1 Corintios 7:15 - Manityanati Tupax

¹⁵ Axtɨ axti ñoñɨnx chepe paɨx axɨbama chikokoropɨmati Jesús xhanxɨma aiñokonomakɨ tari aisamunema. Tyopiki axɨna sanenti ñoñɨnx chepe paɨx sɨsioma pese nakaxɨma pɨnanakimiantoe, tyopiki axti Tupax ityasuruti año nauki uxia aboi aumeampatoe.

Manitanati Tuparrü

¹⁵ Pero arrtü rranrrti ariorrti ñoñünrrü pünanaqui nicüpostoti, naqui chicocorotitipü Jesús, tari yeracatitü. Isiatai arrüna paürrü chicocorotipü Jesús, tari yeracatü pünanaquiti iquiana naqui icocoroti Jesús, arrtü sane nirrancarrü. Champü nüriacarrü nauqui asioma ichépemantai arrtü sane. Itopiqui arrti Tuparrü utasuca uiti, nauqui urria nusaca icu cürrü uiti.

1 Corintios 7:15 교차 참조

San Mateo 12:50

Axti naki isamutenti noñemaxti Iyaɨ naki anati au napes, tyonenti isaruki, nikiasi nipiakɨtyo.

San Lucas 9:39

Tamanti chobores iñenoti, tosibikoti konsabotityo uiti atɨo aikiti. Emeonoti chixhanxtipɨ aiñemekanati.

Romanos 12:18

Apiña nuxia, nauki uxia aboi aumeampatoe au nausɨboriki aɨbu namanaiña axɨbama ausɨborisapa.

Romanos 14:19

Sane naukiche bapacheriora nanaiña axɨna uiche uxia osoi oemoampatoe nauki chepe oñɨ uisamune axɨna uxia.

1 Corintios 14:33

tyopiki axti Tupax Tupaxti ɨmo axɨna uxia osoi oemantoe chɨtɨpɨ ɨmo axɨna chuxiampatai osoi oemantoe. Takana nisɨborikixhimia axɨbama ikokoromati Jesús,

2 Corintios 13:11

Au nityakɨrux masarukityaiki, taikiana uxia nausɨboriki apapachesio kausane nauki besɨro nausɨboriki. Apiña nuxia taikiana uxia aboi aumeampatoe au nausɨboriki. Sane axti Tupax naki taruku nukuasɨrɨkɨ ɨmoti tari anati auchepe.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Hebreos 12:14

Apapache nikiubu año nauki uxia aboi ɨmo namanaiña aɨbu napakokonaunku ɨmoti Tupax, tyopiki axtɨ chapisamutempɨ, chamasakatipɨ ñana.

Santiago 2:15

Axtɨ anati naki champɨ naibixhti champɨityo utuburiboti.