1 Timoteo 4:3 - Manityanati Tupax

³ Axɨbama mañoñɨnka chuxiampɨ ɨmoma axtɨ anati poso chuxiampityo ɨmoma axtɨ ubaka axɨba pikiataka nisamukuxti Tupax utuburiboma namanaiña axɨbama ikokoromati Tupax axɨbamaintyo isuputakaimia axɨna ñemanauntu, aɨbu ñachampienkakaxɨma ɨmoti.

Manitanati Tuparrü

³ Chichebopü uimia nauqui apoma macrirrtianuca. Chichebopito uimia nauqui aama arrüba pemacaca, abu omirriante uiti Tuparrü ümo namanaiña bama icocoromati y bama tusio ümoma arrüna ñemanauncurratoe nurarrti. Torrio uiti te nauqui umane aübu numachampiencaca ümoti.

1 Timoteo 4:3 교차 참조

San Mateo 14:19

Nanti ɨmo namanaiña nauki atɨmoma onɨ naxchopɨro. Auki aikianiontiño mekuti axɨmanio cinco pan yochepe axɨmanio tox nopiokoka, asaratitɨ ape, machampienkanati bochepesɨro uiti axɨmanio pan, toxio uiti ɨmo axɨmanuma nesaxti apóstoles uimia aityoximiama ɨmo namanaiña.

San Mateo 15:11

Axɨna sɨro kɨtɨpɨti ñoñɨnx aikiti chuixhipɨ ɨnantɨ nisɨborikixhti. Chɨsanempɨ, axɨna uiche chuxiampɨ nisɨborikixhti ñoñɨnx ta ui axɨna kuatɨ aikiti.

San Mateo 15:36

auki ikianiontiño mekuti axɨmanio siete pan yochepe axɨmanio nopiokoka, akamanu machampienkanati ɨmoti Tupax, bochepesɨro uiti auki ityoximiatati ɨmoma axɨmanuma nesaxti apóstoles, uimia kaɨma toxio ɨmo namanaiña.

San Lucas 24:30

Naukiche tɨtɨmonsoma nauki a'ama, asuriuti mekuti axɨmanu pan, achampienkati ɨmoti Tupax, aichepesɨnati auki aityoximiati ɨmoma.

San Juan 6:23

Auki opiñatai pikiataka canoa auki axɨmanio poka Tiberias saimia axɨmanu kauta amonkoma basoma axɨmanio pan naukiche axti Yɨriabux machampienkanati.

Hechos 27:35

Naukiche tɨnanti axɨna sane, aikianti Pablo mekuti taman pan, machampienkanati ɨmoti Tupax sukarɨ namanaiña, chepesɨro uiti auki basoti.

Romanos 14:17

Tyopiki ɨmo nɨriakaxti Tupax champɨapae nɨmoche axɨna aruki nanaiñantai ubaka o uchaka, ta uisamune axɨna uxia, taikiana uxia osoi oemoantoe nauki sane upukɨnu ui noñemaxti Espíritu Santo.

Romanos 14:3

Ui axɨna sane, axti naki basoti nanaiñantai tapɨ tɨborikotiatai kuatati naki chɨbasopɨ nañes. Tapɨti naki chɨbasopɨ nañes, tapɨ ausɨratai nuraxti ɨmoti naki basoti aruki nanañantai, tyopiki sane toxio uiti Tupax ɨmoma.

Romanos 14:6

Axti naki iñanauntati taman nanenes, nauki anaunti ɨmoti Tupax tari iñanaunati. Tapɨti naki basoti aruki nanaiñantai, nauki anaunti ɨmoti Yɨriabux tari basoti, ityobo machampienkanati ɨmoti Tupax. Sanentityo naki chɨbasotipɨ nañes, nauki anaunti ɨmoti Yɨriabux chiñatentipɨ axtɨ machampienkanatityo ɨmoti Tupax.

1 Corintios 6:13

Amukanañointyo sane: “Axɨna xhutuburiboñɨ ta ɨmo nikiporo, tapɨ axɨna nokiporo ta ɨmo axɨna xhutuburiboñɨ.” Unka ñemanauntu, uiti Tupax ñana axɨmanio tox butakɨrusu. Tapɨ axɨna nokɨtɨpɨ chɨtɨpɨ ɨmo nomɨnantɨ ta ɨmoti Tupax, axtityo Tupax ɨmo axɨna nokɨtɨpɨ.

1 Corintios 7:28

Axtɨ apoka, chaisamutempɨ nomɨnantɨ. Axtɨ taman kupikixh poso, champɨityo axtɨ isamute nomɨnantɨ. Tapɨ axɨbama posoma takisɨrɨma ñana iku axɨna kɨx, tyone axɨna chixhankapɨ nauki asuriuma.

1 Corintios 8:8

Axtɨ yasuriuruti Tupax oñɨ, chɨtɨpɨ ui axɨna umate. Chɨtɨpɨ ui axɨna umate uxia nosɨboriki, axtɨ chubakapɨ uixh chuxiampityo nosɨboriki.

Colosenses 2:16

Sane naukiche tapɨ chebo oboi anati naki chuxiampɨ nuraxti aume axtɨ aubaka axtɨ auchaka, tyopiki chapiñanauntapɨ axɨba naneneka nesa pukɨnunkux, takanaintyo axtɨ aɨbo ane tato ape panx axɨbaityo naneneka sábaruka.

Colosenses 3:17

Nanaiña axɨna napachɨkoi napanityaka, apisamuse au nɨrixhti Yɨriabux Jesucristo, apachampienka ɨmoti Tupax naki Uyaɨ yotopiki axɨba isamutenti Jesús autaku.

1 Timoteo 2:4

Tyopiki xhanxti nauki namanaiña ataesɨbuma eanaki nomɨnantɨ nauki atusityo ɨmoma:

1 Timoteo 4:4

Tyopiki nanaiña axɨba nisamukuxti Tupax ta omixhia. Tapɨ ane axɨna chuxiampɨ oemo axtɨ basutiu aɨbu numachampienkaka ɨmoti Tupax,

1 Timoteo 5:14

Sane naukiche ixhanka nauki axɨba biuraka kupikikiaiki, aupo tatityo, nauki aboma ñupaɨmakax, nauki amasaratɨ tyakuma. Sane axɨbama chikokoropɨmati Cristo champɨ isiukiche chuxiampɨ nuraxɨma oemo.

Hebreos 13:4

Axɨbama posoma tari ane ñanaunkuxɨma ɨmomantoe takana axɨna taruku nikuax aume. Tyopiki axti Tupax astaiti ñana axɨna isamutema axɨbama xhanxɨma ɨmomantoe takanaintyo ɨmoma axɨbama posoma chɨmanuanupɨma ɨmomantoe.

Hebreos 13:9

Sane naukiche tapɨ ane nɨmoche aboi pikiataka manunekataka, axɨba champɨ bastaboibo oboi pɨnanaki ñanunekakaxti Jesucristo. Uxia axtɨ aruku nuxia oemo ui nukuasɨrɨkɨ ɨmoti Tupax, tapɨ uisamute isiuki axɨmanu bakɨpukux ñome axɨba umatamoebo. Tyopiki axɨmanio bakɨpukux champɨ bastaboibo oboi.