1 Pedro 2:4 - Manityanati Tupax

⁴ Ausiapatate, esati Yɨriabux Jesús, tyonenti axɨmanu kanx sɨboriko axɨna yarutaɨbutama mañoñɨnka, tapɨ ɨmoti Tupax tyone axɨmanu kanx samamekana tarukapae nikuax.

Manitanati Tuparrü

⁴ Ausiapata te esati. Arrti tacana manu taman canrrü arrüna süborico. Arrübama macrirrtianuca ñaquioncorrüma churriampü manu canrrü, abu ümoti Tuparrü urria, tarucu nicuasürücürrü. Baserebio tacana itümobo porrü.

1 Pedro 2:4 교차 참조

San Mateo 11:28

Ausiapata tauna yesañɨ namanaiña axɨbama batachebo ui yachɨkoimia kianaintyo nikiakaxɨma, sobi tochenkoma.

San Mateo 12:18

“Auna nakaxti isumanakata, tyonenti naki samamekanati sobi, taruku nikuaxti iñemo, naki uiche taruku nipukɨnunku. Iñana kɨtɨpɨti niyesa Espíritu, urapoiti ñana axɨna uxia mapanaunkux ɨmo namanaiña iku axɨna kɨx.

San Mateo 21:42

Auki nanti Jesús ɨmoma: –¿Chamastaipɨ yuku Nikorox? Monantɨ sane: ‘Axɨna kanx yarutaɨbutama axɨbama masamunuma poka tyone axɨna kanx taruku nɨmoche. Axɨna sane isamutenti Yɨriabux, uixh taruku nupukɨnunku.’

San Juan 14:19

Tɨsaimia ñana nanenes auche axɨbama ikuki axɨna kɨx chasarapɨmañɨ, tapɨ axaño amasakañɨ. Tyopiki axtɨ isonka axɨñɨ isɨborikia tato, sobi ñana ausɨborikiaityo tato.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

San Juan 5:26

Sane takanati Iyaɨ ane nisɨborikixhti uitiatoe, saneityo isamutenti nauki axti Aɨtoxti anentyo nisɨborikixhti uitiatoe,

San Juan 5:40

axaño chauxiankapɨ abetɨ yesañɨ nauki aye aboi axɨmanu ausɨborikibo.

San Juan 6:37

Namanaiña axɨbama toxioma iñemo uiti Iyaɨ, kuamatɨ yesañɨ. Axɨbama kuamatɨ yesañɨ, chɨsɨropɨma ñana sobi tyɨrɨpo.

San Juan 6:57

Sanentityo Iyaɨ, naki uiche aikɨpuruñɨ, ane nisɨborikixhti, axɨñɨ isɨborikia uiti. Sanentityo naki basoti nisɨtɨpɨ, sɨborikoti auki niyaka.

Romanos 5:10

Tyopiki axti Tupax naukiche tɨkañe chiyaupɨ nomɨnantɨ osoi ɨmoti, ane maximiakatax uiti oemo ityopiki nikonkoxti Aɨtoxti, sane naukiche uxia uiti Tupax oemo ityopiki nisɨborikixhti.

1 Corintios 3:11

champɨti uiche aiñanti kiatax nityɨmox pɨnanaki axɨna tɨsɨro, axɨna ta tyonenti Jesucristo.

Colosenses 3:4

Axti Cristo tyonenti axɨna nausɨboriki. Axtɨ kuatati tato ñana, axañointyo abaka ñana chepeti nauki aupukɨnuintyo ui nanentakaxti.

1 Pedro 1:19

ta ui notoxti Cristo, tyone makumanatax takana nobixhax axɨna champɨ kausane nakax.

1 Pedro 1:7

Tyopiki axɨna apikokokati Tupax tyone takana oro: axɨna uiche atusi axtɨ uxia chɨrɨriko ui pes, axɨmanu makokonaunkux chɨtapenekopɨ oboi makokotoka, taruku nikuax pɨnanaki axɨmanu oro, axɨna mameso ñana. Sane axtɨ tɨkuatati tato Jesucristo, uxia ñana nuraxti kɨtɨpɨ axɨna napakokonaunku ɨmoti Tupax, tyopiki taman makokonaunkux axtɨ chɨtapenekopɨ ui makokotox koñotɨ uxia manityakax kɨtɨpɨ.

1 Pedro 2:7

Axaño axɨbama apikokokata, axɨmanu kanx taruku nikuax. Tapɨ axɨbama chikokotapɨma isamutema takana nantɨ iku Nikorox: “Axɨmanu kanx yarutaɨbutama axɨbama masamunuma poka, tyone axɨna kanx taruku nɨmoche.”

2 Pedro 1:1

Axɨñɨ Simón Peru yaserebikia ɨmoti Jesucristo anankañɨntyo isiuti, nixhakionko tanu ɨmoma axɨbama ikokoromati Jesús takana axɨsomɨ, tyopiki axti naki Tupax oemo chepeti Jesucristo uxia ñapanaunkuxti.

2 Pedro 1:4

Oboi axɨba sane botoxio uiti Tupax oemo axɨmanio ɨriotɨ uiti, axɨba taruku niyubarusɨrɨkɨx tarukuityo niyukuax, nauki yotopiki aye aboi apasuriu nausɨboriki takana nisɨborikixhti Tupax nauki amañekaka ñomɨnana axɨba nomɨnantɨ ikuki axɨna kɨx.