1 Corintios 3:5 - Manityanati Tupax

⁵ ¿Isane nakaxti Apolo?, ¿isane nakaxti Pablo? Axɨbamantai baserebioma, uimia axaño apikokokati Tupax. Chepe somɨ sopisamute supachɨkoi axɨna toxio suiñemo sopisamune uiti Yɨriabux:

Manitanati Tuparrü

⁵ ¿Isanempito nacarrti aume Apolos? ¿Isanempito niyaca aume? Tiene que atusi aume isane nacarrti Apolo y isane niyaca. Arrüsomü mosorrü somü ümoti Tuparrü. Soboi apicococati Jesús. Supaserebiquia ümoti Tuparrü isiu yacüpucurrti. Cadati taman ane niyatrabacacarrti ümoti Señor.

1 Corintios 3:5 교차 참조

San Mateo 25:15

Ɨmoti taman toxio uiti cinco mil monikia, ɨmoti kiatax dos mil monikia ɨmoti maniki tyakɨrux toxio mil monikia: toxio taikiana ɨmoti taman isiu axɨna nikusɨuxti. Auki sɨrotitɨ amenti.

San Lucas 1:2

sane urapoimia usukarɨ axɨbama aukiapae amonkoma tɨkañe ichepeti aukityo asuriuma bakɨpukux nauki uraboimia axɨba omixhia nuraxti.

San Juan 3:27

Nanti Kuan ɨmoma: –Champɨti ane ɨmoti axtɨ chɨtoxiopɨ uiti Tupax ɨmoti.

Hechos 18:24

Au axɨmanio naneneka tɨkañe iñataiti tamanti ñoñɨnx judío au Éfeso nɨrixhti Apolo po'osoti au Alejandría, axti isuputakati nuxia Nikorox kɨtɨpɨti Tupax.

Hechos 19:1

Naukiche anankatiki Apolo au Corinto, tompɨkana uiti Pablo axɨmanio yirityuka, auki iñataiti au Éfeso, akamanu tabɨkoma uiti sɨrɨmanama axɨmanuma ikokoromati Jesús.

Romanos 15:16

Nauki yaserebi ɨmoti Cristo Jesús nauki uxia nisɨborikixhimia axɨbama chɨtɨpɨ judíos, axɨna niyaserebiki ta nauki xhanuneka axɨba omixhia nuraxti Tupax nauki yɨrotɨ aɨbuma esati axɨbama chɨtɨpɨ judíos takana axɨna makumanatax uxia au ñakionkoxti, kurusɨo uiti Espíritu Santo.

1 Corintios 12:28

Aboma axɨbama sɨroma uiti Tupax axɨpekuma axɨbama ikokoromati Jesús, kusɨrɨboma axɨbama amonkoma tɨkañe isiuti. Auki aboma axɨbama manityanama ui noñemaxti. Auki aboma axɨbama manunekanabo. Auki aboma axɨbama masamunuma axɨba champɨ tu bastai, makiataka axɨbama bakurarama ɨmoma axɨbama maunxokonoma, axɨbama asaramatɨ tyaku makiataka, axɨbama mayɨriabuka, makiataka tusiu ɨmoma axɨmanio aruki nanaiñantai manityakaka.

1 Corintios 16:12

Axti usaruki Apolo, sukanañɨ ɨmoti asamuti nuxia aɨrotitɨ tanu asarati año chepema axɨbama usarukityaiki, ta kaɨma chixhanxtipɨ au kiataxapae ñana sɨrotitɨ.

1 Corintios 3:10

Axɨñɨ tyonenti naki ipiakati nuxia asamuti pox, ui noñemaxti Tupax toxio iñemo isamune axɨna nityɨmox, uiti kiatax aiñatɨnakati onɨ axɨmanu pox. Taikianati taman tari asaraiti nuxia kausane ñatɨnakakaxti,

1 Corintios 3:22

axti Pablo, axti Apolo, axti Cefas, axɨna kɨx, sɨborikixh, konkox, axɨna kaɨma axɨnaintyo kuabotɨki. Nanaiña ane amemeku,

1 Corintios 3:7

Sane naukiche axti naki manati kɨtu chepeti naki basupiuruti tux champɨ nanenekichema, ta axti Tupax naki uiche aisamunenti nanaiña, tyonenti naki uiche asunau axɨmanu sɨro kɨtu.

1 Corintios 9:17

Sane naukiche, axtɨ isamutempɨ auki niñoñemantoe, anempɨ tyopikiche ane toxiobo ñana iñemo ityobo. Tapɨ axtɨ isamute ui bakɨpukux, ta tyopiki isamute ui yakɨpukuxti Tupax.

2 Corintios 11:23

¿Tyonema axɨbama baserebioma ɨmoti Cristo? Axɨñɨ taruku nisɨriaka pɨnanakimia, ui axɨna sukanañɨ sane xhanityaka takanati naki tasusu. Axɨñɨ xhanunekaka nuxia pɨnanakimia, taikiana aiñamanamañɨmpo, tapɨ axɨma champɨ, taikiana aikɨbairomañɨ, tapɨ axɨma champɨ, taikianaintyo iñañekaka aityabairomañɨ.

2 Corintios 3:3

Tusiu nuxia axaño tyone axɨmanu kichonimiakax korobo uiti Cristo axɨna soboi sopityoximia. Axɨna chɨkorobopɨ ui kiatax ta ui nesaxti Espíritu naki Tupax sɨborikoti. Axɨna chɨkorobopɨ iku kanx, ta korobo au nausasɨ mañoñɨnka.

2 Corintios 3:6

uiti aiñununekanati somɨ nauki supaserebi ɨmo axɨmanu aɨbo tratox, chɨtɨpɨ isiuki axɨmanu bakɨpukux, ta ui noñemaxti Espíritu Santo, axɨmanu bakɨpukux otoxikia uixh ɨmo nokonko tapɨti nesaxti Espíritu Tupax osɨborikia uixh.

2 Corintios 4:1

Sane naukiche axɨsomɨ axɨna supachɨkoi toxio suiñemo ui nipukɨruxti Tupax chisuixhankapɨ sopiñoko.

2 Corintios 4:5

Chɨsupanunekakapɨ suisɨtɨpɨatoe, ta supanunekaka kɨtɨpɨti Jesucristo naki Yɨriabux oemo, suburapoi nuxia ausukarɨ axɨsomɨ kumanakax somɨ aume ui nikuasɨrɨkɨxti Jesús suiñemo.

2 Corintios 4:7

Axɨna basarux auki napes ane okɨtɨpɨ, ane takana au siukux uxiante ui taux, nauki atusianka axɨmanu yarusɨrɨx nɨriakax ta kuatɨ esakiti Tupax chɨkuapɨtɨ okɨtɨpɨki.

2 Corintios 5:18

Nanaiña axɨna sane tyone nisamukuxti Tupax, tyonenti naki auki nakaxti Cristo ane maximiakatax oemo aɨbutiatoe, yakɨpukuxti suiñemo suburaboi axɨna maximiakatax.

2 Corintios 6:1

Sane kaɨma, tyopiki kumanakax somɨ ɨmoti Tupax, sukanasomɨ aume apasamu nuxia suiñemo apasusiu axɨna nipukɨruxti Tupax autaku.

2 Corintios 6:4

Ui axɨna sane, au nanaiña sopityusiankata ta kumanakax somɨ ɨmoti Tupax, yebokasomɨ ñome suichakisɨrɨkɨ, axtɨ ane suixhantɨmo, axtɨ chichebopɨ suiñemo supanuneka,

Efesios 3:7

Axti Tupax iñanatiñɨ nauki yaserebi ɨmo axɨmanu uxia manityakax ui nipukɨruxti chakuñɨ, naki ityusiankatati niyarusɨrɨkɨ nɨriakaxti.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Colosenses 1:25

Ui noñemaxti Tupax axɨñɨ yaserebikia ɨmo axɨbama ikokoromati Jesús, ui yakɨpukuxti iñemo, nauki uxia nausɨboriki, nauki suraboi au nanaiña axɨba omixhia nuraxti,

1 Timoteo 1:12

Ñachampienkaka ɨmoti Yɨriabux Jesucristo, tyopiki onkotitɨ iñemo ta uitityo aruku nuxia iñemo nauki yaserebi ɨmoti.

1 Pedro 4:10

Taikianati taman isiuki axɨna enaunku atoxi ɨmoti uiti Tupax, amasasatɨ tyaku makiataka ui axɨna toxio aume.