1 Pedro 2:17 - Manityanati Tupax

¹⁷ Apiña napanaunku ɨmo namanaiña. Tari akuasɨrɨma aume axɨbama ikokoromati Jesús, apanau ɨmoti Tupax, apiñaintyo napanaunku ɨmoti yɨriabux auki Roma.

Manitanati Tuparrü

¹⁷ Apavivi aübu napanauncu ümo namanaiña macrirrtianuca, y ümotito yarusürürrü yüriaburrü César. Tari cuasürüma aume bama aubaruquitaiqui au nürirrti Jesús. Apiñanaunrrti Tuparrü.

1 Pedro 2:17 교차 참조

San Mateo 22:21

Axɨma aiñumuma nuraxti: –Nisuxti emperador. Auki nanti Jesús ɨmoma: –Apityoximia ɨmoti emperador axɨna nenaxixhti emperador, tapɨ ɨmoti Tupax nenaxɨxhti Tupax.

San Juan 13:35

Axtɨ aukuasɨrɨka aumeampatoe, sane tusiu ɨmo makiataka ta axaño amonkaño isiuñɨ.

Romanos 12:10

Tari taruku naukuasɨrɨkɨ aumeampatoe, takana nikuasɨrɨkɨxɨma aume axɨbama aubarukiapatoe, au nanaiña nausɨboriki tari kusɨrɨboma aboi makiataka apanauntyo aumeampatoe.

Romanos 13:7

Apityoximia taikiana ɨmoti taman nanaiña axɨna toxiobo ɨmoti. Axtɨ anati naki ɨmoche auxianka apayura apityoximia ɨmoti, axtɨ anati naki ɨmoche apityoximia monixh apityoximia ɨmoti. Ɨmoti naki aukuasɨrɨka tari akuasɨrɨti aume, axti naki pukɨrusuti autaku aupukɨru tyakuti.

2 Corintios 7:1

Sanente, masarukityaiki, tyoneio axɨba ensɨmunu tɨkañe oemo. Sane naukiche uiñana oñɨ pese pɨnanaki nanaiña axɨba uiche aɨro nokɨtɨpɨ au nomɨnantɨ takanaintyo nuyausɨpɨ. Aɨbu numanaunku ɨmoti Tupax uisamunena nanaiña axɨna uxia nauki besɨro nosɨboriki.

Efesios 5:21

Axaño axɨbama apiñanaunkati Cristo, tari apakokonau aumeampatoe.

Filipenses 2:3

Tapɨ ane isane apisamute tyopiki chuxiampɨ aboi ɨmo makiataka o tyopiki au napakionko champɨti kiatax amopɨrɨkɨ. Tapɨ sane aboi, amasasatɨ ɨmo makiataka takana axtɨ taruku nipiakaxɨma amopɨnanaki.

1 Timoteo 6:1

Axɨbama baserebioma ɨmoti kiatax tari ane ñanaunkuxɨma ɨmoma axɨbama ɨmoche aserebimia, tapɨ anati naki chuxiampɨ nuraxti ɨmoti Tupax axɨbaityo manunekatax kɨtɨpɨti Cristo.

Hebreos 13:1

Taikiana taruku naukuasɨrɨkɨ aumeampatoe takana axɨbama aubarukiapatoe.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Pedro 2:13

Auki nakaxti Yɨriabux Jesús, apakokonau ɨmo namanaiña mayɨriabuka ikuki axɨna kɨx: takanaintyo ɨmoti yɨriabux auki Roma tyopiki tyonenti naki yarusɨrɨx nɨriakaxti,

1 Pedro 5:5

Saneityo axaño mayaɨka, apakokonau ɨmo nɨriakaxɨma axɨbama mayɨriabuka aume. Namanaiña apakokonau aumeampatoe aɨbu naupukɨnunku. Tyopiki nantɨ sane iku Nikorox: “Chuxiampɨ ɨmoti Tupax axɨbama au ñakionkoxɨma champɨti kiatax ipiakati pɨrɨkɨma, ta asaratitɨ aɨbu nipukɨruxti tyakuma axɨbama takisɨrɨma.”