1 Timoteo 4:10 - Manityanati Tupax

¹⁰ Tyopiki axɨna sane uiñata nuxia narukux oemo bapachekaityo nikiubu oñɨ, tyopiki oñonkatɨ ɨmoti Tupax, tyonenti naki uiche ane maximiakatax ɨmo namanaiña, ɨmomampae axɨbama ikokoromati.

Manitanati Tuparrü

¹⁰ Ümo te fuerte nurria nubatrabacaca, nauqui usuraboi arrüna manitacarrü. Oñoncatü ümoti Tuparrü, naqui süborico, naqui asaratü itacu namanaiña macrirrtianuca icu na cürrü. Mataesümunucunuti ümo bama icocoromati ñünana carrticurrü.

1 Timoteo 4:10 교차 참조

San Mateo 16:16

Aiñumuti Simón Peru nuraxti: –Axɨkɨ tyonenti Mesías, Aɨtoxti Tupax naki sɨborikoti.

San Mateo 27:43

Onkotitɨ ɨmoti Tupax: ¡tari uiti Tupax aityaesɨmunuti kaɨma, axtɨ ñemanauntu kuasɨrɨti ɨmoti! ¿Nantipɨtoche oemo ta tyonenti Aɨtoxti Tupax?

San Juan 1:29

Au kiatax nanenes, asaratitɨ Kuan ɨmoti Jesús, kuatati esati, nanti: “¡Amasasatɨ, tyonenti naki Nobixhax uiti Tupax, naki uiche aikiaɨbuti nomɨnantɨ ikuki axɨna kɨx!

San Juan 4:42

Auki namatɨ ɨmo axɨmanu paɨx: –Kaɨmampae sopikokota, chɨtɨpɨ ui axɨna urapoi suisukarɨ, ta ui axɨna somonkoi axɨsomɨ nuraxtiatoe tusiu suiñemo ñemanauntu tyonenti naki uiche aityaesɨmunuti axɨna kɨx eanaki nomɨnantɨ.

San Juan 5:24

“Ñemanauntu sukanañɨ aume axti naki onsapetioti nisura ta ikokorotityo naki uiche aikɨpuruñɨ, toxio ɨmoti axɨna champɨ nityakɨru nisɨborikixhti. Champɨityo kausane uiti Tupax ɨmoti, tyopiki chauki tiyebo uiti nisɨborikixhti pɨrɨkɨ nikonkoxti.

1 Corintios 15:10

Ui nipukɨruxti Tupax chakuñɨ sane axɨna niyaka. Axɨmanu nipukɨruxti saɨbuñɨ chɨmunataipɨ, axɨñɨ sɨrɨmana axɨba niyachɨkoi omixhante sobi pɨnanakimia. Chɨsobiatoipɨ ta ui noñemaxti Tupax.

2 Corintios 1:10

Uiti Tupax añekana somɨ uitityo uñañekaka axtɨ tixhanxapae okonka. Somonkatɨ nuxia ɨmoti tyopiki okɨmanatiki ñana suichaku,

1 Timoteo 2:3

Axɨna sane meankax uxia, uxiaintyo ɨmoti Tupax, naki uiche utaesɨbuka eanaki nomɨnantɨ.

1 Timoteo 2:4

Tyopiki xhanxti nauki namanaiña ataesɨbuma eanaki nomɨnantɨ nauki atusityo ɨmoma:

1 Timoteo 2:6

Tyopiki ityoximiatati nisɨborikixhti nauki ataesɨbuma eanaki nomɨnantɨ namanaiña. Au axɨmanu nanenes ɨriotɨ uiti Tupax, ityusiankatati usukarɨ ta xhanxti nauki namanaiña ataesɨbuma eanaki nomɨnantɨ.

1 Timoteo 3:15

ɨmo axtɨ chɨkontopɨ iñanai tanu, ta tɨtusiu aemo kausane uisamune nosɨboriki axɨbama uikokokati Tupax, axɨbama uikokokati Tupax naki sɨborikoti, tyonema axɨbama okɨmanama tyaku axɨna ñemanauntu.

1 Timoteo 6:17

Axɨbama taruku nenaxixhimia iku axɨna kɨx, ukanɨ ɨmoma tapɨ onkomatɨapae ɨmo nenaxixhimia, tyopiki champɨ nanenekiche axɨmanio nenaxixhimia tari onkomatɨ ɨmoti Tupax naki sɨborikoti, tyonenti naki uiche aityoximiati oemo nanaiña nuxiantɨmo, nauki uxia nusaka oboi.

Hebreos 11:26

Au ñakionkoxti chuxiampɨ ɨmoti taruku nipukɨnunkuxti oboi nenaxi Egipto, au ñakionkoxti uxia ɨmoti asuriuti nityakisɨrɨkɨxti takana nityakisɨrɨkɨxti ñana Mesías. Tyopiki tusiu ɨmoti ta axti Tupax ane ñana toxiobo uiti ɨmoti ityobo.

Hebreos 13:13

Saneityo axoñɨ kuri chepeti Jesús tyɨrɨpo axɨmanu nipo meankax sane basuriu chepeti axɨmanu nikɨsoxti uimia naukiche ityakubaxiromati kɨtɨpɨ kurusɨx.

1 Pedro 1:21

Auki nakaxti Cristo axaño apikokota nakaxti Tupax, naki uiche asɨboriti tato axɨpekuki makoiñoka, auki toxio ɨriakaboti au napes. Sane naukiche axaño amonkatɨ ɨmoti Tupax, tusiuityo aume ta ñemanauntu toxio ñana nanaiña axɨmanu ɨriotɨ tɨkañe uiti.

1 Juan 2:2

Uiti Tupax moximiakana nomɨnantɨ osoi axɨbaityo nomɨnantɨ ikuki axɨna kɨx tyopiki axti Cristo ityoximianatiyɨ auki noñemaxtiatoe nauki akonti utaku.

1 Juan 4:14

Axɨsomɨ sumastai axti Tupax bakɨpuruti ɨmoti Aɨtoxti nauki ataesɨbuma namanaiña axɨbama ikuki axɨna kɨx.