1 Corintios 9:14 - Manityanati Tupax

¹⁴ Saneityo yakɨpukuxti Yɨriabux Jesús, axɨbama manunekanama axɨba omixhia manityakax kɨtɨpɨti Jesús tari uixh asɨborimia.

Manitanati Tuparrü

¹⁴ Sane ito arrüsomü. Bacüpuruti Señor nauqui atorri bapacatarrü ümo bama urapoimia arrüna urria manitacarrü icütüpüti Jesús, uiche puerurrü asüborimia.

1 Corintios 9:14 교차 참조

San Mateo 10:10

tapɨ sɨrotɨ aboi amutuburibo isiu kutubiux. Tapɨ sɨrotɨ aboi kiatax nabaibi tapɨ sɨrotɨ aboi naupopetaki tapɨ sɨrotityo aboi baxton, sane naki ane yachɨkoiti tari ñankirati tuburiboti.

San Lucas 10:7

Abasikia au axɨmanu pox, apasusiu nanaiña axɨna ane uimia amutuburibo, ityopiki axti naki ane yachɨkoiti ane toxiobo ɨmoti ityobo. Tapɨ amamenakaño ubau poka.

San Lucas 10:8

Axtɨ apiñatai ubau poka kauta yasuriuruma año, aumase axɨna toxio uimia aume.

Hechos 18:3

tyopiki axti Pablo, axɨna niyachɨkoiti tyoneantoe takana axɨmanu yachɨkoimia, masamunuma kɨpauka, sɨsioti ichepema aisamunenti axɨmanu yachɨkoimia.

1 Corintios 4:15

Axtɨ axaño axɨbama apikokokati Cristo, aboma diez mil axɨbama manunekanama aume, tamantiatai naki aubaɨ. Axti naki Aubaɨ ta axɨñɨ, tyopiki xhanunekaka aume axɨba omixhia manityakax uixh abaka chepeti Cristo Jesús.

1 Corintios 9:11

Sane axɨsomɨ axtɨ supankakɨtu nuraxti Tupax au nabausasɨ, ¿chɨtarukupɨpae axɨna supankikia amopɨnanaki sumutuburibo?

1 Corintios 9:12

Axtɨ makiataka mankioma amopɨnanaki namenaxi, axɨsomɨ aneampae tyopikiche pɨnanakimia. Axɨsomɨ chɨsanempɨ soboi, axɨsomɨ supapacheka soboiyapatoe nanaiña axɨna suixhantɨmo nauki tapɨ tochenko axɨna supanunekaka axɨba omixhia manityakax kɨtɨpɨti Jesucristo.

1 Corintios 9:16

Axtɨ xhanunekaka axɨba omixhia manityakax, chityopikipɨ kaɨma champɨti kiatax xhopɨrɨkɨñɨ, tyopiki tyone axɨna kunauntaña yachɨkoboiboñɨ. ¡Taruku ñana nichakisɨrɨkɨ axtɨ chixhanunekakapɨ nuraxti Tupax!

1 Corintios 9:4

Unka sopipiakaityo suba naukityo suicha.

2 Corintios 2:12

Naukiche iñatai au Troas, nauki suraboi axɨba omixhia manityakax kɨtɨpɨti Cristo, baurɨbo sɨmenuñɨ tyuruka nauki xhanuneka nuraxti Yɨriabux Jesús.

Gálatas 6:6

Axti naki ane manunekatax ɨmoti yokɨtɨpɨ axɨba omixhia manityakax, tari yachebati aruki nenaxixhti ɨmoti naki uiche aiñununekanati.

1 Tesalonicenses 1:5

Naukiche suburapoi ausukarɨ axɨba omixhia manityakax, chisopisamutempɨ ui manityakaxtai, sopisamute ui noñemaxti Tupax takanaintyo ui noñemaxti Espíritu Santo.