1 Timoteo 5:6 - Manityanati Tupax

⁶ Tapɨ axɨna biurax ityoximianɨ ɨmo nipukɨnunkux chauki tɨkoiño auki nisɨborikixh.

Manitanati Tuparrü

⁶ Pero abe ito arrüba biuraca pavivico isiu niñurrancarrü, murrianrrü naneneca ane pierrta. Arrio abe tacanarrtü tümocoiño au narrtarrti Tuparrü.

1 Timoteo 5:6 교차 참조

San Mateo 8:22

Aiñumuti Jesús nuraxti: –Ariaku isiuñɨ, asioma sane axɨbama tɨkoiñoma tari uixhimiantoe aiñanamakɨ kɨtu.

San Lucas 12:19

Auki kaɨma sukanañɨ ñemoantoe: Churapa, abe sɨrɨmana nenaxi umaɨburu ñome sɨrɨmana naskɨbeka. Tapɨ ane nachɨkoi, a'a, acha'a, apukɨnu aɨbu nasɨboriki.’

San Lucas 15:13

Yopɨrɨkɨ mantukubatai nananeka axti maniki aɨtoxti yaɨxtiki nuxia pabenteo uiti nanaiña axɨmanu toxio ɨmoti enaxiboti, aɨbu axɨmanu nikuax sɨrotitɨ iche, au kiatax kɨx, akamanu nanaiña takɨrusu pɨnanakiti ui axɨna chuxiampɨ nisɨborikixhti.

San Lucas 15:24

Tyopiki axti naki isaɨ anankati koiñoti axɨna kaɨma sɨborikoti tato. Ensoroti oñopɨnanaki tapɨ kaɨma tabɨkoti tato osoi.’ Auki iñatama nipukɨnunkuxɨma.

San Lucas 15:32

Koñotɨ basapa upukɨnu, tyopiki axti aruki, tɨkoiñoti, sɨborikoti tato. Ensoroti oñopɨnanaki tabɨkoti tato osoi.’ ”

San Lucas 16:19

“Anati taman ñoñɨnx taruku nenaxixhti, omeno kɨtɨpɨti omixhia naibixhti champɨ takanache naneneka basaparati axɨba taruku niyukuax niyartaxti.

San Lucas 7:25

Axtɨ chɨsanempɨ, ¿isane abakatɨ amasarai? ¿Tamanti ñoñɨnx omixhampae naibixhti? Axaño tusiu aume axɨbama omixhia naibixhimia naneneka nipukɨnunkuxɨma, po'osoma au nipo mayɨriabuka.

Efesios 2:1

Tɨkañe axaño taukonka yotopiki axɨmanio chomixhampɨ apisamute oboityo axɨmanio nomɨnantɨ aboi

Efesios 2:5

toxio uiti osɨborikibo chepeti Cristo naukiche amonko oñɨnki okonka yotopiki axɨba nomɨnantɨ osoi. Ui nipukɨruxti Tupax axaño apasutiu maximiakatax ñome nomɨnantɨ aboi.

Efesios 5:14

tyopiki nanaiña axɨna ityusiankanɨ nuxia, ane aɨbu basarux. Sane naukiche nantɨ sane: “Astopɨ, axɨkɨ naki anuka. Atɨsai axɨpekuki makoiñoka, uiti Cristo anentax aemo.”

Colosenses 2:13

Axaño tɨkañe amonkaño aukonka, tyopiki axaño taruku nomɨnantɨ aboi sane naukiche chɨtɨpɨ aɨtoxti Tupax año. Tapɨ kaɨma toxio uiti Tupax ausɨborikibo chepeti Cristo, xhimiakanaintyo uiti nanaiña nomɨnantɨ aboi.

2 Timoteo 3:6

Tyonema axɨbama sɨromatɨ ubau poka atachemakama ñome paɨka axɨba sɨrɨmana nomɨnantɨ oboi, tyopiki axɨba ausɨratai niñuxantɨmo,

Santiago 5:5

Axaño iku axɨna kɨx tapasutiu namenaxi takanaintyo naupukɨnunku, axaño abaka takana axobe numukianka upaɨro, tɨsaimia ñana axɨmanu nanenes tyakɨrux aume.

Apocalipsis 18:7

Tyone au ñakionkox tɨkañe champɨ kiatax pɨrɨkɨ, uxiantai ɨmo tɨkañe yarusɨrɨx pukɨnunkuka. Kaɨma apityakisɨnɨmaka apityakisɨnɨmaka isiu nauxianka. Tyopiki au nityusixh nantɨ ‘Yaka auna ichɨmoka takana yarusɨrɨx nɨniabux. Chɨbiuraxɨpɨñɨ, champɨ uiche ichakisɨrɨ.’

Apocalipsis 3:1

“Akonomo ɨmoti maniki ángel auki Sardes kauta aboma axɨbama ikokoromañɨ: ‘Axti maniki aboma uiti siete espíritu auki napes, axɨmaniointyo siete nostoñeka, ukanɨ sane: tusiu iñemo nanaiña axɨba aisamukio, tusiuityo iñemo ta chauki takonka axɨna asɨborikiaiki.