1 Timoteo 2:1 - Manityanati Tupax

¹ Sukanañɨ aume, amea tyaku namanaiña, apachampienka ɨmoti Tupax tyaku namanaiña apanki pɨnanakiti aityusiankati ausukarɨ nipukɨruxti nauki asaratitɨtyo autaku.

Manitanati Tuparrü

¹ Suraboira nirracüpucu ümo bama icocoromati Jesús: Apean itacu namanaiña macrirrtianuca. Apanqui pünanaquiti Tuparrü, nauqui ayurati ümoma. Apachampienca ito ümoti itobo arrüna yayuracarrti ümoma.

1 Timoteo 2:1 교차 참조

Hechos 17:30

Axti Tupax champɨ nɨmoche uiti tɨkañe, axɨna chɨtusiupɨ ɨmo mañoñɨnka, tapɨ kaɨma bakɨpuruti ɨmo nanaiña iku axɨna kɨx nauki ayematɨ tato esati Tupax.

Romanos 1:8

Kusɨrɨbo ñachampienka ɨmoti Tupax, au nɨrixhti Yɨriabux Jesucristo autaku, tyopiki au nanaiña ipiatema axɨna apikokokati Tupax.

Romanos 6:17

Chapie ɨmoti Tupax, tɨkañe axaño kumanakax año ɨmo nomɨnantɨ, kaɨma chauki tapikokota axɨmanu uxia manunekatax aume.

1 Corintios 15:3

Kusɨrɨbo iñununekanaño axɨna urapoimia tɨkañe sukarɨñɨ, axti Cristo koiñoti nauki ane maximiakatax tato yotopiki axɨba nomɨnantɨ osoi, sane nantɨ iku Nikorox,

2 Corintios 8:6

Sane naukiche sukanasomɨ ɨmoti Tito asamuti nuxia aikianti abaxɨpekuki axɨmanio makumanataka axɨna tyone tɨkañe yachɨkoiti.

Efesios 3:13

Sane naukiche sukanañɨ aume apasamu nuxia tapɨ ausucheka ui axɨna nichakisɨrɨkɨ autopiki, tyopiki uixh yarusɨrɨx año.

Efesios 5:20

Taikiana apachampienka ɨmoti Tupax naki Uyaɨ ityobo nanaiña axɨna toxio oemo au nɨrixhti Yɨriabux Jesucristo.

Efesios 6:18

Tapɨ tochenko nameanka. Apanki pɨnanakiti Tupax asamuti nuxia, apisamuse ui noñemaxti Espíritu Santo. Amasankatɨ nuxia, tapɨ apiñokota axɨna abaka aɨbu. Axtɨ ameanka apanki tyakuma namanaiña axɨbama ikokoromati Tupax.

Filipenses 1:3

Taikiana ñachampienka ɨmoti Tupax axtɨ xhakionkañɨ abapa.

Filipenses 4:6

Tapɨ amonxɨka yubapa axɨba ausɨratai, apityusiankasio nanaiña sukarɨti Tupax auki nameanka. Apanki pɨnanakiti apachampienkaityo ɨmoti.

1 Tesalonicenses 3:12

Tari uiti Yɨriabux Jesús aukuasɨrɨka aumeampatoe, akuasɨrɨmaintyo aume namanaiña. Takana axɨna naukuasɨrɨkɨ suiñemo.

2 Tesalonicenses 1:3

Masarukityaiki, taikiana supachampienka ɨmoti Tupax autaku. Uxia axtɨ sane soboi, tyopiki axaño apikokokati nuxia Tupax aukuasɨrɨkaityo aumeampatoe.

1 Timoteo 2:4

Tyopiki xhanxti nauki namanaiña ataesɨbuma eanaki nomɨnantɨ nauki atusityo ɨmoma:

1 Timoteo 5:5

Axɨna biurax champɨti asarabotɨ tyaku, onkotɨ nuxia ɨmoti Tupax, mankio pɨnanakiti asaratitɨ tyaku au sapes takanaintyo au tobixh.

2 Timoteo 2:24

Axti naki baserebioti ɨmoti Tupax, chuxiampɨ asioti kuata chɨrɨri. Tari makumananaunxti aɨbu namanaiña. Tari aipiati anunekati, tapɨ bapatayotiatai aɨbu makiataka

Tito 2:11

Tyopiki ityusiankatati Tupax axɨna nipɨkɨruxti tyaku namanaiña mañoñɨnka ikuki axɨna kɨx.

Tito 3:2

Tapɨ manityanama axɨba chomixhampɨ kɨtɨpɨti kiatax, taikiana uxia uimia ɨmo makiataka tarukuityo nipukɨruxɨma tyaku makiataka, taikiana uxia au nausasɨxɨma aɨbu makiataka.

Hebreos 6:11

Suixhanka nauki axaño sɨsio año aɨbu narukux aume chepe nityakɨrux ñana, nauki apasuriu nanaiña axɨba omixhia chaɨbopɨ nauxianka apasuriu.

Santiago 5:16

Sane naukiche, aburasaño sukarɨti kiatax axɨba nomɨnantɨ aboi, amea autakuapatoe nauki uxia tato aume. Axɨna ñemanauntu neankaxti naki uxia nisɨborikixhti ane nɨriakax.