1 Corintios 8:9 - Manityanati Tupax

⁹ Amasasai nuxia aɨbu axɨna apisamute tapɨ uixh tapenekoma axɨbama apekiatai ñakokonaunkuxɨma.

Manitanati Tuparrü

⁹ Amasai nurria aübu arrüna urria nabaca, tapü batacheboti aboi naqui aübapae arrianti nurria aicocorotiti Tuparrü.

1 Corintios 8:9 교차 참조

San Mateo 18:10

“Tapɨ chɨkuasɨrɨpɨma aume axɨbama masiomanka. Tyopiki sukanañɨ aume au napes axɨbama nesaxɨma ángeles aboma asaramatɨ nantax ɨmo nisuxti Iyaɨ au napes.

Romanos 15:1

Namanaiña axɨbama ñemanauntu makokonauma basuriura takana axtɨ axoñɨ axɨna chimakokonaumpɨma nuxia, tapɨ uɨkatɨ isiu axɨna nuxiantɨmoantoe.

1 Corintios 10:24

Tapɨ apapachetio axɨna uxia aumeampatoe, ta apapachesio axɨna uxia ɨmo namanaiña.

1 Corintios 10:28

Axtɨ anati naki nanti aume: “Axɨna nañes tyone makumanatax ɨmo matupaka nisamuku mañoñɨnka”, sane naukiche tapɨ aumate, tyopikiti maniki uiche uraboiti tyakuityo naukɨtɨpɨ.

1 Corintios 10:29

Sukanañɨ sane tyopikiti axti maniki kiatax, chɨtɨpɨ autopiki axaño. Tapɨ chebo sobi chuxiampɨ nuraxti kiatax ɨmo axɨna isamute.

1 Corintios 10:32

Tapɨ apisamute axɨna chuxiampɨ sukarɨ makiataka. Sukarɨ axɨbama judíos, sukarɨma axɨbama chɨtɨpɨ judíos, axɨbamaintyo ikokoromati Tupax.

1 Corintios 8:10

Tyopiki axtɨ axɨkɨ tusiu nuxia aemo nanaiña, axtɨ anati naki asaratiyɨ atɨmoka a'a kauta manaunuma ɨmoma matupaka nisamuku mañoñɨnka, axti naki apekiatai ñakokonaunkuxti asaratiyɨ, asiukikɨ basotityo axɨmanu pemakax makumanatax ɨmo matupaka nisamuku mañoñɨnka.

1 Corintios 8:12

Ui axɨna sane chuxiampɨ aisamute aɨbuma axɨbama arukityaiki apekiatai ñakokonaunkuxɨma, ane naipɨnate aɨbuti Cristo.

1 Corintios 9:22

Naukiche anankañɨ axɨpekuma axɨbama apekiatai aikokoromati Jesús, axɨñɨntyo isamute takana axɨma, nauki aikokoma isiukiñɨ. Sane isamute takana nisɨboriki namanaiña, sane nauki aboma axɨbama ane maximiakatax ɨmoma axɨpekukimia.

2 Corintios 11:21

Axɨñɨ isɨsoka sukanañɨ sane, ¡axoñɨ champɨ nubasɨu sane naukiche uisamute sane! Tapɨ axtɨ makiataka champɨ ñanaunkuxɨma, saneityo sobi, axtɨ axɨna sane tyone tasukux.

2 Corintios 11:29

Axtɨ anati naki maunxokonoti, axɨñɨntyo ñaunxokoka. Axtɨ anati naki tapenekoti uimia, axɨñɨ ichɨborikia.

2 Corintios 6:3

Champɨ kausane suisɨboriki sukarɨ makiataka, sane tapɨ anati naki chuxiampɨ ɨmoti axɨna supachɨkoi.

Gálatas 5:13

Axaño, masarukityaiki, tɨtane batasukux aume eanaki nomɨnantɨ. Axɨna champɨ nomɨnantɨ aukɨtɨpɨ tapɨ uixh amekatɨ isiu axɨna nauxiantɨmoantoe. Ta apisamuse axɨna uxia aɨbu napakumananaunku aumeampatoe.

Colosenses 2:8

Amasasatɨ nuxia. Tapɨ amonsapetio nuraxɨma axɨbama xhanxɨma atachemakama aume oboi nuraxɨma takana axtɨ taruku ñapanaunkuxɨma, abo tyoneantai ñanunekakaxɨma mañoñɨnka. Axɨmanuma mañoñɨnka ikokotama yakɨpukuxɨma axɨbama espíritu ane nɨriakaxɨma iku axɨna kɨx tapɨ ɨmoti Cristo chɨmakokonaumpɨma.

1 Pedro 2:16

Apisamuse nausɨboriki isiuki nauxiantɨmo, tyopiki axaño apaserebikia ɨmoti Tupax. Tapɨ amonkatɨapae ɨmo axɨna sane chebo aume nauki tyopiki kaɨma apisamute ausɨratai nomɨnantɨ.

2 Pedro 2:19

Namatɨ ɨmoma ta chebo ñana ɨmoma aisamunema axɨna nixhantɨmoma, tapɨ axɨma ta chiñokotapɨma axɨba chomixhampɨ niyachɨkoimia. Tyopiki axti ñoñɨnx kumanakaxti oboi axɨba chomixhampɨ nixhantɨmoti.

Apocalipsis 2:14

Ane axɨna aisamute chuxiampɨ iñemo: aboma akamanu achepekɨ axɨbama chixhanxɨpɨma aiñokoma ñanunekakaxti Balaam, maniki nanti tɨkañe ɨmoti Balac nauki atachemakati ɨmoma axɨbama auki Israel, nauki anema numañetu numukianka axɨba mukumanana ɨmo matupaka nisamuku mañoñɨnka nauki tapɨ anentyo ñanaunkuxɨma ɨmomantoe axɨbama posoma.