1 Pedro 5:14 - Manityanati Tupax

¹⁴ Apanki nuxia aumeampatoe aɨbu napatañumeki tyopiki aubaruki año. Taikiana uxia aboi aumeampatoe, axɨbama apikokokati Cristo.

Manitanati Tuparrü

¹⁴ Apanqui nurria aumeampatoe aübu napatañumequi au nürirrti Jesucristo. Taiquiana urria nabaca namanaiña arraño bama icocoromati Cristo.

1 Pedro 5:14 교차 참조

San Mateo 5:47

Axtɨ apankikia nuxia ɨmo axɨbamantai abarukityaiki, ¿isane axɨna uxia apisamute? Tyopiki axɨbama chɨriopɨma saneityo isamutema.

San Juan 14:27

“Onkono sobi aume axɨna uxia. Toxio sobi aume axɨna uxia, tyopiki chisiupɨ takana nixhankaxɨma axɨbama ikuki axɨna kɨx. Tapɨ ausucheka tapɨ aupixhukaityo.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

San Juan 20:19

Naukiche tɨtobikia au axɨmanu nanenes tominko, axɨmanuma amonkoma isiuti Jesús iyoberabaramakɨ au taman pox. Amonkio tyuruka umamana nuxia uimia ui nixhukuxɨma ñɨnanama axɨmanuma ɨriatuma axɨmanuma judíos. Sɨrotitɨpo Jesús axɨpekuma, atɨraiti kɨmuintya axɨpekuma, mankioti nuxia ɨmoma, nanti: –¡Taikiana uxia aboi aumeampatoe!

San Juan 20:26

Yopɨrɨkɨ ocho naneneka, axɨmanuma amonkoma isiuti oberabarama tatityo au axɨmanu pox, auki anankati Tyomanxi ichepema. Amonkio tyuruka umamana uimia, auki sɨrotitɨpo Jesús, sɨroti kɨmuintya axɨpekuma auki mankioti ɨmoma, nanti: –¡Taikiana uxia aboi aumeampatoe!

Romanos 1:7

Namanaiña axɨbama po'osoma au Roma, taruku naukuasɨrɨkɨ ɨmoti Tupax batasukuxtyo aume apipesɨnaka nausɨboriki. Tari uiti Tupax naki Uyaɨ, axtityo Jesucristo aukurusɨka uimia taikianaintyo aixhimiakama nomɨnantɨ aboi aumeampatoe.

Romanos 16:16

Apanki aumeampatoe aɨbu napatañumeki. Namanaiña axɨbama ikokoromati Cristo aukina ñakionkoxɨma tanu aume.

Romanos 8:1

Sane kaɨma, champɨki tyakuche atoximia ɨmo nityakisɨrɨkɨxɨma axɨbama aboma ichepeti Jesucristo,

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

1 Corintios 16:20

Apasusiu ñakionkoxɨma namanaiña axɨbama usarukityaiki. Apanki nuxia aɨbu napatañumeki aumeampatoe au nɨrixhti Yɨriabux Jesús.

2 Corintios 13:12

Apanki nuxia aumeampatoe aɨbu napatañumeki aumeampatoe au nɨrixhti Tupax. Namanaiña axɨbama ikokoromati Jesús ñakionkoxɨma tanu aume.

2 Corintios 5:17

Saneityo axtɨ anati naki anati aɨbuti Cristo tyonenti naki aɨbo nisunaunxti. Axɨba tɨnanankax chauki tomenotɨ. Nanaiña opisamunaño iyebo tato.

Efesios 6:23

Axti Tupax naki Uyaɨ axtityo Yɨriabux Jesucristo, tari ityoximianama ɨmoma axɨbama usarukityaiki ñakumananaunkuxɨma nauki uxia aboi aumeampatoe aɨbu napakokonaunku.

1 Tesalonicenses 5:26

Apanki nuxia ɨmo namanaiña axɨbama usarukityaiki aɨbu napatañumeki aumeampatoe.

1 Pedro 1:2

axɨbama samamekanama tɨkañe uiti Tupax naki Uyaɨ tyopiki sane nixhankaxti. Ui noñemaxti Espíritu Santo aukurusɨka uiti nauki apikoko nuraxti anentyo maximiakatax aume ui notoxti Jesucristo. Apasusiu taruku nipukɨruxti Tupax autaku taikianaintyo uxia uiti aume.

3 Juan 1:14

tyopiki ixhanka konto yɨrotɨ tanu yasarɨ, auki kaɨma baparikia oemoantoe.