2 Corintios 12:16 - Manityanati Tupax

¹⁶ Axɨñɨ tusiu iñemo ta axaño uxia aume axtɨ chixhankikiapɨ amopɨnanaki namenaxi. Ta aboma axɨbama namatɨ axɨñɨ ipiaka nuxia ñatachemaka aume.

Manitanati Tuparrü

¹⁶ Así que bien tütusio aume, champürrtü apacarrtaca ichopiquiñü. Rrepente anati naqui nanti: “Arrti Pablo ipiacati nurria encañati oemo”.

2 Corintios 12:16 교차 참조

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

2 Corintios 11:20

uxiaintyo aboi ɨmoma axɨbama kumanakax año uimia, axɨbama ikiaɨbutama amopɨnanaki namenaxi, axɨbama matachemakanama aume, axɨbama chaukuasɨrɨkapɨ ɨmoma axɨbamaintyo okɨsioma aume.

2 Corintios 12:13

Axtɨ ane isane axɨna chuxiampɨ sobi aume apixhimiaka tato iñemo, tamantai axɨna tyopikiche chisiupɨ aboi takana axɨbama makiataka ikokoromati Jesús: ¡tyopiki axɨñɨ chixhankikiapɨ axɨna nixhantɨmo amopɨnanaki!

2 Corintios 4:2

Sopiñokota axɨmanu tɨkañe nanaiña anekanatai soboi, takana axtɨ suisɨsoka. Chɨsupatachemakakapɨ chɨkiataxɨpityo supanunekaka nuraxti Tupax. Axɨsomɨ supanunekaka axɨna ñemanauntu, sane sopityoximiata ɨmo namanaiña takanaintyo ɨmoti Tupax nanaiña axɨna sopisamute.

2 Corintios 6:8

Ane auche ane ñanaunkuxɨma suiñemo, anentyo auche ɨnantɨ uimia suiñemo. Ane auche uxia nuraxɨma suiñemo, ane auche chuxiampɨ. Namatɨ suiñemo taruku supapantu, abo axɨna suburapoi ta ñemanauntu.

2 Corintios 7:2

¡Apasusiu somɨ au nabausasɨ! Aɨbu namanaiña taikiana uxia soboi. Champɨti aɨbuche sopisamute axɨna chuxiampɨ ɨmoti. Champɨtityo naki ɨmoche supatachemakaka.

1 Tesalonicenses 2:3

Naukiche supanunekaka aume, supanunekaka axɨna ñemanauntu chɨtɨpɨ aɨbu supatachemakaka.

1 Tesalonicenses 2:5

Sane takana tɨtusiu aume, champɨ tɨsobekatɨ aɨbu uxiantai subura aume, nauki sopityachemakanaño, champɨityo axtɨ supapacheka kausane aye soboi monixh ityobo. Tusiu ɨmoti Tupax axɨna sane ta ñemanauntu.

1 Pedro 2:3

tyopiki axaño tɨtusiu aume ta axti Yɨriabux taruku nipukɨruxti.