2 Corintios 12:1 - Manityanati Tupax

¹ Champɨ iyebo osoi axtɨ oñonkatɨ oemoantoe. Ta xhanityaka kaɨma ñome axɨba ñemanauntu ñana axɨba umanekana ta mutusiankana sukarɨñɨ uiti Yɨriabux Jesús.

Manitanati Tuparrü

¹ Arrüna nirranitaca ichacuñüantoe sürotiqui, panaca champürrtü urria nurria arrüna sane. Pero irranca suraboi ausucarü arrümanu numo yasacatü auqui quiatarrü niyasata, y arrümanu itusiancanatiyü Señor isucarüñü.

2 Corintios 12:1 교차 참조

San Juan 16:7

Ñemanaunkuxatoe sukanañɨ aume: uxia axtɨ yɨkatɨ. Tyopiki axtɨ chiyɨkapɨtɨ, axti naki okɨmanabo autaku chɨkuatatipɨ sɨsioti auchepe, tapɨ axtɨ yɨkatɨ, sobi ikɨpuruti.

San Juan 18:14

Axti naki Caifás tyonenti maniki nanti tɨkañe ɨmo axɨbama judíos, uxia axtɨ koiñoti taman ñoñɨnx tyaku namanaiña.

Hechos 18:9

Taman tobixh axti Yɨriabux ityusiankanatiyɨ sukarɨti Pablo nanti ɨmoti: “Tapɨ aixhuka. Anuneka axɨba omixhia manityakax tapɨ etaikei.

Hechos 23:11

Au axɨmanu kiatax tobixh, axti Yɨriabux ityusiankanatiyɨ sukarɨti Pablo, nanti ɨmoti: “Tapɨ aixhuka Pablo, sane takana urapoi nisɨri auna Jerusalén, saneityo urasoi nisɨri au Roma.”

1 Corintios 10:23

Axtɨ amukanaño: “Axɨñɨ axtɨ ixhanka isamute axɨna nixhantɨmo.” Unka ñemanauntu, ta chɨtɨpɨ nanaiña uxia axɨna nuxiantɨmo uisamune. Unka sane, axtɨ uxianka uisamute axɨna nuxiantɨmo, ta chɨtɨpɨ nanaiña uxia ɨmo nisɨboriki makiataka.

1 Corintios 14:6

Supia, masarukityaiki, champɨ nanenekiche aume axtɨ yɨkatɨ tanu yasaraño nauki xhanitya aume auki kiatax manityakax, ¿isanempɨ iyebo aboi axtɨ chixhanityakapɨ aume axɨna nixhantɨmoti Tupax, takanaintyo axɨna ñemanauntu, nauki xhanunekaityo aume axɨna noñemaxti Tupax o pikiataka manunekatax?

1 Corintios 6:12

Axtɨ amukanaño: “Axɨñɨ axtɨ ixhanka isamute axɨna nixhantɨmo.” Unka ñemanauntu, chɨnanaiñampɨ axɨna nuxiantɨmo uisamune uxia. Sane, ñemanauntu, ta tapɨ chebo sobi nauki isamune axɨna chuxiampɨ.

2 Corintios 12:11

Xhanityaka takanati naki chuxiampɨ nityanuxti, tyopiki axaño sane nauxianka nauki isamune. Tyopiki axañopɨ tyonemampɨ axɨbama uxia napanityaka sɨtɨpɨñɨ, tyopiki axɨñɨ isiuityo niyaka takana axɨmanuma taruku nipiakaxɨma axɨmanuma amonkoma tɨkañe isiuti Yɨriabux Jesús.

2 Corintios 12:5

Axɨpɨñɨ tarukupɨ nipukɨnunku aɨbuti kiatax sane, chɨsaɨbupɨñɨantoe, ta ipukɨnunka oboi axɨba chɨkusɨurupɨ nisɨtɨpɨ.

2 Corintios 12:7

sane namatɨ iñemo tyopiki niyarusɨrɨkɨ axɨmanu yastai au napes. Sane naukiche, tapɨ ñonkatɨ ñemoantoe, ane axɨmanu uiche ichakisɨrɨka, ñonkisio takana omeno kɨmeka sɨtɨpɨñɨ, takana nikɨmesti Chobores axɨmanu uiche ichakisɨrɨka.

2 Corintios 12:9

Tapɨti Yɨriabux Jesús nanti iñemo: “Axɨna nakuasɨrɨkɨ iñemo tyone axɨna naxiantɨmo. Axɨna niñoñema tusiankana nuxia kauta axɨna champɨ kusɨux.” Sane naukiche ñonkatɨ ñemoantoe tyopiki champɨ nisusɨu, nauki ayetɨ sɨtɨpɨñɨ noñemaxti Cristo.

2 Corintios 8:10

Tyone axɨna sukanañɨ aume tyopiki tyone uxia ɨmo nausɨboriki. Aukiapae au kutanu kiatax nasɨkɨbes, chapisamuteantaipɨ, ta apisamute aɨbu narukux aume.

Gálatas 1:12

Chiyebopɨ sobi ui ñanunekaka mañoñɨnka, ta uiti Jesucristo aityusiankati sukarɨñɨ.

Gálatas 2:2

Yakatɨ tyopiki ityusiankatati Tupax sukarɨñɨ ta yɨkatɨki ñana. Akamanu xhanunekaka ɨmoma axɨbama ikokoromati Jesús axɨba omixhia manityakax axɨna surapoi sukarɨma axɨbama chɨtɨpɨ judíos. Xhanunekakaityo ɨmo mayɨriabuka, nauki atusi nuxia ɨmoma axɨna niyachɨkoi ta ane taruku nɨmoche.

Efesios 3:3

Urapoiti Tupax sukarɨñɨ axɨna nixhantɨmoti aisamunenti axɨna ananka anekanatai uiti, tyone axɨna tixhakonomoka pariu tanu aume.

1 Tesalonicenses 4:15

Sane naukiche sukanasomɨ aume, takana ñanunekakaxti Yɨriabux, axoñɨ axɨbama osɨborikiaiki ñana chepe axtɨ tɨkuati tato Yɨriabux Jesús, tapɨ basɨrɨka pɨnanakimia axɨbama tɨkoiñoma.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.