1 Corintios 7:10 - Manityanati Tupax

¹⁰ Tapɨ axɨbama tɨposoma sukanañɨ aume axɨna yakɨpukuxti Tupax, tari axɨna paɨx tapɨ iñokonoti ikiana.

Manitanati Tuparrü

¹⁰ Suraboira caüma isucarü bama tüposo arrüna bacüpucurrü: Taman paürrü tapü iñoconoti iquiana. Arrüna bacüpucurrü champürrtü sobiatai, ta uiti naqui Señor.

1 Corintios 7:10 교차 참조

San Mateo 5:32

Tapɨ axɨñɨ sukanañɨ aume axtɨ anati tamanti ñoñɨnx iñanatiyɨ peese pɨnanaki nikɨpostoti, uxia axtɨ chɨposotipɨ aɨbu, tyone matapenekana ñana ɨmoti kiatax ñoñɨnx. Axti naki posoti aɨbu axɨna onkono uiti ikiana, anentyo nipɨnatenti.

San Marcos 10:2

Axɨmanuma fariseos sɨromatɨ esati Jesús, aɨbu ñakokotoxɨma ɨmoti, ñankitioma pɨnanakiti axtɨ uxia aiñanatiyɨ peese pɨnanaki nikɨpostoti naki tɨposoti.

San Lucas 16:18

“Axtɨ anati taman ñoñɨnx posoti iñanatiyɨ peese pɨnanaki nikɨpostoti nauki apoti tatityo aɨbu kiatax, ane nipɨnatenti aɨbu. Axti naki posoti aɨbu axɨna iñanɨ peese pɨnanakiti ikiana anentyo nipɨnate aɨbuti.

1 Corintios 7:11

Axtɨ paɨx okonoti ikiana uixh, tapɨ poso tato aɨbuti kiatax, tari aixhimiaka tato aɨbuti ikiana. Saneityo axti ñoñɨnx tapɨ iñokotati nikɨpostoti.

1 Corintios 7:12

Tapɨ ɨmo makiataka sukanañɨ axɨna niñoñemantoe chɨtɨpɨ ui noñemaxti Tupax, axtɨ nikɨpostoti naki usaruki chikokorotipɨ Tupax, axtɨ uxia au ñakionkox sɨsio aɨbuti, tapɨ iñanatiyɨ pese pɨnanaki.

1 Corintios 7:15

Axtɨ axti ñoñɨnx chepe paɨx axɨbama chikokoropɨmati Jesús xhanxɨma aiñokonomakɨ tari aisamunema. Tyopiki axɨna sanenti ñoñɨnx chepe paɨx sɨsioma pese nakaxɨma pɨnanakimiantoe, tyopiki axti Tupax ityasuruti año nauki uxia aboi aumeampatoe.

1 Corintios 7:25

Tapɨ ñome axɨba paɨka chɨboposopɨ, champɨ bakɨpukux ñome sobi uiti Yɨriabux Jesús. Ta ane axɨna nixhakionkoatoe, takanati naki taruku namonxɨkɨ ɨmoti ui nipukɨruxti Yɨriabux Jesús.

1 Corintios 7:40

Au nixhakionko kanapae uxia nakax axtɨ chɨposopɨ tato. Tyone axɨna nixhakionko, kanapae anentyo noñemaxti Tupax sɨtɨpɨñɨ

1 Corintios 7:6

Axɨna sane sukanañɨ aume tyone nixhakionkoatoe chɨtɨpɨ nixhakɨpuku.