1 Pedro 2:1 - Manityanati Tupax

¹ Sane naukiche, apikiaɨbu aukɨtɨpɨki nanaiña axɨba nomɨnantɨ, matachemakakax, axɨna chapisamutempɨ axɨna amukanaño, tapɨ abubatio nenaxi makiataka, tapɨ apanityaka axɨna chuxiampɨ kɨtɨpɨ makiataka.

Manitanati Tuparrü

¹ Sane nauquiche apiñoco arrüba aruqui nanaiñantai nomünantü, napencañaca, napapantu, nabubatio ümo nenarrirrti quiatarrü, y nanaiña napanitaca churriampü apüti quiatarrü.

1 Pedro 2:1 교차 참조

San Mateo 15:7

¡Axaño chapisamutempɨ axɨna amukanaño! Ñemanauntu nuraxti profeta Isaías tɨkañe aukɨtɨpɨ, naukiche nanti:

San Mateo 23:28

Sane nausɨboriki axaño: sukarɨ makiataka takana axtɨ champɨ kausane nausɨboriki, tapɨ au nautusi ataso ui axɨna amukanaño chapisamutempɨ uityo nomɨnantɨ.

San Mateo 24:51

auki toxio uiti ityakisɨrɨkɨboti, takana axɨbama chɨsamutempɨma axɨna nuraxɨma. Auki kaɨma kuantio nareokox ichepe suchekixh.

San Mateo 7:5

¡Axɨkɨ chaisamutempɨ axɨna ukanɨ!, kusɨrɨbo aikiaɨbu tyakɨx auki nasɨto, sane uxia nasata nauki aikiaɨbu axɨna chinxhixh ane au nisɨtoxti aruki.

San Marcos 12:15

Tapɨti Jesús, tɨtusiatai ɨmoti axɨna chuxiampɨ ñakionkoxɨma, nanti ɨmoma: –¿Kausane apiña napakokoto iñemo? Apikia tauna taman monixh denario, nauki yasarai.

San Lucas 11:44

“¡Autakisɨrɨkatai, axaño axɨbama takana nikɨ makoiñoka umanekana au nanentax, axɨbama ikɨmotema mañoñɨnka ityopiki chɨtusiupɨ ɨmoma!”

San Lucas 12:1

Akamanu iyoberabaramakɨ tarukapae nububikixhimia, ipenenomakɨ uixhimiantoe. Manunekanati Jesús, kusɨrɨbo ɨmo axɨbama nesaxti apóstoles: “Amasasai nuxia ñɨnana nesaxɨma levadura axɨbama fariseos, ñɨnana axɨna chuxiampɨ nisɨborikixhimia,

San Lucas 6:42

Axtɨ chɨtusiupɨ aemo ane soes au nasɨto, ¿kausane ukanɨ ɨmoti aruki: ‘Saruki, chebo obi ikiaɨbu chinxhixh auki nasɨto’? ¡Ñapanx!, akusɨrɨ aikiaɨbu soes auki nasɨto, sane kaɨma uxia nasata nauki aikiaɨbu chinxhixh auki nisɨtoxti aruki.

San Juan 1:47

Naukiche asaratitɨ Jesús kɨmenuti Natanael, nanti: –Kuatati tauna tyonenti naki ñemanauntu auki Israel, naki chipiakatipɨ apanti.

Romanos 1:29

Ane uimia aruki nanaiñantai axɨna chuxiampɨ nisɨborikixhimia sukarɨ makiataka, taruku nixhankaxɨma ɨmo monixh, champɨ uxia ɨmoma, ubatioma nenaxixhti kiatax, mayatabayoka, mañatachemakaka, manityanama mapankax kɨtɨpɨti kiatax.

1 Corintios 14:20

Masarukityaiki, tapɨ apiñata au napakionko takana axɨbama masiomankaiki. Apiña takana masiomanka ñome axɨba chomixhampɨ. Ta apiña nauyarusɨrɨkɨ ñome napapanaunku.

1 Corintios 5:8

Sane naukiche uisamunena nupukɨnunku aɨbu pan axɨna champɨ levadura eana, ta tyone axɨna besɨro numapanaunku, tapɨ aɨbu axɨmanu nanankax levadura tyone axɨna aruki nanaiñantai nomɨnantɨ.

2 Corintios 12:20

Tyopiki ixhuka axtɨ yɨkatɨ tanu yasaraño, chautabɨkapɨ sobi takana axɨna nixhanka, saneityo axaño chichabɨkapɨ aboi takana nauxianka. Ixhuka tapɨ chuxiampɨ aboi aumeampatoe, autɨborikiatai aumeampatoe, abubatio nenaxixhti kiatax, taikianati taman tyakutiatoe ñakionkoxti, chuxiampɨ napanityaka kɨtɨpɨti kiatax, abasikia aburapakai nisɨborikixhti kiatax, au napakiomko champɨti kiatax amopɨrɨkɨ, champɨityo nuxiantux abaxɨpeku.

Efesios 4:31

Apiñoko nausucheki chepe nautɨbori. Tapɨ aburatokikia ɨmo makiataka. Tapɨ abasikia apisamune axɨba chomixhampɨ.

1 Tesalonicenses 2:3

Naukiche supanunekaka aume, supanunekaka axɨna ñemanauntu chɨtɨpɨ aɨbu supatachemakaka.

1 Timoteo 3:11

Saneityo axɨba paɨka tari uxia niyosɨborikixh nauki makiataka ane ñanaunkuxɨma ñome, tapɨ ausɨrtai nuburax ñome pikiataka, tari opisamunena axɨba omixhia yupachɨkoi, tari apakokonau au nanaiña.

Tito 2:3

Saneityo, axɨba paɨka nɨriabuka paɨka taikiana uxia niyosɨborikixh, tapɨ panityanatai yokɨtɨpɨ pikiataka paɨka, tapɨ axɨba chabo'oka. Tari uxia niyosɨborikixh sukarɨ kupikikia

Hebreos 12:1

Sane naukiche, axoñɨ aboma auna uyaxɨpeku sɨrɨmanama axɨbama ityusiankatama ñakokonaunkuxɨma, sane naukiche uiñokoniona nanaiña axɨba uiche chichebopɨ nauki uikokoroti Tupax. Tyopiki axɨna nosɨboriki tyone takana barukux, tapɨ axɨna nomɨnantɨ tyone axɨna uiche chichebopɨ uxia barukux.

Santiago 1:21

Sane naukiche, tapɨ abasikia apisamune nomɨnantɨ, tyopiki tɨtarukapae nomɨnantɨ iku axɨna kɨx. Apasusiu axɨmanio omixhia manityakax sɨro au nabausasɨ. Tyopiki axɨmanu manityakax ane nɨriakax nauki aixhimiaka nomɨnantɨ aboi.

Santiago 3:14

Axtɨ axaño ui nauxianka ɨmo nenaxixhti kiatax autɨborikiatai aumeampatoe, auki apisamute nanaiña ui nautɨbori aumeampatoe, auki champɨ tyopokiche aupukɨnunka sane tompɨkana aboi axɨna ñemanauntu.

Santiago 4:11

Masarukityaiki, tapɨ apanityaka axɨna chuxiampɨ kɨtɨpɨ makiataka. Axti naki manityanati axɨna chuxiampɨ kɨtɨpɨti kiatax, chuxiampɨ nuraxti ɨmo axɨmanu bakɨpukux uiti Tupax, tapɨ chuxiampɨ napanityaka ɨmo.

Santiago 4:5

Sane naukiche nantɨ iku Nikorox: “Axti Tupax taruku nikuasɨrɨkɨ nuyausɨpɨ ɨmoti axɨmanu sɨro uiti okɨtɨpɨ.”

Santiago 5:9

Masarukityaiki, tapɨ aburakaño aboiyapatoe, nauki tapɨ ane manityomokotox aume uiti Tupax, tyopiki axti naki uiche asaraiti ñana nosɨboriki, tɨtanati abeu tyurux.

1 Pedro 2:16

Apisamuse nausɨboriki isiuki nauxiantɨmo, tyopiki axaño apaserebikia ɨmoti Tupax. Tapɨ amonkatɨapae ɨmo axɨna sane chebo aume nauki tyopiki kaɨma apisamute ausɨratai nomɨnantɨ.

1 Pedro 2:22

Axti Cristo champɨ nomɨnantɨ isamutenti tɨkañe champɨityo axtɨ matachemakanati ɨmo makiataka.

1 Pedro 3:10

Tyopiki sane nantɨ iku Nikorox: “Axɨbama kuasɨrɨ ɨmoma nisɨborikixhimia xhanxɨmaintyo taruku nipukɨnunkuxɨma au kuantionki naneneka, tari asaraimia nuxia tapɨ mapañama.

1 Pedro 4:2

nauki aisamunenti nisɨborikixhti isiuki noñemaxti Tupax tapɨ isamutenti isiuki axɨna nixhantɨmo nikɨtɨpɨxti.

1 Pedro 4:4

Tapɨ kaɨma, axɨna chapisamutenkipɨ chepema axɨna chuxiampɨ nisɨborikixhimia, axɨma kiatax ñakionkoxɨma sane naukiche chuxiampɨ nuraxɨma aume.

Apocalipsis 14:5

Tyopiki chɨmapañampɨma chisamutempɨmaintyo axɨna chuxiampɨ.