1 Timoteo 4:7 - Manityanati Tupax

⁷ Tapɨ ane nɨmoche obi axɨba onkoi chomixhampɨ nuraxɨma axɨbaityo champɨ nanenekiche ñapanaunkuxɨma. Aiña nuxia nauki uxia nasɨboriki aɨbu makiataka.

Manitanati Tuparrü

⁷ Tapü ane nümoche obi arrüba cuentuca chomirriampü, arrüba champü niyupaserebiquirri. Tari manrrü cuasürü aemo arrüna urria nosüboriqui aübuti Tuparrü.

1 Timoteo 4:7 교차 참조

Hechos 24:16

Sane naukiche nantax taikiana uxia nixhapanaunku sukarɨti Tupax takanaintyo sukarɨ namanaiña.

1 Timoteo 1:4

Ukanɨ ɨmoma tapɨ manunekanama yokɨtɨpɨ nɨrixhimia axɨbama yaɨtoxɨma tɨkañe. Axɨbama uxia ɨmoma axɨmanu sane munatai nuratokikixhimia tyopiki, oboi chɨtusiupɨ ɨmoma axɨba nixhantɨmoti Tupax aisamunenti. Axɨmanio nixhantɨmoti aisamunenti usuputakio axtɨ uikokokati.

1 Timoteo 1:9

Tusiuityo oemo axɨmanu bakɨpukux uiti Moisés chɨtɨpɨ ɨmoma axɨbama isamutema axɨba omixhia au nisɨborikixhimia. Axɨmanu bakɨpukux ta ɨmoma axɨbama isamutema axɨna chuxiampɨ axɨbama chɨmakokonaumpɨma, axɨbama chɨmanaunupɨma ɨmoti Tupax, axɨbama batabayoma ɨmo axɨbama, yaɨtoxɨma chepe nipiakɨtoxɨma, namanaiña mayatabayoka.

1 Timoteo 2:10

Tari axɨba niñokoñopox tyone axɨba omixhia opisamute, sane takana axɨba paɨka taruku ñupanaunkux ɨmoti Tupax.

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

1 Timoteo 4:8

Ñemanauntu axtɨ ane niyachɨkoi axɨna nokɨtɨpɨ uixh chiyebopɨ ui noxokox, tapɨ axɨna nupukɨru tyaku makiataka tyone axɨna uxia ɨmo nanaiña, tyopiki ɨriotɨ ɨmo axɨmanu sɨborikixh ɨmo axɨna kaɨma takanaintyo axɨmanu kuabotɨki ñana.

1 Timoteo 6:11

Tapɨ axɨkɨ Timoteo, aserebikia ɨmoti Tupax. Sane naukiche akosi iche ñopɨnanaki nomɨnantɨ. Aiña nuxia nauki akokonaunka ɨmoti Tupax. Taikiana besɨro nasɨboriki, akuasɨrɨma aemo axɨbama ikokoromati Jesús. Axtɨ abe axɨba chɨtamampatai aemo, tapɨ aikɨsabukɨatai apukɨnunau tyaku makiataka.

1 Timoteo 6:20

Axɨkɨ Timoteo, asasatɨ nuxia tyaku axɨna bakɨpukux aemo. Tapɨ ane nɨmoche obi chɨtamampatai nuraxɨma axɨba champɨ nanenekiche, takanaintyo axɨba chiñemanauntupɨ manunekatax.

1 Timoteo 6:3

Axtɨ anati naki manunekanati axɨna chisiupɨ axɨna ñanunekakaxti Yɨriabux Jesucristo axɨnaintyo numakokonaunku ɨmoti Tupax,

1 Timoteo 6:5

chaiyatai baikixh. Axɨbama sane nisɨborikixhimia champɨ axɨna uxia au ñakionkoxɨma chisuputakaipɨmaintyo axɨna ñemanauntu, tyonema axɨbama namatɨ ta ikokoromati Tupax nauki auki ane enaxiboma.

2 Timoteo 2:16

Tapɨ anityaka axɨba chomixhampɨ, tyopiki axɨbama manityanama axɨba chomixhampɨ, isiu nomeki naneneka isamutema axɨba nomɨnantɨ

2 Timoteo 2:23

Tapɨ ane nɨmoche obi nuratokikixhimia axɨna champɨ nanenekiche. Tɨtusiu aemo tyone iñatai tyakɨru aɨbu chɨrɨri.

2 Timoteo 3:12

Ñemanauntu, namanaiña axɨbama xhanxɨma besɨro nisɨborikixhimia aɨbuti Cristo Jesús tyopiki chiyaupɨ ñana nityakisɨrɨkɨxɨma.

2 Timoteo 3:5

Mapañama ñana apukɨruma tyaku makiataka, tapɨ axɨna isamutema uixh atusi ta chisamutempɨma isiuki noñemaxti Tupax. Axɨmanuma sane nisɨborikixhimia tapɨ ane nɨmochema obi.

2 Timoteo 4:4

Isunkutama nichakuxɨma ɨmo axɨna ñemanauntu, auki kaɨma ikokotama aruki nanaiñantai manityakaka.

Tito 1:14

tapɨ ane nɨmoche uimia axɨba chomixhampɨ nuraxɨma axɨmanuma judíos, tapɨ ikokotama yakɨpukuxɨma axɨbama chixhanxɨpɨma asuriuma axɨba ñemanauntu manunekatax.

Tito 2:12

Axɨmanu nipukɨruxti Tupax manunekana oemo nauki uiñokonio axɨba nomɨnantɨ chepe axɨba chuxiampɨ nuxiantɨmo ikuki axɨna kɨx, nauki kaɨma axɨba naneneka uisamune axɨna besɨro numapanaunku.

Tito 3:9

Tapɨ asikia aiñumu axɨba chomixhampɨ mapanaunkux, tapɨ ane nɨmoche obi nurax kɨtɨpɨ axɨbama kusɨnɨtaña tɨkañe, tapɨ ɨnantɨ aemo tyopiki axɨmanu bakɨpukux uiti Moisés. Axɨmanio sane champɨ isane nanenekiche.

Hebreos 5:14

Tapɨ axɨbama tipiakama asaraimia axɨna besɨro mapanaunkux, tyopiki tɨniyachetaxɨma aisamunema, tyonema takana axɨbama mayarusɨrɨka tipiakama a'ama pemakax.