1 Pedro 1:6 - Manityanati Tupax

⁶ Sane naukiche axaño taruku naupukɨnunku, champɨ nɨmoche axtɨ ane makokotoka aume ñome mantukubatai naneneka.

Manitanati Tuparrü

^6-7 Ui arrüna sane amoncoi, tarucu naupucünuncu, abu autaquisürücaiqui baeta auna icu na cürrü. Pero cuantio aume macocotoca, nauqui atusi arrtü ñemanauncurratoe amoncatü ümoti Tuparrü, y apicococati. Nabaca tacana oro, arrüna süro oto pese nauqui atusi arrtü ñemanauncurratoe oro. Sane ito arraño. Tiene que abetü macocotoca aume, nauqui atusi arrtü urria napacoconauncu ümoti Tuparrü. Arrüna napacoconauncu ümoti manrrü valeo pünanaqui oro, itopiqui nicua oro chüruraupü. Sane caüma tarucu nipucünuncurrti Tuparrü aucuata au manu nanenese auche ñana cuati tato Jesucristo.

1 Pedro 1:6 교차 참조

San Mateo 11:28

Ausiapata tauna yesañɨ namanaiña axɨbama batachebo ui yachɨkoimia kianaintyo nikiakaxɨma, sobi tochenkoma.

San Mateo 26:37

Sɨromatɨ uiti axti Peru ichepe axɨmanuma toxɨma aɨtoxti Zebedeo, auki kaɨma kutarabekoti tarukuityo nisuchekixhti.

San Mateo 5:12

Aupukɨnu, nuxia, ityopiki toxio ñana aume yarusɨrɨx nikuax au napes. Saneityo uimia ɨmo axɨbama profetas kusɨrɨboma amopɨnanaki tɨkañe.

San Lucas 1:47

Pukɨnuña niyausɨpɨ aɨbu Nixhupu Tupax axɨna uiche ichaesɨbuka eanaki nomɨnantɨ.

San Lucas 10:20

Tapɨ aupukɨnunka ityopiki makokonauxɨma aume machoboreka, aupukɨnu ityopiki tɨkorobo nabɨri au napes.

San Lucas 2:10

Nanti maniki ángel ɨmoma: “Tapɨ aupixhuka, tyopiki kuatɨ sobi axɨna uxia manityakax, axɨna uiche taruku nipukɨnunku namanaiña:

San Juan 16:22

Saneityo axaño, autakisɨrɨka kaɨma ui nausucheki. Axɨñɨ isekatɨ tato ñana yasaraño, auki ñana taruku naupukɨnunku, champɨti ñana ikiaɨbutati amopɨnanaki naupukɨnunku.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

Hechos 14:22

Au axɨmanio poka manityanama nuxia aɨbu axɨmanuma ikokoromati Jesús, makuansomokonoma ɨmoma tapɨ iñokotama ñakokonaunkuxɨma, namatɨ ɨmoma, nauki aye osoi esati Tupax taruku nutakisɨrɨkɨ ui axɨbama chuxiampɨ ɨmoma.

Romanos 12:12

Tari taruku naupukɨnunku ui axɨmanu toxiobo ñana aume. Tari taruku narukux aume axtɨ autakisɨrɨka. Tapɨ ane nanenes chameankapɨ.

Romanos 5:11

Chɨtɨpɨ tyoneantai, ta upukɨnunkaityo aɨbuti Tupax ityopikiti Yɨriabux Jesucristo, uiti Jesucristo basutiu kaɨma axɨna uxia tato uiti Tupax oemo.

Romanos 5:2

Ityopikiti Jesucristo uɨkatɨ tato saimia esati Tupax ui numakokonaunku, nauki upukɨnu ui nukuasɨrɨkɨ ɨmoti, sane chuɨkapɨtɨ isiu kiatax mapanaunkux, sane upukɨnunka tyopiki iyebo ñana osoi esati Tupax.

Romanos 9:2

tarukapae nisucheki, taikiana oxonene au niyausasɨ,

2 Corintios 4:17

Axɨna nutakisɨrɨkɨ iku axɨna kɨx chɨsɨsiopɨ ñana, konto sɨrotɨ. Ityobo kuatɨ uixh oemo yarusɨrɨx upukɨnunkubu axɨna champɨ nityakɨrux.

2 Corintios 6:10

Takana axtɨ suisucheka, abo taruku suipukɨnunku. Takana axtɨ taruku suichakisɨrɨkɨ, tapɨ makiataka ane nenaxɨxhimia soboi. Takana axtɨ champɨ isane suiñemo, abo ane nanaiña suiñemo.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Filipenses 2:26

Tarukapae nisuchekixhti abapa, onxɨxɨtiapae tyopiki apipiate ta maunxokonoti.

Filipenses 3:3

Tyopiki axɨbama ñemanauntu circuncidaboma ta axoñɨ, axɨbama ui noñemaxti Espíritu Santo uiñanaunkati Tupax tarukuityo nupukɨnunku tyopiki usaka chepeti Jesucristo. Choñonkapɨtɨ ñome axɨba ausɨratai ikuki axɨna kɨx.

Filipenses 4:4

¡Taikiana aupukɨnu nausɨboriki aɨbuti Cristo! Tɨsukanañɨ aume, ta sukanañɨ tatityo: ¡Taikiana aupukɨnu nausɨboriki aɨbuti Cristo!

1 Tesalonicenses 1:6

Axaño apisamute nanaiña suisiuki isiukitityo Yɨriabux Jesucristo, axaño apasutiu axɨmanio omixhia manityakax aɨbu naupukɨnunku uiti Espíritu Santo champɨ nɨmoche aboi nautakisɨrɨkɨ.

Santiago 1:2

Masarukityaiki, tari taruku naupukɨnunku axtɨ abe ausɨratai makokotoka aume.

Santiago 1:9

Axtɨ anati naki usaruki taruku nityakisɨrɨkɨxti, tari pukɨnuñati tyopiki kuasɨrɨti ɨmoti Tupax.

Santiago 4:9

¡Apiña nuxia nausucheki abareo tyopiki oxonene aume! ¡Tari axɨmanu napiyapoi tyone nareokox, tapɨ naupukɨnunku tyone suchekixh!

1 Pedro 3:17

Uxia axtɨ utakisɨrɨka tyopiki axɨna uxia uisamute, tyopiki sane nixhankaxti Tupax, pɨnanaki utakisɨrɨ tyaku axɨna chuxiampɨ uisamute.

1 Pedro 4:7

Tɨsaimia nityakɨrux nanaiña axɨna sane. Sane naukiche besɨro nausɨboriki apiña nuxia nameanka.

1 Pedro 5:10

Axtɨ tautakisɨrɨka ñome mantukubatai naneneka, uiti Tupax ane maximiakatax aume, apiña nuxia narukux aume. Tyonenti Tupax ui yarusɨrɨx ñakumananaunkuxti ityasuruti oñɨ basuriu axɨmanu champɨ nityakɨru nanentakax esati chepeti Jesucristo.