1 Pedro 4:10 - Manityanati Tupax

¹⁰ Taikianati taman isiuki axɨna enaunku atoxi ɨmoti uiti Tupax, amasasatɨ tyaku makiataka ui axɨna toxio aume.

Manitanati Tuparrü

¹⁰ Torrio uiti Tuparrü aruqui nanaiñantai abüriacabo y apipiacabo ümo cadati taman. Apaserebi aübu manu nüriacarrü torrio uiti Tuparrü, sane nauqui urria nabaca namanaiña año. Sane caüma urria napachücoi aübu arrüba ñacumanatarrti Tuparrü aume.

1 Pedro 4:10 교차 참조

San Mateo 20:28

Tyopiki, sanentityo Aɨtoxti ñoñɨnx, chɨkuatatipɨ nauki aserebimia ɨmoti, ta kuatati nauki aserebiti nauki aityoximiatityo nisɨborikixhti ityoboma axɨbama taruku nububikixhimia.

San Mateo 24:14

Axɨba omixha manityakax kɨtɨpɨ nɨriakax au napes tusiankana ñana sukarɨ namanaiña iku axɨna kɨx, nauki namanaiña mañoñɨnka asuputanema. Auki ñana iñatai nityakɨrux.

San Mateo 24:21

Tyopiki ane ñana taruku takisɨrɨkɨx axɨna champɨ tɨtane auki maɨbo uxiane axɨna kɨx champɨityo ñana kiatax.

San Mateo 24:45

“¿Ñakuti kumanakax makokonaunxti tarukuityo ñapanaunkuxti, axti naki mekuche onkonoma namanaiña axɨbama aboma au nipoxti naki ɨmoche aserebiti, nauki asapati ɨmoma naneneka?

San Mateo 25:17

Saneityo, uiti maniki toxio ɨmoti dos mil makananati pikiataka dos mil.

San Mateo 25:44

Axɨma kaɨma ñankitioma pɨnanakiti: ‘Yɨriabux, ¿kautapɨ tɨsumasakɨ akɨrɨpɨka, atosɨka, amenkatai, champɨityo naibi, aunxokoka, amanakɨpo, champɨ isane sopisamute atakukɨ?’

San Marcos 10:45

Tyopiki axtityo Aɨtoxti noñɨnx chɨkuatatipɨ nauki aisamunema nanaiña ɨmoti, ta nauki aisamunenti nanaiña aityoximiatityo nisɨborikixhti ityaku namanaiña.

San Lucas 12:42

Nanti Yɨriabux: “¿Ñakuti naki kiapatax taruku ñakokonaunkuxti astayotitɨ nuxia, axti naki mekuche onkonoma namanaiña axɨbama aboma au nipoxti naki ɨmoche aserebiti, nauki acheti utuburiboma naneneka?

San Lucas 19:13

Naukiche tɨsaimia niyɨkɨxti, batasuruti ɨmo axɨbama diez nikumanakataxti, aityoximiati taikiana ɨmoti taman chama monixh auki nanti ɨmoma: ‘Apapache apachɨkoboibo aɨbu nimoni chepe axtɨ isekatɨ tato.’

San Lucas 8:3

Anankaityo Kuanax, nikɨpostoti Cuza, naki asaratitɨ yutaku nenaxixhti Herodes. Anankaityo Susana. Sɨrɨmanaintyo pikiataka axɨba opityoximiata ɨmoti axɨna ane oboi.

Romanos 15:25

Tapɨ kaɨma yɨkatɨ au Jerusalén, nauki yasarama axɨbama ikokoromati Jesús ta'a.

Romanos 15:27

Isamutema sane auki noñemaxɨmantoe, tyopiki ñemanauntu axɨma tyone yachɨkoboiboma aisamunema, tyopiki sane takana axɨbama judíos ikokoromati Tupax chepesɨro uimia nenaxixhimia auki napes aɨbuma axɨbama chɨtɨpɨ judíos, anentyo uimia aɨbu nenaxixhimia ikuki axɨna kɨx aɨbuma axɨbama judíos ikokoromati Tupax.

1 Corintios 15:10

Ui nipukɨruxti Tupax chakuñɨ sane axɨna niyaka. Axɨmanu nipukɨruxti saɨbuñɨ chɨmunataipɨ, axɨñɨ sɨrɨmana axɨba niyachɨkoi omixhante sobi pɨnanakimia. Chɨsobiatoipɨ ta ui noñemaxti Tupax.

1 Corintios 3:10

Axɨñɨ tyonenti naki ipiakati nuxia asamuti pox, ui noñemaxti Tupax toxio iñemo isamune axɨna nityɨmox, uiti kiatax aiñatɨnakati onɨ axɨmanu pox. Taikianati taman tari asaraiti nuxia kausane ñatɨnakakaxti,

1 Corintios 4:7

¿Ñakuti uiche yarusɨrɨxɨkɨ pɨnanaki makiataka? Nanaiña axɨba nenaxi uiti Tupax aityoximiati aemo. Axtɨ uiti aityoximiati aemo, ¿kausane onkatɨ aemoantoe, takana axtɨ obiatoe ane nenaxi?

2 Corintios 6:1

Sane kaɨma, tyopiki kumanakax somɨ ɨmoti Tupax, sukanasomɨ aume apasamu nuxia suiñemo apasusiu axɨna nipukɨruxti Tupax autaku.

2 Corintios 9:1

Champɨki nɨmoche yasikia xhakonomo aume yokɨtɨpɨ axɨmanio napakumanata ɨmoma axɨbama usarukityaiki ikokoromati Jesús,

Efesios 3:8

Axɨñɨ simiamañɨantai pɨnanaki namanaiña axɨbama ikokoromati Tupax. Samamekanañɨ uiti nauki suraboi sukarɨma axɨbama chɨtɨpɨ judíos axɨba omixhia manityakax axɨna ñakunusɨankakaxti Cristo, axɨba champɨti uiche aipiakɨmunkuti.

Efesios 4:11

Tyonenti naki uiche aboma axɨbama toxio ɨmoma aɨromatɨ isiuti Jesús. Makiataka, anityama ui noñemaxti Tupax, makiataka uraboimia axɨba omixhia nuraxti Jesús, makiataka nauki asaramatɨ tyaku namanaiña makiataka nauki anunekama.

2 Timoteo 1:18

Tari axti Yɨriabux Jesús apukɨruti tyakuti au axɨmanu nanenes ñana. Axɨkɨ tɨtusiu nuxia aemo asaratitɨ utaku naukiche ananka oñɨ au Éfeso.

Tito 1:7

Axti yɨriabux ɨmoma axɨbama ikokoromati Jesús tyonenti naki asarabotɨ yutaku nuraxti Tupax, sane naukiche tari champɨ urapoboiboma kɨtɨpɨti. Taikiana uxia nisɨborikixhti aɨbu makiataka, tapɨ naki chabo'ox, tapɨ naki uxia ɨmoti chɨrɨri, tapɨ naki xhanxti enaxioti auki naka makiataka.

Hebreos 6:10

Tyopiki axti Tupax uxia ñapanaunkuxti chɨtakɨrusupɨ ñana ñakionkoxti iyo axɨna apisamute tyakuma axɨbama ikokoromati. Ui axɨna sane napachɨkoi apityusiankata ta kuasɨrɨti Tupax aume.

1 Pedro 5:10

Axtɨ tautakisɨrɨka ñome mantukubatai naneneka, uiti Tupax ane maximiakatax aume, apiña nuxia narukux aume. Tyonenti Tupax ui yarusɨrɨx ñakumananaunkuxti ityasuruti oñɨ basuriu axɨmanu champɨ nityakɨru nanentakax esati chepeti Jesucristo.

1 Pedro 5:12

Axti Silvano, tyonenti makonomonoti chepeñɨ axɨna nixhakonomoso aume. Tusiu iñemo ta ikokoroti Cristo. Xhakonomoka nauki xhanuneka aume suraboityo ausukarɨ ta nanaiña axɨba omixhia botoxio aume uiti Tupax uixh atusi ta taruku naukuasɨrɨkɨ ɨmoti. Apikoko ta aukuasɨrɨka ɨmoti Tupax.