2 Corintios 12:2 - Manityanati Tupax

² Isuputakati tamanti naki ikokoroti Cristo, tɨtabe catorce naskɨbeka sɨromatɨ aɨbuti yopɨrɨkɨ trex napeka. Chɨtusiupɨ iñemo axtɨ ikiatama nikɨtɨpɨxti o nausɨpɨxti. Axti Tupax tusiu ɨmoti.

Manitanati Tuparrü

^2-3 Tütabe catorce añoca arrti Tuparrü iquianatiñü ape au manu tercer napese au manu tiemporrü, nauquiche ticococati Cristo. Pero chütusiopü iñemo, arrtü anancañü taha aübu nanaiña nisütüpü, o arrtü aübu niyesa espirituatai. Arrtiatai Tuparrü tusio ümoti. Pero tusio nurria iñemo que anancañü taha au manu paraíso.

2 Corintios 12:2 교차 참조

San Lucas 24:51

Isiu axɨmanu ñakunusɨankakaxti ɨmoma, sɨrotitɨ pɨnanakimia auki sɨrotitɨ au napes.

San Juan 6:56

Axti naki iñatenti nisɨtɨpɨ chabotityo niñoto, sɨborikoti ichepeñɨ, tapɨ axɨñɨ po'osoñɨ kɨtɨpɨti.

Hechos 14:6

Tapɨti Pablo chepeti Bernabé, naukiche tɨtusiu ɨmoma besɨburuma sɨromatɨ au axɨmanio tube Listra chepe Derbe, saimiantai ɨmo Licaonia autyo axɨmanio pikiataka tube tyupeku.

Hechos 22:17

“Naukiche yasɨkɨbɨka tato au Jerusalén, naukiche anankañɨ xheanka au nipo meankax, auki takana iposikia.

Romanos 16:10

Aburasoi nixhakionko ɨmoti Apeles, axti naki sɨroti au sɨrɨmana makokotoka ityopiki axɨna ikokoroti Cristo. Ɨmointyo axɨbama aɨtoxti nikɨpostoti Aristóbulo.

Romanos 16:3

Aburasoi nixhakionko tanu ɨmoti Priscila ɨmotityo Áquila, tyonema axɨbama amonkoma chepeñɨ ɨmo niyaserebiki ɨmoti Jesucristo.

Romanos 16:7

Aburasoi nixhakionko ɨmoti Andrónico ɨmotityo Junias, tyonema axɨbama isarukiboñɨ tyonemaintyo amonkoma amanamampo chepeñɨ. Axɨma taruku nikuasɨrɨkɨxɨma axɨpekuma axɨbama apóstoles, kusɨrɨbomaintyo aikokoromati Cristo xhopɨnanakiñɨ.

Romanos 16:9

Aburasoi nixhakionko ɨmoti Urbano naki anankati ochepe ɨmo axɨna nubachɨkoi ɨmoti Cristo, ɨmotityo ichurapa Estaquis.

Romanos 8:1

Sane kaɨma, champɨki tyakuche atoximia ɨmo nityakisɨrɨkɨxɨma axɨbama aboma ichepeti Jesucristo,

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

2 Corintios 11:11

¿Kausane sane axɨna nisura? ¿Ensapɨ tyopiki chaukuasɨrɨkapɨ iñemo? ¡Axti Tupax tusiu ɨmoti ta aukuasɨrɨka iñemo!

2 Corintios 13:5

Amasasai nausɨborikiatoe, nauki atusi axtɨ apikokota nuxia axɨna manunekatax aume. Apiña makokotox aumeampatoe. ¿Chɨtusiupɨ aume ta anati Jesucristo aukɨtɨpɨ? ¡Sane atusi aume axtɨ chuxiampɨ nausɨboriki au nastaxti Tupax!

2 Corintios 5:17

Saneityo axtɨ anati naki anati aɨbuti Cristo tyonenti naki aɨbo nisunaunxti. Axɨba tɨnanankax chauki tomenotɨ. Nanaiña opisamunaño iyebo tato.

2 Corintios 5:21

Axti Cristo champɨ nomɨnantɨ isamutenti. Ta otopiki, axti Tupax iñanati au nomɨnantɨ osoi, nauki uxia nusaka au nastaxti Tupax tyopikiti Cristo.

Gálatas 1:22

Tapɨ axɨmanuma usarukityaiki axɨbama ikokoromati Cristo axɨmanuma po'osoma au Judea chisuputarapɨmañɨ.

Gálatas 5:6

Chapie ɨmoti Cristo Jesús, chauki champɨki nɨmoche axtɨ circuncidabo oñɨ o champɨ. Axɨna ane nɨmoche tyone axɨna numakokonaunku, axɨna numakokonaunku axtɨ uisamute tyaku makiataka.

Efesios 4:10

Axti maniki kuatati iku axɨna kɨx tyonentiatoe maniki sɨrotitɨ kauta axɨna taruku napetaiki napes, nauki aiñatamakati au nanaiña napes ikunaintyo kɨx.

1 Tesalonicenses 4:17

Auki axoñɨ axɨbama osɨborikiaiki uɨkatɨ uiti chepema omeana kɨsaɨboka, akamanu uikuñukati ape. Auki sɨsio oñɨ chepeti Yɨriabux Jesús ɨmo champɨ nityakɨru nosɨboriki.

Hebreos 4:14

Axti Jesús tyonenti Aɨtoxti Tupax, tyonentityo naki sacerdote Yɨriabuxti oemo, naki iyebo uiti au napes. Sane naukiche uiñana nuxia numakokonaunku ɨmoti Tupax.

Hebreos 9:24

Tyopiki axti Cristo chɨsɨrotitɨpɨpo au axɨmanu nipo meankax nisamuku mañoñɨnka, tyopiki tyone ta nausɨpɨtuatai axɨmanu ñemanauntu ane au napes. Axti Cristo sɨrotitɨ ta'a, akamanu axti Cristo manityanati ɨmoti Tupax utaku nauki aixhimiakati nomɨnantɨ osoi.

Apocalipsis 1:10

Akamanu au axɨmanu tɨkañe nanenes ɨmoti Tupax, kiatax nisɨboriki (ane sɨtɨpɨñɨ noñemaxti Espíritu Santo). Auki ñonkoi chakuñɨ tato taman tosibixh tarukapae nikusɨux, takana nipuku buxixh.

Apocalipsis 12:5

Axɨmanu paɨx ane meku nipiaɨmakax ñaɨmanti, axti naki yɨriabuxti ñana ɨmo nanaiña kɨx aɨbu nibiaxtonxti yerux. Axti maniki simia kaɨburuti pɨnanaki nipiakɨtoti sɨromatɨ aɨbuti esati Tupax esaityo axɨmanu nityɨmoxti.

Apocalipsis 4:2

Isiukai sɨro sɨtɨpɨñɨ noñemaxti Espíritu Santo, yastai taman nityɨmoxti Yɨriabux au napes, anati maniki tɨmonsoti iku axɨmanu tɨmox.