2 Corintios 11:11 - Manityanati Tupax

¹¹ ¿Kausane sane axɨna nisura? ¿Ensapɨ tyopiki chaukuasɨrɨkapɨ iñemo? ¡Axti Tupax tusiu ɨmoti ta aukuasɨrɨka iñemo!

Manitanati Tuparrü

¹¹ ¿Causane sane sobi? Acasopü itopiqui arrüna chaucuasürücapü iñemo? No, arrti Bae Tuparrü tusio nurria ümoti arrüna tarucu naucua iñemo.

2 Corintios 11:11 교차 참조

San Juan 21:17

Tɨtabe trex ñankikixhti pɨnanakiti nanti ɨmoti: –Simón, aɨtoxti Kuan, ¿isuasɨrɨka aemo? Auki sucheboti Peru tyopiki tɨtabe trex ñankikixhti pɨnanakiti axtɨ kuasɨrɨti ɨmoti. Aiñumuti nuraxti: –Yɨriabux, tusiu aemo nanaiña: axɨkɨ tusiu aemo ta akuasɨrɨka iñemo. Nanti Jesús ɨmoti. –Asasatɨ yutaku niyabu nobixhaka.

Hechos 15:8

Axti Tupax isuputakaiti nuyausasɨ, nanti ta uxiaintyo axtɨ ikokoromati axɨbama chɨtɨpɨ judíos, uiti toxioti Espíritu Santo ɨmoma, takana axɨna toxio uiti oemo.

Romanos 1:9

Axti Tupax naki ɨmoche yaserebikia aɨbu nanaiña nisɨboriki, xhanunekaka nuraxti Aɨtoxti tyonenti astaiti taikiana xhakionoñɨ abapa au nixheanka,

2 Corintios 11:10

Ñemanauntu axɨñɨ isuputakati Cristo chixhapamkapɨ, champɨti uiche aikiaɨbuti xhopɨnanakiñɨ axɨna uiche taruku nipukɨnunku au nanaiña Acaya.

2 Corintios 11:31

Axti Tupax Yaɨtoti Yɨriabux Jesús, axti naki koñotɨ manau ɨmoti ñome nanaiña naskɨbeka, tusiu ɨmoti ta ñemanauntu nisura.

2 Corintios 12:15

Tapɨ axɨñɨ ityoximiata aɨbu nipukɨnunku nanaiña axɨna ane sobi, axɨnaintyo nisɨboriki iñata autaku nauki uxia nabaka.

2 Corintios 2:17

Axɨsomɨ chɨsomekapɨtɨ tanu supakobɨra ityobo nuraxti Tupax, takana isamutema makiataka. Chɨsanempɨ, supanityaka axɨna ñemanauntu sukarɨti Tupax, ui yakɨpukuxti suiñemo supanuneka aɨbuti Cristo.

2 Corintios 7:3

Chɨsukanapɨñɨ aume axɨna sane nauki suraboi axɨna chuxiampɨ apisamute, sane takana tɨsukanañɨ aume, axaño abaka au niyausasɨ, nauki chepe nusaka nauki chepetyo okonka.

Hebreos 4:13

Champɨ axɨna nisamukuxti Tupax iñanekanɨ pɨnanakiti. Nanaiña ane au nanentax sukarɨti naki uiche ñana asaraiti axɨna nosɨboriki.

Apocalipsis 2:23

Ɨmoma axɨbama aɨtoxɨma koiñoma sobi, auki namanaiña axɨbama ikokoromañɨ ta axɨñɨ tusiu iñemo axɨna ane au nityanuxɨma au nausasɨxɨma. Axɨñɨ ityoximiata aume isiuki axɨna uxiante aboi.