1 Pedro 3:20 - Manityanati Tupax

²⁰ Tyonema axɨbama chɨmakokonaunxɨpɨma ɨmoti Tupax tɨkañe, au axɨmanio naneneka tɨkañe naukiche sɨborikotiki Noé, naukiche axti Tupax pukɨrusutiki tyakuma naukiche amonkoma isamutema axɨmanu canoa, akamanu añekanama ocho nubukixhimia ui tux.

Manitanati Tuparrü

²⁰ Tonema bama chümacoconaunrrüpüma ümoti Tuparrü tücañe au nitiemporrti Noé. Au manu tiemporrü tücañe masamuñati Tuparrü aübuma, barrüperaratiqui aübu carrticurrü ümoma, numo isamutenti Noé manu barco. Pero au nitacürurrü bacheboti carrticurrü. Ochoatai macrirrtianuca taesüburuma tücañe au manu barco. Sürotü manu barco isu turrü aübuma. (Tapü arrübama maquiataca ubacarama.)

1 Pedro 3:20 교차 참조

San Mateo 7:14

Tapɨ axɨmanu tyurux ichepe axɨmanu kutubiux axɨba omenotɨ usaɨbu kauta ane osɨborikibo mutunumusiña, mɨmanamantai axɨbama tabɨko uimia.

San Lucas 12:32

“Tapɨ aupixhuka, niyabu nobixhaka. Mɨmanantai año, tapɨti Uyaɨ, auki nipukɨruxti, toxio uiti aume nɨriakaxti.

Hechos 2:41

Au axɨmanu nanenes, saimia ɨmo trex mil nububikixhimia ikokotama axɨna ñanunekakaxti Peru. Naukiche ɨrioma ui axɨmanuma amonkoma isiuti Jesús, namanaiña sɨromatɨ isiuma.

Romanos 9:22

Axti Tupax, ui nixhankaxti aityusiankati nityɨborixhti sane aityusiankatityo nɨriakaxti, chɨkontopɨ atɨboriti ɨmoma axɨmanuma koñotɨ ɨmoma atakisɨrɨma tyopiki chuxiampɨ nisɨborikixhimia.

Efesios 5:26

Isamutenti sane nauki tapɨ ane nomɨnantɨ osoi, ikiaɨbutati nomɨnantɨ osoi ui tux oboityo nuraxti.

Hebreos 11:7

Axti Noé onkotitɨ nuxia tɨkañe ɨmoti Tupax, sane naukiche ikokotati axɨmanu urapoiti Tupax sukarɨti ta kuantionki axɨba champɨ tɨmutusiankana, auki masamunuti taman sɨrɨmanax canoa nauki añekama namanaiña axɨmanuma aɨbosixhti ui axɨna ikokoroti Tupax, ui axɨmanu sane ñakokonaukuxti, axti Noé astaiti axɨna uxia takanaintyo axɨna chuxiampɨ isamutema makiataka toxio ɨmoti uxia ñapanaunkubuti tyopiki ikokoroti Tupax.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Pedro 1:9

tyopiki tapiñatai tyakɨru axɨna napakokonaunku, tyone axɨna maximikatax aume.

1 Pedro 2:25

Tɨkañe axaño amamenka takana axobe nobixhaka bokɨsebo, tapɨ kaɨma abekatɨ tato esati Cristo, tyonenti takanati naki asaratitɨ autaku ta okɨmanatityo autaku.

1 Pedro 3:19

sane yebotitɨ uraboiti nisɨborikixhti tato sukarɨ nausɨpɨxɨma axɨbama tɨkoiñoma aboma amanamampo.

1 Pedro 4:19

Sane naukiche axɨbama takisɨrɨma tyopiki sane nixhankaxti Tupax, tari aiñama nausɨpɨxɨma mekuti Tupax naki isamukuche, tyopiki isamutenti nanaiña axɨna ɨriotɨ uiti.

2 Pedro 2:5

Champɨityo axtɨ añekanama uiti Tupax axɨmanuma kusɨnɨtañama tɨkañe, ta bakɨpuruti tarukapae tax onɨma axɨmanuma mañoñɨnka chuxiampɨ nisɨborikixhimia, axtiatai Noé añekanati, naki besɨro nisɨborikixhti, chepeti añekanamaintyo siete nububikixhimia.

2 Pedro 3:15

Apakionsaño axti Yɨriabux Jesucristo oemo ui nipukɨruxti ane maximiakatax oemo. Axti usaruki Pablo makonomonotityo aume yokɨtɨpɨ axɨba sane, tyonenti Tupax naki uiche aiñununekanati.