1 Corintios 9:23 - Manityanati Tupax

²³ Axɨna sane isamute tyopiki axɨba omixhia manityakax nauki, atoxityo iñemo.

Manitanati Tuparrü

²³ Isamute sane nauqui atusi tanu arrüna urria manitacarrü, y nauqui aye ito sobi ñacunusüancacarrti Tuparrü.

1 Corintios 9:23 교차 참조

San Marcos 8:35

Tyopiki axti naki taruku nikuasɨrɨkɨ nisɨborikixhti ɨmoti, ensoro Pɨnanakiti. Tapɨti naki ensoro nisɨborikixhti pɨnanakiti auki niyaka ityopikityo yasutiuti axɨba omixhia manityakax, iyebo uiti nisɨborikixhti.

Romanos 11:17

Axɨmanu soes olivo, tyonema axɨbama judíos, botɨsɨro omeanaki nipiax, au niñokonosɨox sɨro tato kiatax eanaki nɨunx, axɨmanio tyone axɨkɨ. Sane naukiche iyebo obi chepe nixhanakax saneityo iyebo obi asɨborikibo aɨbu axɨmanu soes olivo.

1 Corintios 9:12

Axtɨ makiataka mankioma amopɨnanaki namenaxi, axɨsomɨ aneampae tyopikiche pɨnanakimia. Axɨsomɨ chɨsanempɨ soboi, axɨsomɨ supapacheka soboiyapatoe nanaiña axɨna suixhantɨmo nauki tapɨ tochenko axɨna supanunekaka axɨba omixhia manityakax kɨtɨpɨti Jesucristo.

1 Corintios 9:22

Naukiche anankañɨ axɨpekuma axɨbama apekiatai aikokoromati Jesús, axɨñɨntyo isamute takana axɨma, nauki aikokoma isiukiñɨ. Sane isamute takana nisɨboriki namanaiña, sane nauki aboma axɨbama ane maximiakatax ɨmoma axɨpekukimia.

1 Corintios 9:24

Axaño tusiu aume axtɨ aboma axɨbama ipiakɨnomakɨ namanaiña ipiakɨnomakɨ, au nityakɨrux tamantiatai naki kusɨrɨboti aiñanainti tyakɨru. Sane naukiche apipiakɨsaño nuxia nauki ane toxiobo aume ityobo.

2 Corintios 2:4

ui taruku nichakisɨrɨkɨ uityo nisucheki niyausasɨ xhakonomoka aume aɨbu nisareo, chɨtɨpɨ nauki ausucheka uixh, ta nauki amasarai axɨna taruku naukuasɨrɨkɨ iñemo.

Gálatas 2:5

Axɨsomɨ chɨsopisamutempɨ axɨmanu nixhankaxɨma, tyopiki suixhanka nauki axɨmanu ñemanauntu omixhia manityakax sɨsio aboi.

2 Timoteo 2:10

Sane naukiche chubatapɨ iñemo nichakisɨrɨkɨ tyopiki namanaiña axɨbama takɨmanaunkunuma uiti Tupax, nauki ataesɨbumaintyo eanaki nomɨnantɨ nauki aye uimia axɨna nanentax esati Tupax.

2 Timoteo 2:6

Axti naki masamunuti ñanaunx, tari kusɨrɨboti atoxi ɨmoti aruki axɨna iyebo auki niyoxti.

Hebreos 3:1

Sane naukiche, masarukityaiki, axɨbama samamekana año, batasukux aume uiti Tupax nauki aɨtoxti año, apiñanaunsuti nuxia Cristo Jesús naki yakɨpusuxti Tupax naki Yɨriabuxti ɨmoma axɨbama sacerdotes, naki tyopikiche uikokokati Tupax.

Hebreos 3:14

Tyopiki axoñɨ toxioityo ñana oemo axɨmanu toxiobo ɨmoti Cristo, axtɨ oñonkatɨ nuxia aɨbu narukux oemo chepe nityakɨrux takana aukiapae maɨbo.

1 Pedro 5:1

Ixhanka xhanuneka ɨmo mayɨriabuka axɨbama ikokoromati Jesús, axɨbama aboma abaxɨpeku, axɨñɨntyo yɨriabuxɨñɨ takana axɨma, sukarɨñɨ tɨkañe axɨmanu nityakisɨrɨkɨxti Cristo. Axtɨ tɨkuatati tato ñana Cristo axtɨ tɨtusiankana uiti ñana axɨmanu champɨ takanache nɨriakaxti iyeboityo ñana sobi axɨmanu nɨriakaxti. Axɨna nixhanunekaka tyone axɨna sane.

1 Juan 1:3

Suburapoi ausukarɨ, axɨna sumastai axɨnaintyo somonkoi, nauki axaño apiyoberabakaño suichepe, takana axɨsomɨ subaka chepeti Tupax, naki Uyaɨ, chepetityo Jesucristo naki Aɨtoxti.