1 Juan 5:8 - Manityanati Tupax

⁸ Nesaxti Espíritu Tupax, axɨmanu tux uiche ɨriti, notoxti Jesús axɨmanu arapara kɨtɨpɨ kurusɨx naukiche tɨkoiñoti. Axɨmanio trex tyoneantoe nuburax.

Manitanati Tuparrü

⁸ Primero: Arrüna ñanitacarrti Espíritu Santo au nuyausasü. Segundo: Arrüna ñanitacarrti Tuparrü numo ürioti Jesús. Tercero: Arrüna ñanitacarrti Tuparrü, numo tüsai aconti Jesús. Arrüba trerrü manitacaca uburapoi que arrti Jesús tonenti Aütorrti Tuparrü.

1 Juan 5:8 교차 참조

San Mateo 28:19

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo.

San Marcos 14:56

Sɨrɨmanama axɨbama manityanama kɨtɨpɨti aɨbu ñapantuxɨma, chichepepatai nuraxɨma.

San Juan 15:26

“Axtɨ kuatati ñana naki Okɨmanabo autaku axti naki sobi ñana ikɨpuruti auki noñemaxti Iyaɨ, tyonenti naki ñemanaunkuxatoe Espíritu Santo axti naki kuatati kɨtɨpɨkiti Iyaɨ, tyonenti manityanati ñana aume ichoboñɨ.

San Juan 19:34

Tamanti axɨpekuki axɨmanuma masortaboka isɨkɨmatati nipetakuxti Jesús ui nesaxti ransax, isiukai osɨro auki notox ichepe tux.

Hechos 15:15

Axɨna sane tyoneantoe takana axɨmanu korobo ui axɨmanuma profetas tɨkañe, nantɨ sane axɨmanu Nikorox:

Romanos 8:16

Axti naki Espíritu Santo sɨroti ichepe noesa espíritu, sane ta aɨtoxti Tupax oñɨ.

2 Corintios 1:22

Sɨro uiti okɨtɨpɨ axɨna uiche atusi ta Yɨriabuxti oemo, sɨroityo uiti a nuyausasɨ noñemaxti Espíritu Santo ta ñemanauntu ñana axɨmanu toxiobo oemo.

Hebreos 13:12

Saneityo axti Jesús koiñoti tyɨrɨpo pɨnanaki Jerusalén, nauki tyopiki notoxti, ane maximiakatax uiti Tupax ɨmoma axɨbama aɨtoxti.

Hebreos 6:4

Tyopiki axɨbama tiyasutiuma basarux, tiyasutiumaintyo nichesoxti Tupax ɨmoma, sane toxioityo Espíritu Santo ɨmoma,

1 Pedro 3:21

Axɨmanu tux tɨkañe tyone axɨna tux uiche osɨrikia, tyone axɨna uiche kaɨma ane maximiakatax oemo. Axtɨ osɨrikia chɨtɨpɨ nauki uiyaxɨbi nokɨtɨpɨ, ta nauki manki pɨnanakiti Tupax uxia numapanaunku, ixhimiakatityo axɨba nomɨnantɨ osoi tyopiki ta sɨborikoti tato Jesucristo,

1 Juan 5:9

Axɨsomɨ sopikokota nuraxɨma mañoñɨnka, pɨrɨkɨ nanaiña nuraxti Tupax tyone axɨna ñemanauntu nuxia, tyopiki manityanati oemo kɨtɨpɨti Aɨtoxti.