2 Corintios 1:13 - Manityanati Tupax

¹³ Iku axɨna supakonomoso, champɨ korobo soboi kiatax axɨna tapɨ chiyebopɨ aboi. Sane ixhanka nauki aye nuxia aboi,

Manitanati Tuparrü

¹³ Arrüna nirraconomoso aume, puerurrü lehebo año y sane puerurrü ito aye aboi. Isiatai nisura aume tacana auqui maübo. Ñoncatü aume na atusi aume que ñemanauntu arrüna sane nisura. Aboma te bama abarrüpecu chauqui tütusio ümoma.

2 Corintios 1:13 교차 참조

Hechos 27:39

Naukiche tɨtaneneka, axɨmanuma uiche aikiama axɨmanu canoa, chɨtusiupɨ ɨmoma kauta nakaxɨma, astaimia axɨmanu kɨosox, auki xhanxɨma aɨromatɨ atochema akamanu aɨbu axɨmanu canoa.

1 Corintios 1:8

Uiti Tupax sɨsio año aɨbu nauxianka amasarati chepe nityakɨrux, tapɨ anati naki asioti urapakaiti kausane nausɨboriki ñana axtɨ tɨkuatati tato axti Yɨriabux Jesucristo.

2 Corintios 13:6

Axɨñɨ ñonkatɨ aume, axaño tusiu nuxia aume ta axɨsomɨ uxia suisɨboriki au nastaxti Tupax.

2 Corintios 4:2

Sopiñokota axɨmanu tɨkañe nanaiña anekanatai soboi, takana axtɨ suisɨsoka. Chɨsupatachemakakapɨ chɨkiataxɨpityo supanunekaka nuraxti Tupax. Axɨsomɨ supanunekaka axɨna ñemanauntu, sane sopityoximiata ɨmo namanaiña takanaintyo ɨmoti Tupax nanaiña axɨna sopisamute.

2 Corintios 5:11

Sane naukiche, axɨna tɨtusiu suiñemo ta nauki supanau ɨmoti Yɨriabux Jesús, supapacheka nikiubusomɨ nauki aikɨmɨnakama ñakiokoxɨma mañoñɨnka. Axti Tupax isuputarati nuxia somɨ, ixhankaityo nauki axaño ausuputakasomɨ.

Filemón 1:6

Axɨkɨ onkatɨ ɨmoti Tupax takana axɨsomɨ, sane naukiche xhankikia pɨnanakiti taikiana onkatɨ ɨmoti chepe axtɨ tɨtusiu aemo nanaiña axɨba omixhia uisamunio tyopiki kuasɨrɨti oemo Cristo.