1 Pedro 1:18 - Manityanati Tupax

¹⁸ Tyopiki axti Tupax autaesɨbu uiti pɨnanaki axɨmanu nausɨboriki champɨ nanenekiche axɨna iyebo aboi isiuki axɨbama aubaɨtaiki tɨkañe. Axaño tusiu nuxia aume, nikuax axɨmanu maximiakatax aume, chɨtoxiopɨ ityobo axɨba mumameso ñana takana oro chepe plata,

Manitanati Tuparrü

¹⁸ Tusio te aume isane arrüna yapacatarrti Tuparrü abitobo, nauqui autaesübu eanaqui nomünantü, sane tapü apaviviquiaiqui tacana nisüboriquirrimia bama antiburrü abaütaiqui, uiche chüpuerurrüpü aye uimia esati Tuparrü. Arrümanu bapacatarrü abitobo chütüpü plata ni oropü, itopiqui nicua plata y oro chüruraupü.

1 Pedro 1:18 교차 참조

San Marcos 8:37

¿Isane toxiobo uiti ñoñɨnx ityobo nisɨborikixhti?

Romanos 1:21

Axɨma isuputaramati nuxia Tupax, chɨmanaunupɨma chɨmachampienkanapɨma ɨmoti. Ta axɨma au nityakɨrux chomixhampɨ ñakionkoxɨma sɨsioma au tomikianene.

1 Corintios 3:20

Nantityo sane iku Nikorox: “Axti Tupax tusiu ɨmoti axɨna ñakionkoxɨma axɨbama taruku nipiakaxɨma ta champɨ nanenekiche.”

1 Corintios 6:20

tyopiki axɨmanu naukɨtɨpɨ uiti Tupax iyebo tato. Sane naukiche kaɨma apiñanaunsuti Tupax aɨbu naukɨtɨpɨ.

1 Corintios 7:23

Uiti Tupax aikiaɨburuti año pɨnanaki nomɨnantɨ. Tapɨ chebo aboi ɨmoma makiataka mañoñɨnka nauki autapeneka uimia au nomɨnantɨ.

Gálatas 1:4

Ityoximianatiyɨ Jesús ɨmo nikonkoxti yotopiki nomɨnantɨ osoi, nauki aixhimiakati oemo nomɨnantɨ iku axɨna kɨx au axɨba naskɨbeka kaɨma, takana noñemaxti Tupax naki Uyaɨ.

Efesios 4:17

Tyone kaɨma axɨna sukanañɨ aume nixhakɨpuku au nɨrixhti Yɨriabux Jesús: tapɨ ausɨborikiaiki takana axɨbama chikokoromatipɨ Tupax, tyopiki axɨma sɨborikoma yupu axɨba chomixhampɨ ñapanaunkuxɨma

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.

Hebreos 9:12

Sɨrotitɨpo Cristo au axɨmanu nipo meankax, chɨtɨpɨ nauki akumanatiki noboto numukianka, ta makumananti notoxtiatoe. Kunauntañantai niyɨkɨxtipo ñome nanaiña naskɨbeka, sane iyebo uiti maximiakatax oemo axɨna champɨ nityakɨrux.

1 Pedro 1:7

Tyopiki axɨna apikokokati Tupax tyone takana oro: axɨna uiche atusi axtɨ uxia chɨrɨriko ui pes, axɨmanu makokonaunkux chɨtapenekopɨ oboi makokotoka, taruku nikuax pɨnanaki axɨmanu oro, axɨna mameso ñana. Sane axtɨ tɨkuatati tato Jesucristo, uxia ñana nuraxti kɨtɨpɨ axɨna napakokonaunku ɨmoti Tupax, tyopiki taman makokonaunkux axtɨ chɨtapenekopɨ ui makokotox koñotɨ uxia manityakax kɨtɨpɨ.

1 Pedro 4:3

Tɨkoboiyapae tɨkañe apisamute axɨna nausɨboriki takana axɨbama chikokoropɨmati Tupax, chuxiampɨ tɨkañe nausɨboriki, chomixhampɨ nauxiantɨmo, chaiyatai naupukɨnunku naborisɨba, taruku nauchaka apanaunka ɨmo matupaka nisamuku mañoñɨnka.

1 Juan 3:5

Axaño tɨtusiu aume axti Jesucristo kuatati iku kɨx tɨkañe nauki aikiaɨbuti nomɨnantɨ, champɨ nomɨnantɨ uiti.