1 Corintios 6:20 - Manityanati Tupax

²⁰ tyopiki axɨmanu naukɨtɨpɨ uiti Tupax iyebo tato. Sane naukiche kaɨma apiñanaunsuti Tupax aɨbu naukɨtɨpɨ.

Manitanati Tuparrü

²⁰ Itopiqui chauqui tüpertenecebo año ümoti Tuparrü. Arrti tübapacarati chama abitobo. Sane nauquiche caüma apiñanaunsurrti aübu naucütüpü.

1 Corintios 6:20 교차 참조

San Mateo 5:16

Saneityo axaño, apisamuse axɨna uxia nauki axɨna basarux ane aukɨtɨpɨ anentax uixh sukarɨ makiataka, nauki, ui axɨna astaimia uxia apisamute, namanaiña omixhia nuraxɨma kɨtɨpɨti Yaɨtoxɨma naki anati au napes.

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

Romanos 12:1

Sane naukiche masarukityaiki, apasamu nuxia iñemo au nɨrixhti Tupax nauki apityoximia naukɨtɨpɨ ɨmoti, takana napakumanata axɨna sɨboriko ɨmoti, axɨna champɨ nomɨnantɨ kɨtɨpɨ, uxia au ñakionkoxti Tupax, tyone axɨna ñemanauntu napanaunku toxiobo aboi ɨmoti.

Romanos 6:19

(Xhanityaka takana nuraxtiatai ñoñɨnx, tyopiki axaño chiyebopɨ aboi axɨna sane.) Sane takana tɨkañe apityoximiata naukɨtɨpɨ ɨmo axɨna chuxiampɨ nauki apisamune axɨna nomɨnantɨ, apityoximiaintyo kaɨma naukɨtɨpɨ ɨmo axɨna uxia, nauki apisamune nausɨboriki isiuki axɨna besɨro.

1 Corintios 10:31

Saneityo axtɨ aubaka, axtɨ auchaka, axtɨ apisamute kiatax napachɨkoi, apisamuse nanaiña ɨmo manaunkux ɨmoti Tupax.

1 Corintios 7:23

Uiti Tupax aikiaɨburuti año pɨnanaki nomɨnantɨ. Tapɨ chebo aboi ɨmoma makiataka mañoñɨnka nauki autapeneka uimia au nomɨnantɨ.

Gálatas 3:13

Uiti Cristo ane maximiakatax oemo pɨnanaki axɨmanu mapauxamakax ui bakɨpukux, otopiki isamunɨ mapauxamakax, tyopiki axɨmanu Nikorox nantɨ: “Champɨti uxia uiti ɨmoti naki koiñoti kɨtɨpɨ kurusɨx.”

Filipenses 1:20

Ñonkatɨ nuxia ta chisɨsokapɨ oboi nanaiña axɨba isamukio. Axtɨ isɨborikiaiki o axtɨ tisonka, taikiana ixhanka isamune nanaiña aɨbu narukux iñemo, nauki chopikiñɨ namanaiña anityama kɨtɨpɨ axɨna niyarusɨrɨkɨxti Cristo.

Hebreos 9:12

Sɨrotitɨpo Cristo au axɨmanu nipo meankax, chɨtɨpɨ nauki akumanatiki noboto numukianka, ta makumananti notoxtiatoe. Kunauntañantai niyɨkɨxtipo ñome nanaiña naskɨbeka, sane iyebo uiti maximiakatax oemo axɨna champɨ nityakɨrux.

1 Pedro 1:18

Tyopiki axti Tupax autaesɨbu uiti pɨnanaki axɨmanu nausɨboriki champɨ nanenekiche axɨna iyebo aboi isiuki axɨbama aubaɨtaiki tɨkañe. Axaño tusiu nuxia aume, nikuax axɨmanu maximiakatax aume, chɨtoxiopɨ ityobo axɨba mumameso ñana takana oro chepe plata,

1 Pedro 2:9

Axaño tyonema axɨbama aɨtoxti Tupax samamekana año uiti, sacerdote año nauki apaserebi ɨmoti Yɨriabux, axɨbama champɨ nipɨnatema, axɨbama kaɨburuma uiti Tupax eanaki nomɨnantɨ. Axɨna sane ta nauki aburaboi axɨba champɨ tu bastai nisamukuxti Tupax, nauki aye aboi kauta taruku nanentakax esati.

2 Pedro 2:1

Abomaintyo tɨkañe axɨbama chiñemanauntupɨ profetas axɨpekuma axɨbama auki Israel. Saneityo aboma ñana axɨbama chityonempɨma axɨbama manunekanabo abaxɨpeku. Manunekanama ñana aɨbu mapankax axɨba chomixhampɨ ñapanaunkuxɨma, namatɨ ñana aume axti Jesús champɨ maximiakatax uiti. Sane naukiche, axtɨ champɨ napakionko, koiñoma ñana.

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.