1 Tesalonicenses 3:3 - Manityanati Tupax

³ Tapɨ anati naki kiatax ñakionkoxti oboi axɨmanio ausɨratai chomixhampɨ. Tyopiki axaño tusiu aume ta oboi nanaiña axɨba sane utakisɨrɨka ñana.

Manitanati Tuparrü

³ Tapü apiñocota nurarrti Jesús ui arrüna tarucu nautaquisürücü, itopiqui tütusio aume, que cuantio aruqui nanaiñantai utaquisürücübo.

1 Tesalonicenses 3:3 교차 참조

Hechos 14:22

Au axɨmanio poka manityanama nuxia aɨbu axɨmanuma ikokoromati Jesús, makuansomokonoma ɨmoma tapɨ iñokotama ñakokonaunkuxɨma, namatɨ ɨmoma, nauki aye osoi esati Tupax taruku nutakisɨrɨkɨ ui axɨbama chuxiampɨ ɨmoma.

Romanos 5:3

Chityoneantaipɨ, upukɨnunkaityo oboi nutakisɨrɨkɨ. Tyopiki tusiu oemo ui axɨna nutakisɨrɨkɨ chuɨkapɨtɨ isiu kiatax mapanaunkux,

Hechos 9:16

tyopiki axɨñɨ ityusiankata sukarɨti taruku nityakisɨrɨkɨxti ñana ichopikiñɨ.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

1 Corintios 15:58

Sane naukiche, masarukityaiki apiña nuxia, tapɨ autapeneka au axɨna napakokonaunku abasikia aɨbu, tari tyone napachɨkoi apanunekai au nɨrixhti Yɨriabux Jesús. Tyopiki tusiu aume ta chɨmunataipɨ axɨna napaserebiki ɨmoti Yɨriabux.

Hechos 21:13

Aiñumuti Pablo: –¿Kausane abareoka axɨñɨ isucheka aboi? Axɨñɨ champɨ ityopikiche iixhu, sane axtɨ ityomoenomañɨ saneityo axtɨ ityabairomañɨ au Jerusalén tyopikiti Yɨriabux Jesús.

1 Tesalonicenses 5:9

Tyopiki axti Tupax chityasurutipɨ oñɨ nauki basuriu nutakisɨrɨkɨ uiti, ta nauki ane maximiakatax oemo tyopikiti Yɨriabux Jesucristo.

1 Corintios 4:9

Kanapae axɨsomɨ axɨbama subaka isiuti Jesús, axti Tupax iñanati somɨ au nityakɨrux, takana axɨbama toxiobo ñana ɨmo nityakisɨrɨkɨxɨma. Axɨsomɨ takana nikupiurataxɨma iku axɨna kɨx ɨmoma axɨbama ángeles ɨmomaintyo mañoñɨnka.

1 Pedro 2:21

Ta ɨmo axɨna sane ityasuruti año Tupax, tyopiki axti Cristo takisɨrɨti tɨkañe otopiki, sane nauki apisamune isiukiti.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Efesios 3:13

Sane naukiche sukanañɨ aume apasamu nuxia tapɨ ausucheka ui axɨna nichakisɨrɨkɨ autopiki, tyopiki uixh yarusɨrɨx año.

Hechos 2:25

Nanti tɨkañe yɨriabux David kɨtɨpɨti Jesús: ‘Axɨñɨ taikiana yasarati Tupax sutakikiboñɨ. Axtɨ anati ichepeñɨ, champɨ ñɨnanache ixhu.

San Juan 16:2

Ipenenoma año ñana auki sinagoga, kuantionki ñana axɨmanio naneneka, axtɨ anati naki ityabairoti año au ñakionkoxti baserebioti ɨmoti Tupax.

San Lucas 21:12

“Kɨmenu nanaiña axɨna sane, axaño ñana mamuturuma aukɨtɨpɨ axaño aupesɨbuka ñana ñɨnanama. Sɨromatɨ aupu nauki autoxikia ɨmo nɨriakax uimia ubau sinagogas, amamakapo ñana uimia amekatityo uimia esa mayɨriabuka ichopikiñɨ.

2 Timoteo 1:8

Sane naukiche, tapɨ akɨsoka uraboi nɨrixhti naki Yɨriabux oemo. Tapɨ akɨsokaityo chopikiñɨ, axɨna yaka auna amanañɨmpo tyopikiti. Ta asusiu natakisɨrɨkɨ yotopiki axɨba omixhia manityakax ui noñemaxti Tupax.

2 Tesalonicenses 1:4

Sane naukiche taruku suipukɨnunku axtɨ supanityaka aukɨtɨpɨ sukarɨ makiataka axɨbama ikokoromati Jesús. Tyopiki axtɨ chuxiampatai uimia aume, axaño sɨsio año aɨbu narukux aume takanaintyo napakokonaunku ɨmoti Tupax.

Apocalipsis 2:13

Tusiu iñemo axɨkɨ poosokɨ kauta ane yarusɨrɨx nɨriakaxti chobores. Tapɨ axɨkɨ chaiñokotapɨ nisuasɨrɨkɨ aemo. Chaiñokotapityo nakokonaunku iñemo, chɨkiataxɨpɨ nakionko naukiche ityabairomati Antípas au axɨmanio poka kauta po'osoti chobores, naki ityusiankatati ta onkotitɨ nantax iñemo.

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.

Filipenses 1:28

tapɨ aupixhuka ñɨnana axɨbama tɨborikomantai aume. Axtɨ apiñata nuxia, amastai ñana au nityakɨrux iñaxioma tatityo, tapɨ axaño ane maximiakatax aume, tyopiki sane nixhankaxti Tupax.

Hechos 21:11

Naukiche iñataiti sobesa ityomoentati ne'esti yochepe nipopesti ui nipoñoentoxti Pablo, auki nanti: –Sane nanti Espíritu Santo, au Jerusalén axɨbama judíos ityomoenomati maniki esache axɨna poñoentox, auki toxioti uimia ɨmo axɨmanuma auki kiatax kɨx.