1 Corintios 15:52 - Manityanati Tupax

⁵² Au taman nakax, au taman basakuakax, axtɨ rabotɨ ñana axɨmanu tyakɨrux tosibixh. Tyopiki rabotɨ ñana axɨmanu tosibixh, axɨbama tɨkoiñoma atɨraimia tato nauki tapɨ ananto akoma tato. Auki axoñɨ kiatax nosɨboriki.

1 Corintios 15:52 교차 참조

San Mateo 24:31

Axti kaɨma bakɨpuruti ɨmo axɨbama ángeles aɨbu yarusɨrɨx nibuxixhimia, nauki oberabarama uimia axɨbama samamekanama auki tansɨrɨ auki makiɨtɨx auki mankax aukityo nimɨmɨx, auki taman narɨkɨki napes ichepe kiatax narɨkɨkixh.

San Juan 5:25

Sukanañɨ aume tɨsaimia mapakɨmunkutux, tityone kaɨma, auche axɨbama tɨkoiñoma onkoimia nuraxti Aɨtoxti Tupax. Axɨbama onkoimia, chɨkoiñopɨma.

San Juan 5:28

Tapɨ aukɨtobɨka ui axɨna sukanañɨ aume, ityopiki kuatɨki mapakɨmunkutux auche ñana namanaiña axɨbama tɨkoiñoma onkoimia nuraxti

1 Corintios 15:23

Ta taikianati taman sɨroti kauta koñotɨ ɨmoti: kusɨrɨboti Cristo. Axtɨ tɨkuatati tato, sɨromatityo axɨbama ikokoromati.

1 Corintios 15:42

Saneityo axtɨ sɨborikoma tato axɨbama tɨkoiñoma. Axɨna sɨro kɨtu tyone isamute axɨna chuxiampɨ. Tapɨ axɨna sɨboriko tato tyone axɨna chɨtapenekopɨ ui nomɨnantɨ.

1 Corintios 15:50

Suraboira ausukarɨ masarukityaiki, axɨnantai kɨtɨpɨx chiyebopɨ uixh ñana esati Tupax, axɨna kɨtɨpɨx isamute axɨna chuxiampɨ chiyebopɨ uixh kauta naka nausɨpɨx axɨna champɨ nikɨtɨpɨx.

1 Tesalonicenses 4:15

Sane naukiche sukanasomɨ aume, takana ñanunekakaxti Yɨriabux, axoñɨ axɨbama osɨborikiaiki ñana chepe axtɨ tɨkuati tato Yɨriabux Jesús, tapɨ basɨrɨka pɨnanakimia axɨbama tɨkoiñoma.

2 Pedro 3:10

Au axɨmanu nanenes ñana auche ayetitɨ tato Yɨriabux Jesús, kuatati takanati taman kusɨpɨx. Au axɨmanu nanenes ñana axɨna napes iñaxio ui taman yarusɨrɨx nisɨux uiche taruku bixhukux, nostoñeka omiñaxio ñana ui pes, axɨnaintyo kɨx aɨbu nanaiña axɨba abe iku omiñaxio ñana.

Apocalipsis 8:13

Auki yasakatɨ, ñonkoi basoro taman nutamonxixh kɨmuintya napes nantɨ auki nityosibixh sane: “¡Takisɨrɨmantai, takisɨrɨmantai, takisɨrɨmantai axɨbama sɨborikoma iku axɨna kɨx, axtɨ tɨbupuru axɨmanio pikiataka buxikia nibuxixhimia axɨmanuma makiataka trex ángeles!”

Apocalipsis 8:2

Auki yasakatɨ ɨmoma axɨmanuma siete ángeles amonkoma atɨraimia esati Tupax, botoxio ɨmoma siete buxikia.