2 Corintios 11:6 - Manityanati Tupax

⁶ Champɨ nɨmoche axɨna chipiakapɨ nuxia xhanitya, ta axɨna nixhapanaunku uxia. Tyone sopityusiankata nantax ausukarɨ au nanaiña axɨna sopisamute.

Manitanati Tuparrü

⁶ Panaca medio chipiacapü nurria rranita, pero manrrü tusio iñemo pünanaquimia. Nantarrtai itusiancata ausucarü arrüna sane.

2 Corintios 11:6 교차 참조

1 Corintios 1:17

tyopiki axti Cristo chikɨpurutipɨñɨ nauki xhaunimia, ta nauki xhanuneka axɨba omixhia manityakax, chuipɨ ñapanaunkuxɨma axɨbama ikuki axɨna kɨx, nauki tapɨ takɨrusu numakionko ɨmo nikonkoxti Jesucristo kɨtɨpɨ kurusɨx.

1 Corintios 1:21

Tyopiki axɨbama ikuki axɨna kɨx chiñataipɨ nipiakaxɨma nauki asuputaramati Tupax, auna kauta ityusiankatati nipiakaxti, axti Tupax ui nipukɨruxti axɨbama ikokotama axɨba omixhia nuraxti ane maximiakatax ɨmoma, champɨ nɨmoche axtɨ ɨmo makiataka axɨna manunekatax chɨsamianapɨ.

1 Corintios 12:8

Ui noñemaxti Espíritu Santo, aboma axɨbama toxio ɨmoma taruku nipiakaxɨma anityama. Makiataka toxio ɨmoma uiti Espíritu Santo taruku ñapanaunkuxɨma axtɨ manityanama.

1 Corintios 2:13

Tyone axɨba supanunekaka ui noñemaxti Espíritu Santo, chɨtɨpɨ ui nipiakaxɨma mañoñɨnka. Sane supanunekaka kɨtɨpɨti Espíritu Santo ui noñemaxti Espíritu Santo.

2 Corintios 10:10

Aboma axɨbama namatɨ axɨba nixhakonomoso champɨti naki isamutenti axɨna sukanañɨ, axɨñɨ axtɨ xhanityaka champɨti naki chiyebopɨ uiti, champɨityo axtɨ xhanityaka aɨbu nisɨriaka.

2 Corintios 12:12

Axɨmanio taruku nichakisɨrɨkɨ yasutiu aɨbu nipukɨnunku, axɨmanio champɨ tastaimia, mutusiankana ausukarɨ, oboi atusi ta ñemanauntu yaka isiuti Jesús.

2 Corintios 4:2

Sopiñokota axɨmanu tɨkañe nanaiña anekanatai soboi, takana axtɨ suisɨsoka. Chɨsupatachemakakapɨ chɨkiataxɨpityo supanunekaka nuraxti Tupax. Axɨsomɨ supanunekaka axɨna ñemanauntu, sane sopityoximiata ɨmo namanaiña takanaintyo ɨmoti Tupax nanaiña axɨna sopisamute.

2 Corintios 5:11

Sane naukiche, axɨna tɨtusiu suiñemo ta nauki supanau ɨmoti Yɨriabux Jesús, supapacheka nikiubusomɨ nauki aikɨmɨnakama ñakiokoxɨma mañoñɨnka. Axti Tupax isuputarati nuxia somɨ, ixhankaityo nauki axaño ausuputakasomɨ.

2 Corintios 6:6

Sopityusiankataityo ui axɨna besɨro suisɨboriki, tyopiki suisuputakai axɨna ñemanauntu, ui axɨna supasamunaunka suipukɨruityo aɨbu namanaiña, tyopiki ane noñemaxti Espíritu Santo suisɨtɨpɨ, tyopiki ñemanauntu kuasɨrɨma suiñemo namanaiña,

2 Corintios 7:2

¡Apasusiu somɨ au nabausasɨ! Aɨbu namanaiña taikiana uxia soboi. Champɨti aɨbuche sopisamute axɨna chuxiampɨ ɨmoti. Champɨtityo naki ɨmoche supatachemakaka.

Efesios 3:4

Axtɨ amastai axɨmanu nixhakonomoso, uixh atusi aume ta axɨñɨ tusiu iñemo axɨmanu anekanatai uiti Tupax tisamutenti aɨbuti Jesucristo.