1 Timoteo 4:16 - Manityanati Tupax

¹⁶ Asasai nuxia atakukɨatoe takanaintyo axɨna anunekaka ɨmo makiataka, sɨsiokɨ aɨbu narukux aemo au nanaiña. Axtɨ aisamute sane, ane maximiakatax aemo takanaintyo axɨbama onsapetioma nanunekaka.

Manitanati Tuparrü

¹⁶ Asasai nurria, nauqui aisamune arrüba omirria, y nauqui anuneca arrüna urria. Arrtü sane obi, taesüburuma eanaqui nomünantü bama onsapetioma nura.

1 Timoteo 4:16 교차 참조

San Marcos 13:9

“Amasasai nuxia autakuapatoe. Tyopiki ityoximianama año ñana meku mayɨriabuka okɨsioma aume ubau sinagoga. Ikianama año esa axɨbama yarusɨrɨx nɨriakaxɨma ichopikiñɨ. Sane apityusiankata isukarɨma ta yaka auchepe.

San Lucas 21:34

“Amasasai nuxia tapɨ chebo aboi ɨmo nabausasɨ champɨ onkisio oboi axɨba chomixhampɨ, axɨba norisɨbakax axɨnaintyo nauxiantɨmo ɨmo namenaxi iku axɨna kɨx, nauki au axɨmanu nanenes ñana tapɨ autabɨkatai

Hechos 26:22

Tapɨ ui noñemaxti Tupax kaɨmainki chiñokotapɨ, xhanunekaka nuraxti Tupax ɨmo masiomanka, ɨmo mayɨriabuka. Champɨ tixhanunekaka peese pɨnanaki axɨmanu namatɨ tɨkañe axɨbama profetas axtityo Moisés naukiche urapoimia axɨna uxiante ñana usukarɨ:

Hechos 6:4

Tapɨ axɨsomɨ chɨsopiñokotapɨ meankax ɨmoti Tupax supanunekakaityo nuraxti.

Romanos 11:14

Ixhanka nauki aboma axɨbama isarukityaiki ɨnantɨ ɨmoma autopiki, sane aikiaɨburuma año eanaki nomɨnantɨ.

Romanos 16:17

Masarukityaiki, amasasai nuxia ñɨnana axɨbama kiatax ñapanaunkuxɨma iñatama ñakokotoxɨma axɨna uiche apiñanaño pese pɨnanaki axɨna manunekatax apasutiu. Apikiaɨbusaño axɨpekukimia,

Romanos 2:7

Toxio ñana uiti isɨborikiboma axɨna champɨ nityakɨrux, ɨmoma axɨbama yapachetioma nanentakax manaunkux ɨmoti Tupax, taikiana aisamunema axɨna uxia.

1 Corintios 1:21

Tyopiki axɨbama ikuki axɨna kɨx chiñataipɨ nipiakaxɨma nauki asuputaramati Tupax, auna kauta ityusiankatati nipiakaxti, axti Tupax ui nipukɨruxti axɨbama ikokotama axɨba omixhia nuraxti ane maximiakatax ɨmoma, champɨ nɨmoche axtɨ ɨmo makiataka axɨna manunekatax chɨsamianapɨ.

1 Corintios 9:22

Naukiche anankañɨ axɨpekuma axɨbama apekiatai aikokoromati Jesús, axɨñɨntyo isamute takana axɨma, nauki aikokoma isiukiñɨ. Sane isamute takana nisɨboriki namanaiña, sane nauki aboma axɨbama ane maximiakatax ɨmoma axɨpekukimia.

1 Corintios 9:27

Tapɨ axɨñɨ takisɨrɨ sobi nisɨtɨpɨ iñununekata nauki aisamune isiu nixhanka, chuxiampɨ axtɨ xhanuneka ɨmo makiataka tapɨ axɨñɨ chisamutempɨ.

Efesios 4:14

Chɨtɨpɨ takanaiki masiomanka nusaka, axɨbama chɨsɨsiopɨma aɨbu tamantai nixhankaxɨma sɨromatɨatai tanu ui nimiakiɨtɨ kiatax manaunekatax, tapenekoma ui axɨbama sɨromtɨ yusiuki axɨba chɨbesɨropɨ kutubiuka.

Colosenses 4:17

Aburasoi sukarɨti Arquipo tari aisamunenti nuxia axɨmanu niyachɨkoiti bakɨpukux ɨmoti uiti Yɨriabux Jesucristo aisamunenti.

1 Tesalonicenses 2:16

axtɨ suixhanka supanuneka ɨmo axɨbama chɨtɨpɨ judíos, nauki ataesɨbumaintyo eanaki nomɨnantɨ chichebopɨ uimia suiñemo. Ui axɨna sane isamutema yarusɨrɨx nomɨnantɨ uimia. Nauki atakɨru nanaiña axɨna sane axti Tupax bakɨpuruti ñana yarusɨrɨx ityakisɨrɨkɨboma.

1 Timoteo 1:3

Naukiche yakatɨ au axɨmanu kɨx Macedonia, sukanañɨ aemo asamu nuxia nauki asikia au Éfeso, akamanu aboma axɨbama chɨbesɨropɨ ñanunekakaxɨma. Ukanɨ ɨmoma tapɨ manunekakanama sane.

1 Timoteo 4:15

Asasatɨ nuxia ɨmo axɨna nachɨkoi, nauki namanaiña asaraimia ta naneneka aikoñokota nasɨboriki.

1 Timoteo 4:6

Anuneka axɨba sane ɨmoma axɨbama ikokoromati Jesús, sane ñemanauntu uxia naserebiki ɨmoti Cristo Jesús, axti naki baserebioti tyone niyarataxti axɨba omixha manityakax ui ñakokonaunkuxti axɨmanu manunekatax sɨrotitɨ isiu.

2 Timoteo 2:10

Sane naukiche chubatapɨ iñemo nichakisɨrɨkɨ tyopiki namanaiña axɨbama takɨmanaunkunuma uiti Tupax, nauki ataesɨbumaintyo eanaki nomɨnantɨ nauki aye uimia axɨna nanentax esati Tupax.

2 Timoteo 3:14

Axɨkɨ Timoteo, aiña nuxia tapɨ aiñokota axɨna iyebo obi, tyopiki uixh axɨna sane nasɨboriki, tɨtusiu aemo ñakusanema axɨbama uiche aiñununekanamakɨ.

2 Timoteo 4:2

nauki anuneka axɨba omixhia manityakax, tapɨ ubata aemo nanunekaka axtɨ chebo aemo takanaintyo axtɨ chichebopɨ uimia. Apache nikiubukɨ kausane aikokoma, asamunau akuansomoko axtɨ anunekaka.

Tito 1:9

Tapɨ ikokotati tapɨ manunekanatityo axɨna chiñemanauntupɨ nuraxti Tupax. Sane aisamunema makiataka isiukiti oboi axɨba ñemanauntu manunekatax yakɨna aikokoma axɨbama chikokotapɨma.

Tito 2:15

Tyone axɨna anunekatabo, akusɨrɨ aisamune sukarɨma aikuansomokosoma aɨbu nɨriaka. Tapɨ anati naki chuxiampɨ uiti aemo.

Tito 2:7

au nanaiña, aityusianka ui nasɨboriki sukarɨma kausane aisamunema axɨna uxia. Axtɨ aiñununekakama, aisamuse axɨna ñemanauntu tapɨ apanka,

Filemón 1:19

Axɨñɨ, Pablo, ikonomota axɨna sane ui niñee: Sobi ityoximia aemo nebekixhti. Chixhankapɨ sukanañɨ aemo aiña au nɨri, tyopiki axɨkɨ ebeka iñemo nasɨborikiatoe.

Hebreos 12:15

Apapache nikiubu año tapɨ anati naki iñanatiyɨ pese pɨnanaki nikuasɨrɨkɨxti ɨmoti Tupax. Tapɨ chebo aboi anati naki chuxiampɨ nisɨborikixhti abaxɨpeku takana axone soes pichananene nixhanakax tyone takana picharax ɨmo namanaiña.

Hebreos 13:9

Sane naukiche tapɨ ane nɨmoche aboi pikiataka manunekataka, axɨba champɨ bastaboibo oboi pɨnanaki ñanunekakaxti Jesucristo. Uxia axtɨ aruku nuxia oemo ui nukuasɨrɨkɨ ɨmoti Tupax, tapɨ uisamute isiuki axɨmanu bakɨpukux ñome axɨba umatamoebo. Tyopiki axɨmanio bakɨpukux champɨ bastaboibo oboi.

Santiago 5:20

ixhanka atusi aume axtɨ anati naki uiche kuatati tato esati Tupax naki ane nomɨnantɨ uiti, añekanati auki nakaxti pɨnanaki nikonkoxti sane ane maximiakatax ɨmoti uiti Tupax.