1 Corintios 9:26 - Manityanati Tupax

²⁶ Sane naukiche axɨñɨ chipiakɨkapɨñɨantai. Chixhaikiapityo takanati naki bachebotiatai ɨmo makiɨtɨx.

Manitanati Tuparrü

²⁶ Arrüñü yaca tacana bama bapurrtara, pero yarrtai nurria nauqui ipiacünoñü nurria. Champürrtü rrahiquiatai ümonatai.

1 Corintios 9:26 교차 참조

San Mateo 11:12

“Aukiapae naukiche aiñanainti Kuan Bautixhta ichepe kaɨma axɨna iñataityo nɨriakax auki napes takisɨrɨ oboi axɨba chɨtamampatai, axɨbama ane nɨriakaxɨma iku axɨna kɨx xhanxɨma aityochenakama nauki atakɨru aɨbu.

San Lucas 13:24

–Apapache nikiubu año kausane nauki ayepo aboi auki axɨmanu tyurux tunumusiña. Tyopiki sukanañɨ aume sɨrɨmanama ñana axɨbama xhanxɨma aɨromatɨpo, chiyebopɨ uimia.

1 Corintios 14:9

Saneityo axaño, axtɨ napanityaka chɨtusiupɨ nuxia isane axɨna aburapoi, ¿kausane atusi ɨmo makiataka axɨna auxianka aburaboi? ¡Apanityaka ɨmo makiɨtɨx!

2 Corintios 5:1

Axoñɨ usaka takana taman pox ikuki axɨna kɨx, takana kɨpaux axɨna chɨbaserebiopɨ ñome sɨrɨmana naskɨbeka. Tɨtusiu oemo axtɨ axɨna kɨpaux iñaxio, ane uxiante uiti Tupax opobo au napes axɨna chɨmamesopɨ ñana, axɨna chɨtɨpɨ nisamuku mañoñɨnka.

2 Corintios 5:8

Tusiu suiñemo ta ñemanauntu ñana, sane naukiche suixhankapɨ somenotɨ iche pɨnanaki axɨna suisɨtɨpɨ kaɨma nauki somenotɨ po'oso somɨ chepeti Yɨriabux Jesús.

Gálatas 2:2

Yakatɨ tyopiki ityusiankatati Tupax sukarɨñɨ ta yɨkatɨki ñana. Akamanu xhanunekaka ɨmoma axɨbama ikokoromati Jesús axɨba omixhia manityakax axɨna surapoi sukarɨma axɨbama chɨtɨpɨ judíos. Xhanunekakaityo ɨmo mayɨriabuka, nauki atusi nuxia ɨmoma axɨna niyachɨkoi ta ane taruku nɨmoche.

Efesios 6:12

Tyopiki chubaikiapɨ aɨbu mañoñɨnka takana axoñɨ, ta aɨbu machoboreka axɨbama chuxiampɨ uimia au napes. Tyonema axɨbama kaɨma iñatama nɨriakaxɨma takanaintyo noñemaxɨma auna iku axɨna kɨx.

Filipenses 1:21

Axtɨ isɨborikia, ixhanka nauki yaserebi ɨmoti Cristo, tapɨ axtɨ isonka tyone axɨna iyebo sobi.

Colosenses 1:29

Ɨmo nanaiña axɨna sane isamute niyachɨkoi ui noñemaxti Cristo axɨna toxio uiti iñemo.

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

2 Timoteo 2:5

Sanentityo naki sɨrotitɨ ɨmo kupiukux champɨ iyebo uiti axtɨ isamutenti isiuki nixhankaxti.

2 Timoteo 4:7

Iyebo sobi axɨna taruku nixhanka, iñatai tyakɨru niyachɨkoi, aɨbu nixhakokonaunku.

Hebreos 12:1

Sane naukiche, axoñɨ aboma auna uyaxɨpeku sɨrɨmanama axɨbama ityusiankatama ñakokonaunkuxɨma, sane naukiche uiñokoniona nanaiña axɨba uiche chichebopɨ nauki uikokoroti Tupax. Tyopiki axɨna nosɨboriki tyone takana barukux, tapɨ axɨna nomɨnantɨ tyone axɨna uiche chichebopɨ uxia barukux.

Hebreos 4:1

Sane naukiche, axɨna ɨriotɨki atoxi oemo uiti Tupax axɨmanu nikɨxti, tari basarira nuxia tapɨ anati naki uyaxɨpekuki chiyebopɨ ñana uiti.

1 Pedro 5:1

Ixhanka xhanuneka ɨmo mayɨriabuka axɨbama ikokoromati Jesús, axɨbama aboma abaxɨpeku, axɨñɨntyo yɨriabuxɨñɨ takana axɨma, sukarɨñɨ tɨkañe axɨmanu nityakisɨrɨkɨxti Cristo. Axtɨ tɨkuatati tato ñana Cristo axtɨ tɨtusiankana uiti ñana axɨmanu champɨ takanache nɨriakaxti iyeboityo ñana sobi axɨmanu nɨriakaxti. Axɨna nixhanunekaka tyone axɨna sane.

2 Pedro 1:10

Sane naukiche masarukityaiki, axti Tupax samamekana año uiti amenotɨ axɨpekuma axɨbama aɨtoxti, apiña nuxia nauki sɨsio aukɨtɨpɨ axɨna sane, axtɨ apisamute sane, chautapenekapɨ ñana aɨbu napakokonaunku.