1 Corintios 9:20 - Manityanati Tupax

²⁰ Naukiche anankañɨ axɨpekuma axɨbama judíos iñata nisɨboriki takana nisɨborikixhimia, nauki aikokoromati Jesús isiukiñɨ. Nauki aikokoma axɨbama sɨborikoma isiuki yakɨpukuxti Moisés, axɨñɨntyo isamute axɨmanu bakɨpukux, ta chiñemanauntupɨ isamute sane.

Manitanati Tuparrü

²⁰ Arrtü yaca eana bama israelitarrü iñata nisüboriqui tacana israelitarrü, nauqui aicocoromati Jesús sobi. Arrüñü champürrtü ñoncatü ümo manu nüriacarrü uiti Moisés, pero arrtü yaca eana bama icocotama manu nüriacarrü, icocota ito, nauqui aicocoromati Cristo sobi.

1 Corintios 9:20 교차 참조

Hechos 16:3

Xhanxtipɨ Pablo nauki aɨrotitɨ Timoteo chepeti, nauki tapɨ ɨnantɨ ɨmoma axɨmanuma judíos po'osoma au axɨmanu kɨx, circuncidaboti Timoteo uiti, tyopiki tusiu ɨmo namanaiña axti yaɨtoti Timoteo po'osoti au Grecia.

Hechos 18:18

Sɨsiotiki Pablo akamanu sɨrɨmana naneneka au Corinto. Auki masamunuti nariox pɨnanaki axɨmanuma ikokoromati Jesús niyɨkɨxti au Siria, chepe Priscila chepetityo Áquila. Au Cencrea, tapakioti Pablo tyopiki sane nixhankaxti.

Romanos 11:14

Ixhanka nauki aboma axɨbama isarukityaiki ɨnantɨ ɨmoma autopiki, sane aikiaɨburuma año eanaki nomɨnantɨ.

Romanos 3:19

Tusiu oemo nanaiña axɨmanu nantɨ Nikorox uiti Moisés, manunekana ɨmoma axɨbama ikokotama, nauki namanaiña etayoimia, sane namanaiña axɨbama ikuki axɨna kɨx uiti Tupax ñana asaraiti ɨmoma.

Gálatas 2:19

Ui axɨmanu bakɨpukux axɨñɨ isonka ɨmo, nauki isɨbori ɨmoti Tupax. Aɨbuti Cristo ichakubaxikia kɨtɨpɨ kurusɨx,

Gálatas 4:21

Amukanaño iñemo, axaño, axɨbama auxianka apikoko axɨmanu bakɨpukux uiti Moisés: Unka amonkoi axɨna nantɨ axɨmanu bakɨpukux.

Gálatas 4:5

nauki utaesɨbu uiti pɨnanaki axɨmanu bakɨpukux saneityo basuriu taruku nupukɨnunku takana axɨbama aɨtoxti Tupax.

Gálatas 5:18

Tapɨ axtɨ uiti Espíritu Santo apisamute axɨna nauxiantɨmo, sane kaɨma axaño chapisamutenkipɨ axɨmanu bakɨpukux uiti Moisés.