1 Timoteo 1:19 - Manityanati Tupax

¹⁹ Iyebo ñana obi takanati sortabox naki onkotitɨ nuxia ɨmoti Tupax naki champɨ tyopikiche chuxiampatai nuraxɨma ɨmoti.

Manitanati Tuparrü

¹⁹ Tapü aiñocota nacoconauncu ümoti Jesús. Asasai nurria, aisamuse arrüba omirria. Tapü pasabo tacana bama iñocotama ñacoconauncurrüma ümoti Jesús yotopiqui ba chomirriampatai isamutema, abu tusiatai ümoma que churriampü.

1 Timoteo 1:19 교차 참조

San Mateo 6:27

Axtɨ sane aboi, tarukapae namontarabeki, ¿kausane aboi nauki abaityuxɨki tamantai horax pɨrɨkɨ nosɨboriki?

1 Corintios 11:19

¡Ñemanauntu uxia axtɨ apiñakaño pese amopɨnanakiapatoe, sane atusi ñakusanema axɨbama ñemanauntu ikokoromati Jesús!

Gálatas 5:4

Axaño axɨbama auxianka uxia nausɨboriki au nastaxti Tupax isiuki axɨmanu bakɨpukux, apiñakaño pese pɨnanakiti Cristo. Chapasutiupɨ nipukɨruxti Tupax autaku.

1 Timoteo 1:5

Asamu nuxia iñemo aiñununekasama nauki ñemanaunkuxatoe akuasɨrɨma ɨmomantoe. Axɨbama champɨ kausane au nausasɨxɨma, axtɨ ñemanauntuityo ikokoromati Tupax, sane ñakumananaunkuxɨma.

1 Timoteo 3:9

Tari taikiana aikokoma nanaiña axɨba omixhia manityakax botoxio oemo uiti Tupax axɨba uikokokio, tari taikiana uxia ñapanaunkuxɨma.

1 Timoteo 6:12

Aiña nuxia takanati naki kupiusuti axti naki xhanxti akusɨrɨti aiñanainti tyakɨru taikiana besɨro nasɨboriki, ityobo toxio ñana aemo axɨna champɨ nityakɨru nasɨboriki. Axti Tupax ityasurutiyɨ auki ɨriotɨ tɨkañe uiti aemo naukiche sukarɨ namanaiña ukanɨ ta aikokokati.

1 Timoteo 6:21

Aboma axɨbama ikokotama axɨmanio manunekatax, iñokotama ñakokonaunkuxɨma Tari aukurusɨka uiti Yɨriabux. Amén.

1 Timoteo 6:9

Tapɨ axɨbama xhanxɨma ane tarukapae nenaxixhimia tapenekoma au nimetoxti chobores. Ane makokotox ɨmoma aisamunema axɨba chomixhampɨ ɨmo makiataka, sane mameso nanaiña nisɨborikixhimia.

2 Timoteo 2:18

sɨroma pese pɨnanaki axɨna ñemanauntu namatɨ ta tosɨborikia tato, aboma axɨbama chɨmastakaxɨpɨ ñakokonaunkuxɨma uimia.

2 Timoteo 4:4

Isunkutama nichakuxɨma ɨmo axɨna ñemanauntu, auki kaɨma ikokotama aruki nanaiñantai manityakaka.

Tito 1:9

Tapɨ ikokotati tapɨ manunekanatityo axɨna chiñemanauntupɨ nuraxti Tupax. Sane aisamunema makiataka isiukiti oboi axɨba ñemanauntu manunekatax yakɨna aikokoma axɨbama chikokotapɨma.

Hebreos 3:14

Tyopiki axoñɨ toxioityo ñana oemo axɨmanu toxiobo ɨmoti Cristo, axtɨ oñonkatɨ nuxia aɨbu narukux oemo chepe nityakɨrux takana aukiapae maɨbo.

1 Juan 2:19

Axɨmanuma chuxiampɨ uimia ɨmoti Cristo taikiana aiyoberabaramakɨ ochepe, ñemanauntu chɨtɨpɨ usarukimia. Tyopiki axtɨ ñemanauntupɨ tyonempɨma usarukityaiki sɨsiopɨma ochepe. Uxiante sane nauki atusi nuxia ta chɨnamanaiñampɨ tyonema axɨbama usarukityaiki.

Apocalipsis 3:10

Aikokota nixhakɨpuku, sane naukiche yasakatɨ atakukɨ axtɨ kuatɨ ñana axɨmanu makokotox ɨmo namanaiña axɨbama po'osoma iku axɨna kɨx.

Apocalipsis 3:3

Akionsɨ nanaiña axɨna asutiu axɨnaintyo onkoi. Aisamuse, auki ariaku tato esati Tupax. Axtɨ chasankapɨtɨ, isekatɨ ñana yasarɨ takanati naki kuatati akusɨpɨti, chɨtusiupɨ ñana aemo isane nanenes isetɨ yasarɨ.

Apocalipsis 3:8

Tusiu iñemo nanaiña axɨna aisamute. Asasatɨ, sɨro sobi akɨmenukɨ taman tyurux aurɨbo axɨna champɨti kiatax uiche aiñamati, ui axɨna charukupɨ nuxia aemo, aikokota nisura champɨityo axtɨ ukanɨ ta chasuputakapɨñɨ.