1 Corintios 16:13 - Manityanati Tupax

¹³ Taikiana amasankatɨ nuxia, tapɨ apiñokota axɨna napakokonaunku ɨmoti Jesús. Apiña nuxia tapɨ apiñokota axɨna tɨtusiu aume.

Manitanati Tuparrü

¹³ Amasasai nurria, tapü apiñocota napacoconauncu ümoti Tuparrü. Apiña nurria tacanati ñoñünrrü, tapü apatacheca isiuquiti Cristo.

1 Corintios 16:13 교차 참조

San Mateo 25:13

“Sɨsio año amastaikiatɨ–nantityo Jesús–, tyopiki chɨtusiupɨ aume isane nanenes o isane horax.

San Mateo 26:41

Sɨsio año amastaikiatɨ aɨbu nameanka, tapɨ autapeneka. Axaño auxianka, tapɨ naukɨtɨpɨ chɨsanempɨ uixh.

San Lucas 21:36

Sɨsio año takanati naki koborioti, amea naneneka, nauki amañekaka oboi nanaiña axɨba sane omixhankio ñana nauki amenotɨ esati Aɨtoxti ñoñɨnx.”

1 Corintios 14:20

Masarukityaiki, tapɨ apiñata au napakionko takana axɨbama masiomankaiki. Apiña takana masiomanka ñome axɨba chomixhampɨ. Ta apiña nauyarusɨrɨkɨ ñome napapanaunku.

1 Corintios 15:58

Sane naukiche, masarukityaiki apiña nuxia, tapɨ autapeneka au axɨna napakokonaunku abasikia aɨbu, tari tyone napachɨkoi apanunekai au nɨrixhti Yɨriabux Jesús. Tyopiki tusiu aume ta chɨmunataipɨ axɨna napaserebiki ɨmoti Yɨriabux.

2 Corintios 1:24

Chɨsoboipɨ axɨna napakokonaunku. Axɨna suixhantɨmo aupu ta nauki ane aupukɨnunkubu, tyopiki tɨtusiu nuxia aume axɨna apikokota.

Gálatas 5:1

Kaɨburu uiti Cristo nomɨnantɨ okɨtɨpɨki nauki tapɨ ane nomɨnantɨ okɨtɨpɨ. Sane naukiche tapɨ amekatɨ tatityo ñome nomɨnantɨ sane kumanakax año ñome.

Efesios 3:16

Xhankikia pɨnanakiti Uyaɨ aruki axɨmanu yarusɨrɨx nenaxixhti auki napes tari aityoximiati aume, au nabausasɨ, noñemaxti nikusɨuxtityo Espíritu Santo,

Efesios 6:10

Au nityakɨrux masarukityaiki, apapache aukusɨubu kɨtɨpɨti Yɨriabux Jesús axɨna nikusɨuxti champɨti iñanɨ kɨmenu.

Filipenses 1:27

Tyoneantai axɨna sukanañɨ aume: apiña nausɨboriki isiuki axɨba omixhia nuraxti Cristo. Apisamuse sane axtɨ yɨkatɨ tanu o chiyɨkapɨtɨ yasaraño, ixhanka atusi iñemo ta namanaiña axaño chepe naka nausɨboriki chepetyo napakionko au nanaiña, apiñata nuxia nauki aburaboi axɨmanio omixhia manityakax,

Filipenses 4:1

Masarukityaiki axɨbamaintyo ichurapataiki, taruku nipukɨnunku autopiki. ¡Ñemanaunkuxatoe isucheka abapa! ¡Apiña nuxia tapɨ apiñokota napakokonaunku ɨmoti Yɨriabux Jesús!

Filipenses 4:13

Ui noñemaxti Cristo aruku nuxia iñemo nauki yɨro kutakikibo nanaiñantai.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Colosenses 4:12

Ñakionkoxti tanu aume Epafras, naki baserebioti ɨmoti Jesucristo. Tyonenti aukitanu abaxɨpekuki, taikiana meaboti autaku, mankioti pɨnanakiti Tupax nauki aruku nuxia aume apityoximia naukɨtɨpɨ ɨmo noñemaxti Tupax.

Colosenses 4:2

Tapɨ tochenko nameanka, taikiana amasankatɨ apachampienkaityo ɨmoti Tupax.

1 Tesalonicenses 3:8

Ui axɨna sane tusiu suiñemo, aruku nuxia tato ɨmo suisɨtɨpɨ nauki suisɨborikia.

1 Tesalonicenses 5:6

Sane naukiche, amasankatɨ nuxia, besɨro nausɨboriki tapɨ apisamute takana nisɨboriki makiataka.

2 Tesalonicenses 2:15

Sane naukiche masarukityaiki, sɨsio año aɨbu napakokonaunku ɨmoti Tupax tapɨ takɨrusu napakionko yubapa axɨba supanunekaka aume oboityo kichonimiakaka axɨba supakɨpuka aume.

1 Timoteo 6:12

Aiña nuxia takanati naki kupiusuti axti naki xhanxti akusɨrɨti aiñanainti tyakɨru taikiana besɨro nasɨboriki, ityobo toxio ñana aemo axɨna champɨ nityakɨru nasɨboriki. Axti Tupax ityasurutiyɨ auki ɨriotɨ tɨkañe uiti aemo naukiche sukarɨ namanaiña ukanɨ ta aikokokati.

2 Timoteo 2:1

Axɨkɨ isaɨ, aiña nuxia ui noñemaxti Tupax axɨna tusiankana asukarɨkɨ ta tyonenti Cristo Jesús.

2 Timoteo 4:5

Axɨkɨ asasatɨ nuxia tyaku axɨna besɨro napanaunku, tari aruku nantax aemo aɨbu natakisɨrɨkɨ, sɨsiokɨ aɨbu nanunekaka axɨba omixhia manityakax, aisamuse nuxia axɨna nachɨkoi.

2 Timoteo 4:7

Iyebo sobi axɨna taruku nixhanka, iñatai tyakɨru niyachɨkoi, aɨbu nixhakokonaunku.

1 Pedro 4:7

Tɨsaimia nityakɨrux nanaiña axɨna sane. Sane naukiche besɨro nausɨboriki apiña nuxia nameanka.

1 Pedro 5:8

Amasasatɨ nuxia kɨmenu axɨna kuabotɨ aume, tyopiki axti naki chuxiampɨ uiti aume axti chobores anati takana nuitɨmɨx kɨrɨpɨo bapachero utuburibo.

Apocalipsis 16:15

Sane naukiche axti Yɨriabux nanti: “Isekatato ñana axtɨ champɨti ane ñakionkoxti. Isekatɨ takanati kusɨpɨx, naki kusɨpɨoti au tobixh axtɨ champɨti ane ñakionkoxti. Axti Tupax kurusɨoti uiti naki chɨmanutañatipɨ axtɨ anentyo naibixhti, tyopiki chɨtabɨkotipɨ uiti kɨsuasati. Champɨityo tyakuche akɨsoti.”