1 Corintios 3:13 - Manityanati Tupax

¹³ Axɨna niyachɨkoiti taman tyone tusiankanabo au axɨmanu tyakɨrux nanenes ñana. Tyopiki axɨmanu nanenes ñana kuatɨ aɨbu pes, ui axɨmanu pes atusi axtɨ uxia niyachɨkoimia namanaiña.

Manitanati Tuparrü

¹³ Tusio ñana arrtü urria yatrabacacarrti cadati taman au manu nanenese auche bacurrtarati Tuparrü aübu pese. Ui manu pese caüma tusio arrtü ururau nubatrabacaca o champü.

1 Corintios 3:13 교차 참조

San Mateo 10:15

Ñemanauntu sukanañɨ aume au axɨmanu tyakɨrux nanenes ñana axɨmanu manaityomokotox ɨmoma tarukapae pɨnanaki axɨmanuma auki Sodoma ichepe Gomorra.

San Mateo 16:27

Tyopiki axɨñɨ Aɨtoxti ñoñɨnx isekatɨ ñana aɨbu niriakaxti Tupax ichepe axɨbamaintyo ángeles, auki kaɨma toxio uiti taikiana ɨmoti taman nikuax axɨna isamutenti.

San Lucas 2:35

nauki axɨba nixhantɨmoma ubau nityusixhimia ameno au nusuara. Nanaiña ñana axɨna sane tyone aemo takana kɨses tompɨkana uixh nausɨpɨatoe.

Romanos 2:16

au axɨmanu nanenes ñana auche axti Tupax asaratitɨ uiti Jesucristo axɨba umanekana au nausasɨxɨma mañoñɨnka, isiuki axɨba omixhia manityakax xhanunekaka.

Romanos 2:5

Tyopiki axɨkɨ, ui nityai natusi chaxiankapɨ ayetɨ tato esati Tupax, sane naukiche aikiamata aemoantoe axɨna atakisɨrɨkɨbokɨ ɨmo axɨmanu nanenes ñana taruku takisɨrɨkɨx uiti Tupax

1 Corintios 1:8

Uiti Tupax sɨsio año aɨbu nauxianka amasarati chepe nityakɨrux, tapɨ anati naki asioti urapakaiti kausane nausɨboriki ñana axtɨ tɨkuatati tato axti Yɨriabux Jesucristo.

1 Corintios 3:12

Axtɨ anati naki matɨnakanati pox onɨ axɨna nityɨmox ui oro, ui plata oboityo omixhantai kanka, oboi soeka aɨbu box.

1 Corintios 4:5

Sane naukiche, tapɨ apasɨrɨka amasarai axɨna sane axtɨ chiñataikipɨ axɨmanu nanenes ñana. Axtɨ tɨkuatati Yɨriabux auki napes tari uiti aikiaɨbuti au nanentax nanaiña axɨba kaɨma abe au tomikianene, uiti atusi axɨna ane au nityusixhimia mañoñɨnka. Auki kaɨma axti Tupax uxia nuraxti ɨmoma axɨbama uxia nisɨborikixhimia.

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

2 Timoteo 1:18

Tari axti Yɨriabux Jesús apukɨruti tyakuti au axɨmanu nanenes ñana. Axɨkɨ tɨtusiu nuxia aemo asaratitɨ utaku naukiche ananka oñɨ au Éfeso.

2 Timoteo 3:9

Ta chɨsɨromapɨtɨ iche, tyopiki namanaiña ñana tusiu ɨmoma ta champɨ nipiakaxɨma, sane takana axɨmanuma toxɨma chuxiampɨ ɨmoma nɨriakaxti Moisés.

2 Timoteo 4:8

Ane toxiobo iñemo axɨna icharusɨbo koñotɨ yasuriu axɨna toxio ñana iñemo uiti Yɨriabux, tyopiki uxia ñapanaunkuxti, au axɨmanu nanenes ñana. Chiñemoantaipɨ ta ɨmo namanaiña axɨbama kuasɨrɨti ɨmoma chepe axtɨ tɨkuatati tato ñana.

Hebreos 10:25

Tapɨ chuɨkapɨtɨ axtɨ oyoberabaka, takana aboma axɨbama isamutema sane, uisamunena aɨbu narukux oemo axɨna numakokonaunku ɨmoti Tupax, au axɨmaniampae naneneka axtɨ tɨsaimia ayetitɨ tato Jesucristo asaraiti ɨmo axɨna kɨx.

1 Pedro 1:7

Tyopiki axɨna apikokokati Tupax tyone takana oro: axɨna uiche atusi axtɨ uxia chɨrɨriko ui pes, axɨmanu makokonaunkux chɨtapenekopɨ oboi makokotoka, taruku nikuax pɨnanaki axɨmanu oro, axɨna mameso ñana. Sane axtɨ tɨkuatati tato Jesucristo, uxia ñana nuraxti kɨtɨpɨ axɨna napakokonaunku ɨmoti Tupax, tyopiki taman makokonaunkux axtɨ chɨtapenekopɨ ui makokotox koñotɨ uxia manityakax kɨtɨpɨ.

1 Pedro 4:12

Masarukityaiki, tapɨ aukɨtobɨka axtɨ ane makokotox aume, takana axtɨ champɨ tamastai.

2 Pedro 3:10

Au axɨmanu nanenes ñana auche ayetitɨ tato Yɨriabux Jesús, kuatati takanati taman kusɨpɨx. Au axɨmanu nanenes ñana axɨna napes iñaxio ui taman yarusɨrɨx nisɨux uiche taruku bixhukux, nostoñeka omiñaxio ñana ui pes, axɨnaintyo kɨx aɨbu nanaiña axɨba abe iku omiñaxio ñana.

2 Pedro 3:7

Axɨna napes chepe axɨna kɨx kaɨma, omiñaxio ñana ui pes tyopiki sane yakɨpukuxti Tupax. Ui axɨmanu pes ɨroma ñana au axɨmanu tyakɨrux nanenes axɨbama chuxiampɨ nisɨborikixhimia axtɨ tastaiti nisɨboriki namanaiña.

Apocalipsis 20:12

Auki yasakama axɨbama tɨkoiñoma, mayɨriabuka takanaintyo masiomanka, atɨraimia esa axɨmanu nityɨmoxti Yɨriabux. Auki ubaurɨbo axɨmanio kichonimiakaka, aurɨboityo axɨmanu kiatax kichonimiakax, tyone axɨmanu uiche ane sɨborikixh. Axɨmanuma tɨkoiñoma astaiti Tupax nisɨborikixhimia isiuki axɨna isamutema tɨkañe isiukityo axɨmanio ane korobo yuku axɨmanio kichonimiakaka.