1 Timoteo 3:7 - Manityanati Tupax

⁷ Tari uxiaintyo nisɨborikixhti au nastaxɨma axɨbama chikokoromatipɨ Cristo, tapɨ ane isiukiche akɨsoti sukarɨma tapɨ tapenekotityo au ñakokotoxti chobores.

Manitanati Tuparrü

⁷ Umo arrüna trabacorrü tiene que atacümanauncuti naqui urria nisüboriquirrti ümo bama ito chisuputaramatipü Tuparrü. Sane nauqui tapü bacheboti choborese macocotorrü ümoti.

1 Timoteo 3:7 교차 참조

San Marcos 4:11

Aiñumuti nuraxɨma: “Aume, ityusiankatati Tupax ausukarɨ axɨba umanekana uiti kɨtɨpɨ axɨna nɨriakaxti. Tapɨ ɨmo axɨbama aboma tyɨrɨpo ununekanama oboi machepekataka,

Hechos 10:22

Axɨma aiñumuma: –Axɨsomɨ sobekatɨ ui yakɨpukuxti yɨriabux Cornelio, axti maniki ñoñɨnx uxia nɨsɨborikixhti, manaunuti ɨmoti Tupax taruku nikuasɨrɨkɨxti ɨmo axɨbama judíos. Tamanti ángel uiti Tupax nanti ɨmoti nauki aityasurutiyɨ aɨrotɨ au nipoxti, nauki onsaperioti nanunekaka.

Hechos 22:12

“Akamanu po'osoti tamanti ñoñɨnx, nɨrixhti Ananías, axti naki manaunuti ɨmoti Tupax, isiuki bakɨpukux uiti Moisés, namanaiña axɨmanuma judíos po'osoma au Damasco uxia nuraxɨma kɨtɨpɨti.

Hechos 6:3

Sane naukiche masarukityaiki, apapache sietema mañoñɨnka abaxɨpekuki axɨbama uxia au napakionko nauki amonkatɨ ɨmoma, axɨbama taruku ñapanaunkuxɨma axɨbamaintyo ane noñemaxti Espíritu Santo kɨtɨpɨma.

1 Corintios 10:32

Tapɨ apisamute axɨna chuxiampɨ sukarɨ makiataka. Sukarɨ axɨbama judíos, sukarɨma axɨbama chɨtɨpɨ judíos, axɨbamaintyo ikokoromati Tupax.

1 Corintios 5:12

Champɨ tyopikiche yasarai nisɨborikixhimia makiataka. Tari uiti Tupax asaraiti.

2 Corintios 6:3

Champɨ kausane suisɨboriki sukarɨ makiataka, sane tapɨ anati naki chuxiampɨ ɨmoti axɨna supachɨkoi.

2 Corintios 8:21

sane naukiche suixhanka sopisamune nanaiña au nanentax, sukarɨti Tupax takanaintyo sukarɨ mañoñɨnka.

Colosenses 4:5

Apisamuse nausɨboriki isiuki uxia napapanaunku sukarɨma axɨbama chikokoromatipɨ Cristo, tapɨ apiñensonokota axtɨ toxio aume apanuneka.

1 Tesalonicenses 4:12

sane namanaiña ane ñanaunkuxɨma aume axɨbama chikokoropɨmati Tupax, sane chapankikiapɨ axɨna nuxiantɨmo pɨnanaki makiataka.

1 Tesalonicenses 5:22

Apiñokosio nanaiña axɨba chomixhampɨ.

1 Timoteo 3:6

Sane naukiche, axti naki yɨriabux tapɨti tyonenti naki aɨbuatai aikokoroti Jesús, tapɨ au ñakionkoxti ñana champɨti kiatax pɨrɨkti sane kaɨma tapenekoti ɨmo nityakisɨrɨkɨxti takanati chobores tɨkañe.

1 Timoteo 5:14

Sane naukiche ixhanka nauki axɨba biuraka kupikikiaiki, aupo tatityo, nauki aboma ñupaɨmakax, nauki amasaratɨ tyakuma. Sane axɨbama chikokoropɨmati Cristo champɨ isiukiche chuxiampɨ nuraxɨma oemo.

1 Timoteo 6:9

Tapɨ axɨbama xhanxɨma ane tarukapae nenaxixhimia tapenekoma au nimetoxti chobores. Ane makokotox ɨmoma aisamunema axɨba chomixhampɨ ɨmo makiataka, sane mameso nanaiña nisɨborikixhimia.

2 Timoteo 2:26

sane añekama ui nimetoxti chobores kauta aboma amanama nauki aisamunenti aɨbuma axɨna nixhantɨmoti.

Tito 2:5

tari uxia ñupapanaunkux, uxia niyosɨborikixh, amasaratɨ tyaku nanaiña au niyopox, taikiana uxia oboi ɨmo namanaiña apakokonau ɨmo axɨbama ñopikianio, tapɨ anati naki chuxiampɨ nuraxti ɨmo nuraxti Tupax.

Tito 2:8

taikiana urasoi axɨna uxia, sane tapɨ anati naki chuxiampɨ nuraxti aemo. Axtɨ aisamute axɨna sukanañɨ aemo, axɨbama chuxiampɨ uimia oemo kɨsoboma tato ñana, sane champɨ isiukiche chuxiampɨ nuraxɨma oemo.

3 Juan 1:12

Namanaiña manityanama uxia kɨtɨpɨti Demetrio, u nisɨborikixhti atusi oemo ta ñemanauntu nuraxɨma. Axɨsomɨntyo uxia supanityaka kɨtɨpɨti, axɨkɨ tusiu aemo ta chɨsupapankapɨ.