti Yɨriabux Jesús, axɨna uiche uxia nausɨboriki, chɨtɨpɨ nauki iñamesoko.

Manitanati Tuparrü

¹⁰ Rraconomoca tanu aume nanaiña arrüna sane, nauqui tapü tarucapae nirracuansomoco aume, arrtü iñatai tanu abarrüpecu. Itopiqui arrüna nisüriaca torrio iñemo uiti Tuparrü es nauqui rrayura aume, champürrtü nauqui iñamesoconaño.

2 Corintios 13:10 교차 참조

1 Corintios 4:21

¿Isane uxia aume: nauki yɨrotɨ besɨro sobi yache autakisɨrɨkɨbo? ¿O nauki iñanai tanu aubesa aɨbu nipukɨnunku aukuata?

1 Corintios 5:4

Axtɨ apiyoberabakaño au nɨrixhti Yɨriabux Jesucristo, axɨñɨ yakaityo akamanu auchepe au niyausɨpɨ, axɨnaintyo noñemaxti Yɨriabux Jesucristo ane auchepe. Auki kaɨma au nɨrixhti Yɨriabux Jesús,

2 Corintios 10:2

Ui axɨna sane, apasamu nuxia iñemo, axtɨ yɨkatɨ tanu yasaraño, tapɨ ityɨmoniankanamañɨ axɨmanuma namatɨ axɨñɨ isamute takana axɨna isamutema mañoñɨnka, tyopiki axɨñɨ ixhanka yasarama.

2 Corintios 10:4

Tyopiki axɨna suisome chisiupɨ takana ikuki axɨna kɨx, ta nikusɨuxti Tupax uixh omiñaxio ñanaiña axɨba taruku niyukusɨux saneityo sopiñaximiakata nanaiña axɨba chomixhampɨ nuraxɨma.

2 Corintios 10:8

Aninki kiatax axɨna ixhanka suraboi kɨtɨpɨ axɨna suisɨriaka, champɨ tyopikiche isɨso. Tyopiki axti Yɨriabux ityoximiatati sobɨriakabo nauki uxia nisɨborikixhimia namanaiña axɨbama ikokoromati Jesús chɨtɨpɨ nauki sopiñamesoko.

2 Corintios 13:2

Ɨmoma axɨbama tɨkañe chuxiampɨ nisɨborikixhimia, takanaintyo ɨmoma namanaiña, kaɨma axɨna yaka iche sukanañɨ tatityo aume, axɨmanu sukanañɨ aume naukiche tɨtabe tox niyɨkɨ yasaraño: axtɨ yɨkatɨ tatityo auki kaɨma champɨki nipukɨru autaku,

2 Corintios 13:8

Tyopiki champɨ isane uxiantamoebo soboi kutakikibo axɨna ñemanauntu, ta nanaiña aɨbu axɨna ñemanauntu.

2 Corintios 2:3

Sane naukiche sane axɨmanu nixhakonomoso aume, tyopiki chixhankapɨ yɨrotɨ tanu nauki isuche aboi, abo ixhankapɨ ipukɨnu aboi. Axɨna nipukɨnunku au nixhakionko tyoneintyo naupukɨnunku,

2 Corintios 6:6

Sopityusiankataityo ui axɨna besɨro suisɨboriki, tyopiki suisuputakai axɨna ñemanauntu, ui axɨna supasamunaunka suipukɨruityo aɨbu namanaiña, tyopiki ane noñemaxti Espíritu Santo suisɨtɨpɨ, tyopiki ñemanauntu kuasɨrɨma suiñemo namanaiña,

Tito 1:13

Ñemanauntu axɨmanu nuraxti. Sane naukiche, aikuansomokosoma nuxia, nauki uxia axɨna ñakokonaunkuxɨma