1 Pedro 1:20 - Manityanati Tupax

²⁰ Axti Cristo tɨsamamekanati aukiapae tɨkañe naukiche chuxiantenkipɨ axɨna kɨx, ta au axɨba naneneka ityusiankanatiyɨ nauki uxia nausɨboriki.

Manitanati Tuparrü

²⁰ Arrti Cristo tacümanauncunuti uiti Tuparrü ümo arrüna sane auqui ñemonco, numo churriantequipü na cürrü. Pero chauqui tanancatiatai icu na cürrü, nauqui urria nabaca.

1 Pedro 1:20 교차 참조

San Mateo 25:34

Auki nanti yɨriabux ɨmoma axɨmanuma aboma au nepanaunkux: ‘Ausiapata axaño, axɨbama aukurusɨka uiti Iyaɨ. Apasusiu axɨna nɨriakax ananka koñokono aume aukiapae naukiche axti Tupax isamutenti axɨna kɨx.

Hechos 2:23

Axti maniki ñoñɨnx, sane takana ñakionkoxti Tupax, toxioti ɨmo axɨbama chuxiampɨ uimia ɨmoti, aboi apityabairoti, apakɨpuka ɨmoma axɨbama chuxiampɨ nisɨborikixhimia aityakubaxiromati kɨtɨpɨ kurusɨx.

Romanos 3:25

Axti Jesucristo naki ɨriotitɨ tɨkañe uiti Tupax, akonti otopiki nauki aixhimiakati axɨna nomɨnantɨ osoi. Axɨna maximiakatax iyebo osoi axtɨ uikokota nuraxti Tupax. Sane ityusiankatati kausane aipesɨnakati nosɨboriki: ui axɨna moximiakana axɨba nomɨnantɨ osoi,

Romanos 8:29

Axɨbama tɨsamamekanama uiti Tupax aukiapae tɨkañe, nauki aisamunema takanati Aɨtoxti, nauki axti Aɨtoxti tyonenti naki kusɨrɨboti aɨbuma namanaiña axɨbama yarukityoxti.

Gálatas 4:4

Naukiche tiñatai axɨmanu nanenes, bakɨpuruti Tupax ɨmoti Aɨtoxti, naki anati iku kɨx kɨtɨpɨki taman paɨx, ikokotatityo bakɨpukux uiti Moisés,

Efesios 1:10

axtɨ iñatai ñana axɨmanu mapakɨmunkutux. Axɨna nixhantɨmoti Tupax ta nauki aiyoberabatati nanaiña axɨba nisamukuxti ikuki axɨna kɨx auki napes nauki aityoximiati mekuti Cristo.

Efesios 1:4

Samamekana oñɨ uiti Tupax aɨbuti Cristo aukiapae tɨkañe maɨbo uxiane axɨna kɨx, nauki tapɨ ane nomɨnantɨ osoi tapɨ anentyo kausane nosɨboriki au nastaxti.

Efesios 3:11

Tyone axɨna tɨkañe nixhantɨmoti Tupax aisamunenti aukiapae, tyone axɨna kaɨma isamutenti aɨbuti Jesucristo naki Yɨriabux oemo.

Efesios 3:9

Ikɨpurutiñintyo iñununekanaño namanaiña kausane niyɨkɨ nuxiankax axɨmanu nixhantɨmoti aisamunenti Tupax, naki uiche aisamunenti nanaiña, anekana uiti aukiapae tɨkañe.

Colosenses 1:26

axɨna nuraxti tyone axɨmanu nixhantɨmoti aisamunenti aukiapae tɨkañe axti Tupax ananka anekana uiti, ta kaɨma ityusiankatati sukarɨma axɨbama ikokoromati.

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

Hebreos 1:2

Tapɨ kaɨma au axɨba tyakɨrux naskɨbeka, axti Aɨtoxti tyonenti naki manityanati oemo au nɨrixhti Yaɨtoti, naki tyopikiche aisamunenti axɨna kɨx naki ɨmoche ñana aityoximiati nanaiña.

Hebreos 2:14

Saneityo, takana masiomanka aukiti tamanti yaɨtoxɨma tamaintyo nipiakɨtoxɨma, tyoneantoe nikɨtɨpɨxɨma takanaintyo notoxɨma axɨbama yaɨtoxɨma, sanentityo Jesús ane tɨkañe nikɨtɨpɨxti anentyo notoxti takana axoñɨ, sane ui nikonkoxti koiñoti uiti maniki ane nɨriakaxti atabaiti, axti naki ta tyonenti chobores.

Hebreos 9:26

Axtɨ sanempɨ, axti Cristo chaiyataipɨ nikonkoxti aukiapae maɨbo uxiane kɨx. Tapɨ kaɨma axɨna tɨsaimia nityakɨru axɨba naskɨbeka, axti Cristo tamantai niyɨkɨx ityusiankanatiyɨ ɨmo nanaiña naskɨbeka, ityoximianatiyɨ takana makumanatax ityopiki axɨba nomɨnantɨ osoi.

1 Pedro 1:2

axɨbama samamekanama tɨkañe uiti Tupax naki Uyaɨ tyopiki sane nixhankaxti. Ui noñemaxti Espíritu Santo aukurusɨka uiti nauki apikoko nuraxti anentyo maximiakatax aume ui notoxti Jesucristo. Apasusiu taruku nipukɨruxti Tupax autaku taikianaintyo uxia uiti aume.

1 Juan 1:2

Axɨmanu sɨborikixh ityusiankanɨ: axɨsomɨ sumastai supanityaka kɨtɨpɨ, suburapoi ausukarɨ axɨna sɨborikixh champɨ nityakɨrux, tyone ananka chepeti Uyaɨ auki ityusiankanɨ usukarɨ.

1 Juan 3:5

Axaño tɨtusiu aume axti Jesucristo kuatati iku kɨx tɨkañe nauki aikiaɨbuti nomɨnantɨ, champɨ nomɨnantɨ uiti.

1 Juan 3:8

Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.

Apocalipsis 13:8

Axɨmanu yarusɨrɨx numukianx manaunuma ñana ɨmo namanaiña axɨbama chɨkorobopɨ nɨrixhimia iku axɨmanu kichonimiakax nesa axɨmanu Nobixhax, axɨmanu koiño tɨkañe ɨmo makumanatax. Axɨmanu kichonimiakax bokorobo aukiapae tɨkañe naukiche chuxiantenkipɨ axɨna kɨx uiti Tupax, iku korobo nɨrixhimia namanaiña axɨbama chɨtakɨnunaumpɨ nisɨborikixhimia.