2 Corintios 10:1 - Manityanati Tupax

¹ Axɨñɨ, Pablo, apasamu nuxia iñemo, ui nipukɨruxti Cristo, champɨ nɨmoche sobi axɨna amukanaño axɨñɨ axtɨ yaka auchepe chixhanityakapɨ nuxia tapɨ axtɨ yaka iche chɨtamampatai nisura aukɨtɨpɨ.

Manitanati Tuparrü

¹ Rranitana baeta ausucarü iñemoantoe. Namatü que arrüñü ichimiancacañü arrtü yaca abarrüpecu, pero arrtü yaca iche amopünanaqui itusiancata nurria nisüriaca. Apasamu nurria iñemo au nürirrti Cristo, naqui buenurrti usaübu y ucuasürüca ümoti. Rranquiquia amopünanaqui: Apasusiu nisura.

2 Corintios 10:1 교차 참조

San Mateo 11:29

Apasusiu axɨna iñata autapeu, apisamuse nanaiña isiukiñɨ, axɨñɨ taruku nipukɨru axɨnaintyo niyausasɨ uxia uixh. Sane apikuñutui kauta apatochee.

San Mateo 21:5

“Amukanaño ɨmo axɨmanuma po'osoma au Sión: ‘Amasasatɨ, axti yɨriabux aemo kuatati tauna aesakɨ, takisɨrɨtiatai, anati chaku burux, chaku buruma, naɨbosi numukianx axɨna ipiaka aikia nikiakax.’ ”

Hechos 8:32

Axɨmanu Nikorox anankati astaiti tyone axɨna nantɨ sane: “Sɨrotitɨ uimia takana nobixhax niyɨkɨx kauta ako. Takana nobixhax chɨmanityanapɨ sukarɨ axɨbama uiche aityapakiankama, champɨityo axtɨ manityana.

Romanos 10:20

Nantityo sane Isaías: “Axɨbama chiyapacherioropɨmañɨ ichabɨka uimia. Axɨñɨ ityusiankakañɨ sukarɨma axɨbama chakionopɨmakɨ iyoñɨ.”

Romanos 12:1

Sane naukiche masarukityaiki, apasamu nuxia iñemo au nɨrixhti Tupax nauki apityoximia naukɨtɨpɨ ɨmoti, takana napakumanata axɨna sɨboriko ɨmoti, axɨna champɨ nomɨnantɨ kɨtɨpɨ, uxia au ñakionkoxti Tupax, tyone axɨna ñemanauntu napanaunku toxiobo aboi ɨmoti.

Romanos 15:15

Axɨñɨ xhakonomoka nantax aume nauki tapɨ takɨrusu napakionko iyo axɨna chauki tɨtusiu aume, isamute ui yakɨpukuxti Tupax tyopiki pukɨrusuti autaku.

1 Corintios 2:3

Anankañɨ abaxɨpeku chɨkusɨurupɨ nisɨtɨpɨ, aɨbu nipiaichokonoko ui nixhuku,

1 Corintios 4:10

Axɨsomɨ, tyopikiti Cristo, namatɨ suiñemo champɨ sopipiatɨmo. Tapɨ axaño chapie ɨmoti Cristo, amukanaño taruku napapanaunku. Axɨsomɨ chɨkusɨurupɨ suisɨtɨpɨ, tapɨ axaño taruku nikusɨu naukɨtɨpɨ. Iñanama pese somɨ, tapɨ aume taruku ñanaunkuxɨma.

1 Corintios 4:21

¿Isane uxia aume: nauki yɨrotɨ besɨro sobi yache autakisɨrɨkɨbo? ¿O nauki iñanai tanu aubesa aɨbu nipukɨnunku aukuata?

2 Corintios 10:10

Aboma axɨbama namatɨ axɨba nixhakonomoso champɨti naki isamutenti axɨna sukanañɨ, axɨñɨ axtɨ xhanityaka champɨti naki chiyebopɨ uiti, champɨityo axtɨ xhanityaka aɨbu nisɨriaka.

2 Corintios 10:2

Ui axɨna sane, apasamu nuxia iñemo, axtɨ yɨkatɨ tanu yasaraño, tapɨ ityɨmoniankanamañɨ axɨmanuma namatɨ axɨñɨ isamute takana axɨna isamutema mañoñɨnka, tyopiki axɨñɨ ixhanka yasarama.

2 Corintios 10:7

Amasasai axɨna ñemanauntu. Axtɨ anati naki nanti ñemanauntu ta ikokoroti Cristo, axɨsomɨntyo sopikokokati Cristo.

2 Corintios 11:21

Axɨñɨ isɨsoka sukanañɨ sane, ¡axoñɨ champɨ nubasɨu sane naukiche uisamute sane! Tapɨ axtɨ makiataka champɨ ñanaunkuxɨma, saneityo sobi, axtɨ axɨna sane tyone tasukux.

2 Corintios 11:30

Axtɨ ane tyopikiche oñonkatɨ oemoantoe, axɨñɨ ipukɨnunka oboi axɨba uiche atusi ta chisusɨukapɨ.

2 Corintios 12:5

Axɨpɨñɨ tarukupɨ nipukɨnunku aɨbuti kiatax sane, chɨsaɨbupɨñɨantoe, ta ipukɨnunka oboi axɨba chɨkusɨurupɨ nisɨtɨpɨ.

2 Corintios 3:12

Ui axɨna tusiu nuxia suiñemo uixh supanityaka aɨbu narukux suiñemo.

2 Corintios 5:20

Sane naukiche, axɨsomɨ subaka auna au yakɨpukuxti Cristo, ta isiu takana axtɨ axti Tupax mankioti amopɨnanaki apasamu nuxia suichopiki. Ta sane au nɨrixhti Cristo, apasamu nuxia suiñemo apiñoxonkosaño sukarɨti Tupax.

2 Corintios 6:1

Sane kaɨma, tyopiki kumanakax somɨ ɨmoti Tupax, sukanasomɨ aume apasamu nuxia suiñemo apasusiu axɨna nipukɨruxti Tupax autaku.

2 Corintios 7:4

Champɨ anekana sobi amopɨnanaki nanaiña surapoi ausukarɨ. Ipukɨnunka nuxia aboi. Ui axɨna suichakisɨrɨkɨ aruku nuxia iñemo tarukuityo nipukɨnunku.

Gálatas 4:13

Chauki tɨtusiu aume, naukiche kusɨrɨbo suraboi ausukarɨ axɨba omixhia manityakax isamute sane tyopiki anankañɨ ichakisɨrɨka ui niñaunxokoko.

Gálatas 5:2

Ñemanauntu, axɨñɨ Pablo, sukanañɨ aume axtɨ circuncidabo año, champɨ nanenekicheti Cristo aume.

Efesios 3:1

Tyopiki axɨna sane, axɨñɨ Pablo, yaka auna amanañɨmpo tyopiki yaserebikia ɨmoti Cristo Jesús nauki uxia nausɨboriki axɨbama chɨtɨpɨ judíos.

Efesios 4:1

Axɨñɨ yaka auna amanañɨmpo tyopiki yaserebikia ɨmoti Yɨriabux, sukanañɨ aume apasamu nuxia apikoñoko nausɨboriki, takana axɨbama samamekanama uiti Tupax, sane tana axaño.

Filipenses 4:5

Tari namanaiña asuputarama año takana axɨbama taruku nipukɨruxɨma. Axti Yɨriabux ta anati saimia.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

2 Tesalonicenses 3:17

Axɨñɨ Pablo, nixhakionko tanu aume ui nixhakonomosoatoe. Sane ikonomota nisɨri iku nanaiña axɨba nixhakonomoso. Tyone axɨna nixhakonomoso.

Filemón 1:19

Axɨñɨ, Pablo, ikonomota axɨna sane ui niñee: Sobi ityoximia aemo nebekixhti. Chixhankapɨ sukanañɨ aemo aiña au nɨri, tyopiki axɨkɨ ebeka iñemo nasɨborikiatoe.

Filemón 1:9

au nixhakionko uxia axtɨ asamuka nuxia iñemo au nɨri numakumananaunku. Axɨñɨ, Pablo, chauki tiyarusɨrɨxɨñɨ, yaka auna amanañɨmpo tyopikiti Cristo Jesús,

1 Pedro 2:11

Masarukityaiki, apasamu nuxia iñemo, takana axɨbama auki kiatax kɨx ikɨnomakɨ ikuki axɨna kɨx, tapɨ chebo aboi ñome axɨba chuxiampɨ nauxiantɨmo tyopiki oboi autapeneka au nomɨnantɨ.

Apocalipsis 1:9

Axɨñɨ Kuan, isaruki año isiukiti Cristo, tyopiki axaño takana axɨñɨ oñonkatɨ ɨmoti. Ui axɨna ñonkatɨ ɨmoti, iyebo ñana sobi axɨmanu nanentakax esati Tupax takana axaño, ichakisɨrɨka nauki tapɨ ichapeneka oboi. Tyopiki surapoi nuraxti Tupax xhanityakaityo kɨtɨpɨti Jesucristo ikɨpurumañɨ au axɨmanu kɨx ane tux tyupeku nɨrixh Patmos.