1 Timoteo 6:5 - Manityanati Tupax

⁵ chaiyatai baikixh. Axɨbama sane nisɨborikixhimia champɨ axɨna uxia au ñakionkoxɨma chisuputakaipɨmaintyo axɨna ñemanauntu, tyonema axɨbama namatɨ ta ikokoromati Tupax nauki auki ane enaxiboma.

Manitanati Tuparrü

⁵ Arrübama manunecanama ausüratai ipiacama uratoquimia, pero chipiacapüma apensama nurria, ni atusipü ümoma arrüna ñemanauncurratoe. Ñaquioncorrüma puerurrü acanama chama moniri ui yaserebiquirrimia ümoti Tuparrü.

1 Timoteo 6:5 교차 참조

San Mateo 12:33

“Axtɨ uxia soes, omixhia nɨtakax. Axtɨ soes chuxiampɨ, chomixhampɨ nɨtakax. Sane naukiche axɨna soes usuputakai yusiuki nɨtakax.

San Mateo 21:13

Nantityo ɨmoma: –Iku axɨba Nikorox nantɨ sane: ‘Axɨna nipo tyone samamekana ɨmo nipo meankax’, tapɨ axaño apisamute takana nipo axɨbama makusɨpɨka.

San Mateo 23:13

“¡Autakisɨrɨkatai ñana, axɨbama apanunekaka bakɨpukux uiti Moisés ichepetyo axɨbama fariseos, chapisamutempɨ axɨna amukanaño!, axaño apiñamata tyurux ɨmo napes tapɨ sɨromatɨpo makiataka. Axaño chamekapɨtɨpo, chichebopityo aboi aɨromatɨpo axɨbama xhanxɨma aɨromatɨpo.

1 Corintios 11:16

Axtɨ aboma axɨbama xhanxɨma uratokimia kɨtɨpɨ axɨna sane, tari atusi ɨmoma axoñɨ takanaintyo axɨbama ikokoromati Jesús chɨtusiupɨ oemo.

2 Tesalonicenses 3:6

Masarukityaiki supakɨpuka aume au nɨrixhti Yɨriabux Jesucristo, nauki apiñanaño pese pɨnanaki axɨbama usarukityaiki chuxiampɨ nisɨborikixhimia, axɨbama chixhanxɨpɨma aisamunema nisɨborikixhimia isiuki axɨna supanunekaka aume.

1 Timoteo 1:6

Aboma axɨbama iñokotama axɨna uxia manunekatax yotopiki axɨba ausɨratai manityakaka.

1 Timoteo 3:3

Tapɨ yorisɨbaboxti tapɨ yaiyoxti, tari axti naki taruku nipukɨruxti tyaku makiataka, tapɨ taruku nixhankaxti ɨmo monixh.

1 Timoteo 3:8

Saneityo axɨbama Diáconos, tari uxia nisɨborikixhimia au nastaxɨma namanaiña, tapɨ mapañama ɨmo makiataka tapɨ taru norisɨbaxti, tapɨ taruku nixhankaxɨma ɨmo monixh.

1 Timoteo 4:7

Tapɨ ane nɨmoche obi axɨba onkoi chomixhampɨ nuraxɨma axɨbaityo champɨ nanenekiche ñapanaunkuxɨma. Aiña nuxia nauki uxia nasɨboriki aɨbu makiataka.

1 Timoteo 4:8

Ñemanauntu axtɨ ane niyachɨkoi axɨna nokɨtɨpɨ uixh chiyebopɨ ui noxokox, tapɨ axɨna nupukɨru tyaku makiataka tyone axɨna uxia ɨmo nanaiña, tyopiki ɨriotɨ ɨmo axɨmanu sɨborikixh ɨmo axɨna kaɨma takanaintyo axɨmanu kuabotɨki ñana.

1 Timoteo 6:6

Ñemanauntu axɨna numakokonaunku ɨmoti Tupax tyone axɨna uiche ane yarusɨrɨx noñenaxi, ta ɨmotiatai naki pukɨnuñanti aɨbu axɨna ane uiti.

2 Timoteo 3:5

Mapañama ñana apukɨruma tyaku makiataka, tapɨ axɨna isamutema uixh atusi ta chisamutempɨma isiuki noñemaxti Tupax. Axɨmanuma sane nisɨborikixhimia tapɨ ane nɨmochema obi.

2 Timoteo 3:8

Sane takanati Janes chepeti Jambrés chuxiampɨ ɨmoma nɨriakaxti Moisés, saneityo axɨma chuxiampɨ ɨmoma axɨna ñemanauntu. Axɨbama mañoñɨnka champɨ uxia au nityanuxɨma, champɨ nanenekiche ñakokokoxɨma.

Tito 1:11

Tapɨ chebo obi anunekama, tyopiki auki nakaxɨma chɨmastakaxɨpɨ ɨmo makiataka aɨbu namanaiña axɨbama aɨtoxɨma, manunekanama axɨba chomixhampɨ yakɨna ane nimonixhimia isiuki axɨmanu ñanunekakaxɨma.

2 Pedro 2:15

Amenkomantai, tyopiki kɨseboma pɨnanaki axɨna besɨro kutubiux. Isamutema nisɨborikixhimia isiukiti Balaam, aɨtoxti Bosor, naki xhanxti ane nimonixhti isiuki axɨba nomɨnantɨ isamutenti

2 Pedro 2:3

Axɨmanuma mapañama anunekama taruku nixhankaxɨma ñana ane nimonixhimia iyebo ñana uimia monixh ui ñanunekakaxɨma aume axɨba ñapantuxɨma. Tapɨti Tupax tɨtane manityomokotox uiti ɨmoma aukiapae tɨkañe chañekanapɨma ñana ui axɨmanu nityakisɨrɨkɨxɨma.

SAN JUDAS 1:11

¡Takisɨrɨmantai ñana!, tyopiki isamutema takana axɨmanu isamutenti Caín. Ityobo mantukubatai monikia iñatama tyoneantoe axɨmanu nipɨnatenti Balaam. Champɨ nuxiantu nisɨborikixhimia, sane naukiche koiñoma ñana takana nikonkoxti Coré.

Apocalipsis 18:13

Abe pikiataka nikiakaxɨma canela, axɨba uxiantai noborixh. Incienso, axɨna uxiantai norixh, aceite, vino, tubaxixh, trigo, buyeka, nobixhaka, kabayuka, karetonka, mañoñɨnkaityo pabenteoma nauki kumanakaxɨma ɨmo makiataka chepetyo axɨbama enoma auki niyaikixhimia aɨbu nikomesɨma.

Apocalipsis 18:3

Au nanaiña kɨx isamutema nisɨborikixhimia isiukimia manaunumaintyo ɨmo axɨbama chɨtɨpɨ matupaka. Saneityo isamutema mayɨriabuka ikuki kɨx. Axɨbama mapabentekanama nenaxixhimia ikuki kɨx tarukapae kaɨma nenaxixhimia tyopiki tyone makomporara pɨnanakimia nanaiña ñome axɨba chomixhampɨ nixhantɨmo.”