1 Pedro 3:8 - Manityanati Tupax

⁸ Au nityakɨrux, namanaiña taikiana uxia aboi aumeampatoe, aukuasɨrɨtyo aumeampatoe. Taikiana chepe napakionko ɨmo namanaiña. Taikiana uxia nausɨboriki aɨbu namanaiña.

Manitanati Tuparrü

⁸ Sucanañü tatito aume namanaiña: Tari tamanacarrtai napapensaca. Aupucüru itacuti quiatarrü. Aucuasürü aumeampatoe tacana ñemanauncurratoe masaruquitaiqui. Tari buenurraño aübuti quiatarrü, apichimiancasaño isucarüti.

1 Pedro 3:8 교차 참조

San Mateo 18:33

Sanempityo obi apukɨru tyakuti maniki kiatax, takana axɨñɨ ipukɨruka atakukɨ.’

San Lucas 10:33

Tapɨti maniki ñoñɨnx auki Samaria sɨrotitityo isiuki axɨmanu kutubiux, naukiche asaratitɨ ɨmoti, pukɨrusuti tyakuti.

Hechos 2:1

Naukiche iñatai axɨmanu nanenes Pentecostés, axɨmanuma amonkoma isiuti Jesús chepe nakaxɨma au taman pox.

Hechos 27:3

Au kiatax nanenes sopiñatai au axɨmanu kauta patochenko axɨmanio canoa au Sidón, axti Julio uxia au nausasɨxti chebo uiti ɨmoti Pablo nauki aɨrotitɨ esa axɨmanuma ityurapataxti nauki asaparamati.

Hechos 28:7

Saimiantai akamanu ane taman ñanaunx nesaxti maniki yɨriabuxti au axɨmanu kɨx Malta, nɨrixhti Publio, yasaparati somɨ ñome trex naneneka.

Hechos 4:32

Namanaiña axɨmanuma ikokoromati Jesús, chepatai naka ñakionkoxɨma aɨbumantoe. Champɨti naki nanti axɨba nenaxixhti ta ɨmotiatai, nanaiña nenaxixhimia sɨro uimia ɨmo namanaiña.

Romanos 12:10

Tari taruku naukuasɨrɨkɨ aumeampatoe, takana nikuasɨrɨkɨxɨma aume axɨbama aubarukiapatoe, au nanaiña nausɨboriki tari kusɨrɨboma aboi makiataka apanauntyo aumeampatoe.

Romanos 15:5

Uiti Tupax, taikiana uxia napakionko tari uiti taikiana uxia nausɨboriki abaxɨpekuapatoe, takana nisɨborikixhti Jesucristo tɨkañe,

1 Corintios 1:10

Masarukityaiki, au nɨrixhti Yɨriabux Jesucristo sukanañɨ aume apasamu nuxia iñemo taikiana chepe napakionko aumeampatoe tapɨ apiñakaño peese amopɨnanakiapatoe, tari taikiana uxia aboi aumeampatoe, apisamuse chepe napakionko aɨbu makiataka.

1 Corintios 12:26

Axtɨ ane taman nenaxi nokɨtɨpɨ takisɨrɨ, saneityo pikiataka butakisɨrɨ. Axtɨ taman nenaxi nokɨtɨpɨ tyoneantai kuasɨrɨ, nanaiña axɨba pikiataka mupukɨnuña ichepe.

Efesios 4:2

Tapɨ amonkatɨapae aumeampatoe, tari taruku napakumananaunku. Tapɨ apapataikiatai aɨbu makiataka, aɨbu napakumananaunku amasasatɨ autakuapatoe.

Efesios 4:31

Apiñoko nausucheki chepe nautɨbori. Tapɨ aburatokikia ɨmo makiataka. Tapɨ abasikia apisamune axɨba chomixhampɨ.

Efesios 4:32

Taikiana uxia aboi aupuapatoe, apixhimiaka axɨba chomixhampɨ aboi aumeampatoe, takanati Tupax xhimiakana tato uiti nomɨnantɨ aboi tyopikiti Cristo.

Filipenses 2:3

Tapɨ ane isane apisamute tyopiki chuxiampɨ aboi ɨmo makiataka o tyopiki au napakionko champɨti kiatax amopɨrɨkɨ. Tapɨ sane aboi, amasasatɨ ɨmo makiataka takana axtɨ taruku nipiakaxɨma amopɨnanaki.

Filipenses 3:16

Sane naukiche, uisamunena nosɨboriki besɨro isiuki axɨna tiyebo osoi.

Colosenses 3:12

Taruku naukuasɨrɨkɨ ɨmoti Tupax, uiti samamekana año nauki sane kaɨma aɨtoxti año. Sane naukiche apiña nuxia nauki uxia nausɨboriki, tari akuasɨrɨma aume makiataka, apakumananau, aupukɨru tyaku makiataka, apasamunau aɨbu makiataka.

Hebreos 13:1

Taikiana taruku naukuasɨrɨkɨ aumeampatoe takana axɨbama aubarukiapatoe.

Santiago 2:13

Tyopiki axti Tupax chɨpukɨrusutipɨ ñana tyakuma axɨbama chipukɨrusupɨma tyaku makiataka. Tapɨ axɨbama pukɨrusuma tyakuma makiataka, axtityo Tupax pukɨrusuti tyakuma ñana.

Santiago 3:17

Tapɨ axɨbama ane uimia ñapanaunkuxti Tupax, chisamutempɨma axɨna chuxiampɨ ta yapachetioma uxia uimia ɨmomantoe, makokonaunxɨma, taruku ñakumananaunkuxɨma aɨbu makiataka. Taruku nipukɨruxɨma tyaku axɨbama takisɨrɨma, taikiana besɨro nisɨborikixhimia isamutema axɨna uia.

Santiago 5:11

Axɨsomɨ sumastai taruku nipukɨnunkuxɨma axɨbama takisɨrɨma aɨbu narukux ɨmoma. Axaño apakionkaño ɨmoti Job tɨkañe, iñatati nuxia narukux ɨmoti naukiche takisɨrɨti, tusiuityo aume kausane yachɨkoiti Tupax au nityakɨrux aɨbuti, tyopiki axti Tupax taruku nipukɨruxti.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Pedro 2:17

Apiña napanaunku ɨmo namanaiña. Tari akuasɨrɨma aume axɨbama ikokoromati Jesús, apanau ɨmoti Tupax, apiñaintyo napanaunku ɨmoti yɨriabux auki Roma.

1 Pedro 5:5

Saneityo axaño mayaɨka, apakokonau ɨmo nɨriakaxɨma axɨbama mayɨriabuka aume. Namanaiña apakokonau aumeampatoe aɨbu naupukɨnunku. Tyopiki nantɨ sane iku Nikorox: “Chuxiampɨ ɨmoti Tupax axɨbama au ñakionkoxɨma champɨti kiatax ipiakati pɨrɨkɨma, ta asaratitɨ aɨbu nipukɨruxti tyakuma axɨbama takisɨrɨma.”

2 Pedro 1:7

tari akuasɨrɨma aume axɨbama aubarukityaiki au nɨrixhti Cristo, yopɨrɨkɨ nanaiña tari chepe nikuasɨrɨkɨxɨma aume namanaiña.

1 Juan 3:14

Axoñɨ auki nokonko uɨkatɨ ɨmo nosɨboriki, tusiu nuxia oemo tyopiki kuasɨrɨma oemo axɨbama usarukityaiki. Axti naki chɨmakumananauntipɨ ta takana axtɨ tɨkoiñoti.