1 Timoteo 6:10 - Manityanati Tupax

¹⁰ Tyopiki axɨna taruku nuxianka ɨmo monixh tyone nixhanaka nanaiña axɨba nomɨnantɨ. Abomaintyo axɨbama tyopiki ubatioma nenaxixhti kiatax sane naukiche iñokotama ñakokonaunkuxɨma ɨmoti Tupax, tyopiki taruku nityakisɨrɨkɨxɨma.

Manitanati Tuparrü

¹⁰ Ui arrüna nurrianca ümo monirri cuatü aruqui nanaiña nomünantü oemo. Aboma bama iñocotama ñacoconauncurrüma ümoti Tuparrü, itopiqui nirrancarrüma rricurrüma. Ui arrüna sane cuatü chütamampatai ümoma.

1 Timoteo 6:10 교차 참조

San Mateo 13:22

Axɨmanu sɨrobo kɨtu sɨro omeana kɨmeka tyone takana axɨbama onkoimia axɨba omixhia manityakax, ityopiki axɨba nenaxixhimia ikuki axɨna kɨx taruku ñakionkoxɨma yubapa tapenekoma oboi. Nanaiña axɨba sane chichebopɨ oboi aisamunema axɨba omixhia.

San Mateo 23:13

“¡Autakisɨrɨkatai ñana, axɨbama apanunekaka bakɨpukux uiti Moisés ichepetyo axɨbama fariseos, chapisamutempɨ axɨna amukanaño!, axaño apiñamata tyurux ɨmo napes tapɨ sɨromatɨpo makiataka. Axaño chamekapɨtɨpo, chichebopityo aboi aɨromatɨpo axɨbama xhanxɨma aɨromatɨpo.

San Mateo 6:19

“Tapɨ apakiamutuka namenaxi iku axɨna kɨx, kauta ane uiche aiñamesoko auki nanaiña champɨki nɨmoche uxia, kautaityo makusɨpɨka iyebo uimia akusɨpɨma.

San Marcos 4:19

chɨchebopɨ uimia nauki axɨmanio omixhia manityakax oboi aikoñokoma nisɨborikixhimia. Taruku nixhankaxɨma ɨmo monixh nauki aye uimia axɨna nixhantɨmoma, nauki taruku nipukɨnunkuxɨma iku axɨna kɨx.

Colosenses 3:5

Tyopiki axɨna sane, apiñokosio nanaiña axɨba chomixhampɨ nauxiantɨmo. Tapɨ auxianka aumeampatoe, tapɨ apisamute axɨba chuxiampɨ, tapɨ apicheta ɨmo naukɨtɨpɨ aisamune axɨna chuxiampɨ, tapɨ taruku nauxianka iyo monixh oboi axɨba sane ta takana axtɨ apanaunka ɨmo matupaka nisamuku mañoñɨnka.

1 Timoteo 3:3

Tapɨ yorisɨbaboxti tapɨ yaiyoxti, tari axti naki taruku nipukɨruxti tyaku makiataka, tapɨ taruku nixhankaxti ɨmo monixh.

1 Timoteo 6:21

Aboma axɨbama ikokotama axɨmanio manunekatax, iñokotama ñakokonaunkuxɨma Tari aukurusɨka uiti Yɨriabux. Amén.

1 Timoteo 6:9

Tapɨ axɨbama xhanxɨma ane tarukapae nenaxixhimia tapenekoma au nimetoxti chobores. Ane makokotox ɨmoma aisamunema axɨba chomixhampɨ ɨmo makiataka, sane mameso nanaiña nisɨborikixhimia.

2 Timoteo 3:2

Aboma ñana mañoñɨnka axɨbama champɨ nipukɨruxɨma, taruku nixhankaxɨma ɨmo monixh, au ñakionkoxɨma champɨti kiatax pɨrɨkɨma. Chuxiampɨ nuraxɨma ɨmoti Tupax, chɨmakokonaumpɨma ɨmo axɨbama yaɨtoxɨma, chipiakapɨma ñana achampienkama, champɨ ñanaunkuxɨma ɨmoti Tupax.

2 Timoteo 4:10

Tyopiki axti Demas naki taruku nonxɨkɨxti yutaku axɨba ikuki axɨna kɨx, iñokonotiñɨ, sɨrotitɨ au Tesalónica. Tapɨti Crescente sɨrotitɨ au Galacia, tapɨti Tito sɨrotitɨ au Dalmacia.

Tito 1:11

Tapɨ chebo obi anunekama, tyopiki auki nakaxɨma chɨmastakaxɨpɨ ɨmo makiataka aɨbu namanaiña axɨbama aɨtoxɨma, manunekanama axɨba chomixhampɨ yakɨna ane nimonixhimia isiuki axɨmanu ñanunekakaxɨma.

Santiago 5:19

Masarukityaiki, axtɨ anati naki iñokotati ñakokonaunkuxti ɨmo axɨna ñemanauntu iyebo uiti, auki anati kiatax naki uiche makokonaunxti tatityo,

SAN JUDAS 1:11

¡Takisɨrɨmantai ñana!, tyopiki isamutema takana axɨmanu isamutenti Caín. Ityobo mantukubatai monikia iñatama tyoneantoe axɨmanu nipɨnatenti Balaam. Champɨ nuxiantu nisɨborikixhimia, sane naukiche koiñoma ñana takana nikonkoxti Coré.

Apocalipsis 18:13

Abe pikiataka nikiakaxɨma canela, axɨba uxiantai noborixh. Incienso, axɨna uxiantai norixh, aceite, vino, tubaxixh, trigo, buyeka, nobixhaka, kabayuka, karetonka, mañoñɨnkaityo pabenteoma nauki kumanakaxɨma ɨmo makiataka chepetyo axɨbama enoma auki niyaikixhimia aɨbu nikomesɨma.