1 Pedro 1:22 - Manityanati Tupax

²² Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

Manitanati Tuparrü

²² Arraño apacoconaunca ümo arrüna ñemanauntu manunecatarrü. Itopiqui uirri morrimiacana tato nomünantü aboi, chauqui turria naca nabausüpü. Chauqui tüpuerurrü acuama aume bama ñemanauncurratoe aubaruquitaiqui. Sane nauquiche, tari cuasürüma aume aübu nanaiña nabausasü.

1 Pedro 1:22 교차 참조

San Juan 15:17

Tyone axɨna nixhakɨpuku aume: Nauki aukuasɨrɨ aumeampatoe.

San Juan 15:3

Axaño chauki tuxia nausɨboriki oboi axɨba nixhanunekaka aume.

San Juan 17:17

Tari ui noñema sɨsoma aserebimia aemo yusiuki axɨba nura. Axɨna nura tyone axɨna ñemanauntu.

San Juan 17:19

Nanaiña nisɨboriki toxio sobi aemo, saneityo ixhanka aisamunema axɨbama aboma isiuñɨ isiuki axɨna ñemanauntu.

Hechos 15:9

Ɨmoti Tupax chepatai nakaxɨma takana nusaka, tyopiki moximiakanaintyo uiti ɨmoma axɨba nomɨnantɨ uimia ui axɨna ikokoromati.

Hechos 6:7

Axɨna nuraxti Tupax tɨtusiu au nanaiña, axɨmanuma ikokoromati Jesús naneneka isumainkianɨ nubukixhimia au Jerusalén. Abomaintyo axɨbama sacerdotes judíos axɨbama ikokoromati Jesús.

Romanos 1:5

Uiti Jesucristo toxio iñemo yaserebi ɨmoti yɨrotɨ xhanuneka nuraxti au nanaiña iku axɨna kɨx, nauki aboma axɨbama ikokoromati aisamunemaintyo yakɨpukuxti.

Romanos 2:8

Tapɨ axɨbama chuxiampɨ nisɨborikixhimia, toxio ñana ɨmoma ityakisɨrɨkɨboma, axɨbama chuxiampɨ ɨmoma axɨna besɨro ta uxia ɨmoma axɨna nomɨnantɨ.

Romanos 8:13

Tyopiki axtɨ ausɨborikia isiuki axɨmanu nixhantɨmo naukɨtɨpɨ, aukonka ñana. Tapɨ axtɨ ui noñemaxti Espíritu Santo apiñokota axɨmanu nixhantɨmo naukɨtɨpɨ, ausɨborikia.

2 Corintios 6:6

Sopityusiankataityo ui axɨna besɨro suisɨboriki, tyopiki suisuputakai axɨna ñemanauntu, ui axɨna supasamunaunka suipukɨruityo aɨbu namanaiña, tyopiki ane noñemaxti Espíritu Santo suisɨtɨpɨ, tyopiki ñemanauntu kuasɨrɨma suiñemo namanaiña,

Gálatas 3:1

¡Axaño axɨbama auki Galacia, chauxiankapɨ aye aboi manunekatax! ¿Ñakuti naki uiche aiñamesokoti napapanaunku? Au axɨmanio supanunekaka sopityusiankakati ausukarɨatoe axti Cristo naki takubaxioti kɨtɨpɨ kurusɨx.

Gálatas 5:5

Axoñɨ, ui noñemaxti Espíritu Santo baxɨperaka kɨmenu nipukɨruxti Tupax utaku isiuki numakokonaunku.

Gálatas 5:7

Axaño chauki tamekatɨ isiuki axɨna uxia kutubiux. ¿Ñakuti uiche chichebopɨ nauki chapikokotapɨ axɨba ñemanauntu?

Efesios 4:3

Apiña nuxia nauki chepe nabaka ta tyone axɨna noñemaxti Espíritu Santo, aɨbu axɨna uxia aboi aumeampatoe tyone axɨna uiche chepe nabaka namanaiña.

Filipenses 1:9

Xhankikia au nixheanka tari axɨna ñakumananaunkuxti aume taikiana asunau abaxɨpeku, tari aityoximiati Tupax aume apapanaunkubu tari aye nuxia aboi,

1 Tesalonicenses 3:12

Tari uiti Yɨriabux Jesús aukuasɨrɨka aumeampatoe, akuasɨrɨmaintyo aume namanaiña. Takana axɨna naukuasɨrɨkɨ suiñemo.

2 Tesalonicenses 1:3

Masarukityaiki, taikiana supachampienka ɨmoti Tupax autaku. Uxia axtɨ sane soboi, tyopiki axaño apikokokati nuxia Tupax aukuasɨrɨkaityo aumeampatoe.

2 Tesalonicenses 2:13

Axɨsomɨ taikiana supachampienka ɨmoti Tupax autaku, masarukityaiki axaño taruku naukuasɨrɨkɨ ɨmoti Yɨriabux Jesús, tyopiki uiti Tupax samamekana año nauki axaño apasɨrɨka apasuriu maximiakatax ui noñemaxti Espíritu Santo tyopiki apikokotaityo axɨba omixhia manityakax.

1 Timoteo 1:3

Naukiche yakatɨ au axɨmanu kɨx Macedonia, sukanañɨ aemo asamu nuxia nauki asikia au Éfeso, akamanu aboma axɨbama chɨbesɨropɨ ñanunekakaxɨma. Ukanɨ ɨmoma tapɨ manunekakanama sane.

1 Timoteo 1:5

Asamu nuxia iñemo aiñununekasama nauki ñemanaunkuxatoe akuasɨrɨma ɨmomantoe. Axɨbama champɨ kausane au nausasɨxɨma, axtɨ ñemanauntuityo ikokoromati Tupax, sane ñakumananaunkuxɨma.

1 Timoteo 4:12

Tapɨ aicheta anati naki chuxiampɨ uiti aemo tyopiki yaɨxɨkɨkiapae. Aisamuse uxia nasɨboriki sukarɨma axɨbama ikokoromati Jesús axtɨ anityaka, aukityo nakumananaunku, nakokonaunku, tapɨ ane kausane nasɨboriki.

1 Timoteo 5:2

Ñome axɨba poximianka anitya takana axtɨ anityaka aɨbu napakɨmantoe. Axɨba kupikikia anitya ñome takana axtɨ anityaka ñome nakiasityaiki, tari uxia nakionko yupu.

2 Timoteo 1:14

Ui noñemaxti Espíritu Santo naki anati okɨtɨpɨ, asasatɨ tyaku manunekatax botoxio aemo.

Hebreos 11:8

Axti Abraham, ikokoroti nuxia Tupax tɨkañe naukiche tasuruti uiti, ikokotati nuraxti nauki aɨrotitɨ au axɨmanu kiatax kɨx axɨna toxiobo uiti ɨmoti. Iñokotati nikɨxtiatoe chɨtusiupɨ ɨmoti kauta niyɨkɨxti.

Hebreos 13:1

Taikiana taruku naukuasɨrɨkɨ aumeampatoe takana axɨbama aubarukiapatoe.

Hebreos 5:9

Sane, naukiche tisamutenti Cristo nanaiña axɨna yakɨpukuxti Tupax, tyonenti kaɨma naki uiche ane maximiakatax ɨmoma axɨbama ikokoromati,

Hebreos 6:10

Tyopiki axti Tupax uxia ñapanaunkuxti chɨtakɨrusupɨ ñana ñakionkoxti iyo axɨna apisamute tyakuma axɨbama ikokoromati. Ui axɨna sane napachɨkoi apityusiankata ta kuasɨrɨti Tupax aume.

Hebreos 9:14

Axtɨ sane, ¡notoxti Cristo taruku nɨriakax ñopɨnanaki noboto numukianka! Tyopiki ui noñemaxti Espíritu Santo, naki champɨ nityakɨru nisɨborikixhti, axti Cristo uixhtiatoe aityoximianatiyɨ ɨmoti Tupax takana makumanatax champɨ nomɨnantɨ kɨtɨpɨ, ui notoxti sɨrɨbu nomɨnantɨ okɨtɨpɨki axɨbaityo chomixhampɨ uisamukio axɨba oboiche uɨkatɨ ɨmo nokonko, nauki sane baserebi ɨmoti Tupax naki sɨborikoti.

Santiago 1:21

Sane naukiche, tapɨ abasikia apisamune nomɨnantɨ, tyopiki tɨtarukapae nomɨnantɨ iku axɨna kɨx. Apasusiu axɨmanio omixhia manityakax sɨro au nabausasɨ. Tyopiki axɨmanu manityakax ane nɨriakax nauki aixhimiaka nomɨnantɨ aboi.

Santiago 4:8

Amekosi esati Tupax, axtityo kuatati aukɨmenu. ¡Axɨbama chuxiampɨ nausɨboriki, tapɨ abasikia apisamune axɨba nomɨnantɨ, axaño axɨbama auxianka akuasɨrɨti Tupax aume takanaintyo axɨna kɨx!

1 Pedro 1:2

axɨbama samamekanama tɨkañe uiti Tupax naki Uyaɨ tyopiki sane nixhankaxti. Ui noñemaxti Espíritu Santo aukurusɨka uiti nauki apikoko nuraxti anentyo maximiakatax aume ui notoxti Jesucristo. Apasusiu taruku nipukɨruxti Tupax autaku taikianaintyo uxia uiti aume.

1 Pedro 2:17

Apiña napanaunku ɨmo namanaiña. Tari akuasɨrɨma aume axɨbama ikokoromati Jesús, apanau ɨmoti Tupax, apiñaintyo napanaunku ɨmoti yɨriabux auki Roma.

1 Pedro 3:1

Saneityo axaño axɨba paɨka, axɨba tɨboposo, apakokonau ɨmoma axɨbama apikianaño. Sane axtɨ chikokotapɨma nuraxti Tupax, ui axɨna nausɨboriki aɨbuma uixh kaɨma ikokotama. Champɨapae nɨmoche apanitya ɨmoma ui axɨnantai nausɨboriki aɨbuma,

1 Pedro 3:20

Tyonema axɨbama chɨmakokonaunxɨpɨma ɨmoti Tupax tɨkañe, au axɨmanio naneneka tɨkañe naukiche sɨborikotiki Noé, naukiche axti Tupax pukɨrusutiki tyakuma naukiche amonkoma isamutema axɨmanu canoa, akamanu añekanama ocho nubukixhimia ui tux.

1 Pedro 3:8

Au nityakɨrux, namanaiña taikiana uxia aboi aumeampatoe, aukuasɨrɨtyo aumeampatoe. Taikiana chepe napakionko ɨmo namanaiña. Taikiana uxia nausɨboriki aɨbu namanaiña.

1 Pedro 4:17

Chauki tiñatai axɨmanu tyakɨrux nanenes auche asaraiti kusɨrɨbo ɨmoma axɨbama ikokoromati Tupax. Axtɨ sane kusɨrɨbo asaraiti nuipɨnate, ¿kausanempɨ ñana nityakisɨrɨkɨxɨma axɨbama chikokotapɨma axɨna uxia manityakax?

1 Pedro 4:8

Tari taruku naukuasɨrɨkɨ aumeampatoe, tyopiki axɨna makumananaunkux ane maximiakatax uixh ñome axɨba nomɨnantɨ.

2 Pedro 1:7

tari akuasɨrɨma aume axɨbama aubarukityaiki au nɨrixhti Cristo, yopɨrɨkɨ nanaiña tari chepe nikuasɨrɨkɨxɨma aume namanaiña.

1 Juan 3:11

Tyone axɨna manityakax amonkoi auki maɨbo: tari ukuasɨrɨ oemomatoe.

1 Juan 3:23

Axɨmanu yakɨpukuxti oemo ta nauki uikokoroti Jesucristo naki Aɨtoxti, nauki ukuasɨrɨtyo oemoantoe takana yakɨpukuxti Jesús.

1 Juan 4:12

Axti Tupax champɨti naki astaiti kausane nakaxti. Tapɨ axtɨ ukuasɨrɨka oemoantoe, axti Tupax po'osoti okɨtɨpɨ axɨmanuintyo ñakumananaunkuxti ane okɨtɨpɨ.

1 Juan 4:20

Axtɨ anati naki nanti sane: “Kuasɨrɨti Tupax iñemo”, tapɨ kuatati yarukityoxti tɨborikotiatai, taruku ñapantuxti. Axtɨ chɨkuasɨrɨtipɨ oemo usaruki, naki basakati, chɨkuasɨrɨtipityo Tupax oemo, naki chubasakatipɨ.

1 Juan 4:7

Masarukityaiki, tari ukuasɨrɨ oemoantoe, tyopiki axɨna makumananaunkux kuatɨ esakiti Tupax. Axti naki makumananaunx tyonenti aɨtoxti Tupax ta isuputaratityo Tupax.

Apocalipsis 2:4

Ane axɨna aisamute chuxiampɨ iñemo: chauki chisuasɨrɨkaikipɨ aemo takana tɨkañe auki maɨbo aikokoroñɨ.