2 Corintios 1:22 - Manityanati Tupax

²² Sɨro uiti okɨtɨpɨ axɨna uiche atusi ta Yɨriabuxti oemo, sɨroityo uiti a nuyausasɨ noñemaxti Espíritu Santo ta ñemanauntu ñana axɨmanu toxiobo oemo.

Manitanati Tuparrü

²² Sane caüma usaca tacanarrtü iñatati sellorrü oemo, na atusi que ta pertenecebo oñü ümoti. Icüpurutiti Espíritu Santo au nuyausasü, tacana macumanatarrü oemo, na atusi que ta rranrrti acumanatiqui manrrü ñana oemo.

2 Corintios 1:22 교차 참조

San Juan 3:33

Naki ikokotati. Tyonenti naki tusiu ɨmoti ta ñemanauntu nuraxti Tupax.

San Juan 6:27

Tapɨ apapacheka amutuburibo axɨna takɨrusu, apapache amutuburibo axɨna chɨtakɨrusupɨ axɨna uiche champɨ nityakɨru nausɨboriki. Tyone axɨna amutuburibo toxiobo aume uiti Aɨtoxti ñoñɨnx, tyopiki axti Tupax, naki Iyaɨ samamekanati uiti.

Romanos 4:11

Pɨrɨkɨ nanaiña axti Abraham circuncidaboti, uixh atusi ta uxia nisɨborikixhti au nastaxti Tupax ityopiki ñakokonaunkuxti. Sane naukiche axti Abraham, tyonenti yaɨtoxɨma namanaiñama axɨbama ikokoromati Tupax, champɨ nɨmoche axtɨ chɨcircuncidabopɨma. Sane axti Tupax champɨ nɨmoche uiti axɨmanu tɨkañe chuxiampɨ nisɨborikixhimia.

Romanos 8:23

Chityoneantaipɨ takisɨrɨ, ta axoñɨntyo utakisɨrɨka axɨbama tɨtoxioti Espíritu Santo oemo, axɨna tɨkusɨrɨbo toxiobo ñana oemo.

Romanos 8:9

Tapɨ axaño chausɨborikiaikipɨ isiuki nixhantɨmo naukɨtɨpɨ, ta isiuki noñemaxti Espíritu Santo, tyopiki axti Espíritu auki napes anati aukɨtɨpɨ. Axti naki champɨti nesaxti Espíritu Cristo kɨtɨpɨti, chanatipɨ chepeti Cristo.

2 Corintios 5:5

Axti Tupax tyonenti naki uiche sopisamune axɨna sane, tyopiki toxio uiti suiñemo axti Espíritu Santo tyone uixh atusi ta ñemanauntu ñana axɨmanu toxiobo oemo.

Efesios 4:30

Tapɨ sucheboti aboi nesaxti Espíritu Tupax, naki uiche aiñanti aukɨtɨpɨ nɨrixhti axɨna uiche atusi ta axaño tyonema axɨbama aɨtoxti Tupax au axɨmanu nanenes ñana ñemanauntu ane maximiakatax aume.

1 Tesalonicenses 4:8

Sane naukiche, axti naki chiyasutiutipɨ axɨna manunekatax, chisuiñemopɨ axɨna sane uiti ta ɨmoti Tupax, naki uiche aityoximiati Espíritu Santo aume.

2 Timoteo 2:19

Tapɨti Tupax sɨro uiti axɨna nityɨmox uixh chɨtaɨbɨkopɨ, axɨna kauta korobo: “Tusiu ɨmoti Yɨriabux Jesús ñakusanema axɨbama ikokoromati”, namanañaintyo axɨbama iñanuantama nɨrixhti apiñasaño pese pɨnanaki nomɨnantɨ.

Apocalipsis 2:17

¡Axti naki ane uiche onsapeti, tari onsaperati axɨna nuraxti Espíritu Santo ɨmoma axɨbama ikokoromañɨ! Axɨbama chɨtapenekopɨma ñana basoma ñana maná sobi axɨmanu ane anekana. Toxioityo ñana sobi ɨmoma kanx purusubi, axɨna kauta ane korobo taman iyebo ɨrixh, axɨna champɨti isuputakaiti ta kunauntañati naki ɨmoche atoxi.’

Apocalipsis 7:3

“¡Tapɨ ane kausane aboi ɨmo kɨx ɨmo narubaityu tux ñomentyo soeka, chepe axtɨ tɨkorobo osoi ikutama nɨrixhimia axɨbama aɨtoxti Tupax!”

Apocalipsis 9:4

Bakɨpukux ñome tapɨ ane kausane oboi ɨmo naxchopɨro ikuki axɨna kɨx ñome soeka, tari ɨmoma axɨbamantai champɨ nɨrixhti Tupax ikutama.